×

新导航介绍,点击查看

5.Dec.2007 木曜日

发表日期:2007-12-05 摄影器材: 点击数: 投票数:

  

  
琴晚啱係hk返嚟~
oh.第一感覺.廣州好凍吖....
第二感覺~我超攰吖!!!!
琴晚淩晨先返到嚟廣州~
拖住啲行李同自己疲倦嘅身?#124;..
唉!終於返到我溫暖嘅屋企囖!!!
好開心呢~第一時間就梗係衝涼瞓教...
  
今朝起身.開始逐步咁整理下啲相喇~
睇返眞係覺得好開心呢!
雖然好攰.但都係值得嘅...
  
3號嗰日.我哋搭直通巴去到hk.
食埋中午飯都已經成點鍾喇~
我哋去咗茶餐廳食嘢.
19蚊一碗雲吞麵搭一盃奶茶.
都幾唔錯.雲吞好大粒.好抵食!!!
食完之後.我同老公放低啲行李之後.
都迫不及待咁去咗行街街喇..
  
第一站朗豪坊.好多特色鋪仔哇~
而且條扶手電梯又眞係幾長嘅...
夜晚開咗燈.商場更加靚喲!!!
  
第二站.九龍塘嘅又一城~
好少人哦.能係星期一嘅緣故喇.顯得好冷清下!
  
第三站.名店N多嘅海港城~
裏邊乜嘢名店都有...
lv gucci juicy prada miumiu dior chanel~
妳數到乜嘅都有齊曬.追開名牌嘅fans啱曬喇..
  
第四站.後生仔囡最啱去嘅金百利~
係銅鑼灣嘅sogo隔離.賣女裝同首飾居多.
感覺有啲似廣州嘅流前...
  
行完金百利都已經係下晝4點半喇~
我哋係附近嘅K記食咗啲嘢...
呵呵!hk嘅K記啲鷄翅好正.
蜜汁燒嘅.我特別鐘意!!!!!!!!!!
下次去一定要再食~~~
  
第五站.時代廣場~
冇乜特別.都係名店林立嘅地方...
不過-1層有美食廣場.乜都有得食~
  
夜晚7點度.去咗味千拉麵食晚餐!
感覺同廣州嘅差唔多.冇乜特別...
誌在填飽嗰肚!!!
  
第六站.岀曬名嘅女人街同波鞋街一帶..
類似廣州嘅大笪地.冇乜嘢好特別~~
特別嘅係.超多人.超多唔同種族嘅人!!!
  
第七站.toy mart-玩具交易所
呢度眞係值得一去~
而且係我認為好值得一細看嘅地方!
如果係卡通fans就要帶夠彈藥先得喇...
裏邊有好多賣公仔.玩具.手偶之類嘅店鋪~
最多嘅係賣小佈同扭蛋~~~
呢度啲小佈比淘寶上邊嘅仲要便.
而且哦.最仲要嘅係計港紙吖!!!
以我買嘅魔術佈嚟講.
淘寶價係rmb125.佢哋嗰度特價隻係賣110港紙咂..
即係圍到rmb94蚊度就可以買到喇~~~
而且新款舊款乜款都有..
所以呢!我決定下次去一定要帶多嗰囡返屋企噶!!!
  
已經係夜晚嘅10點幾喇~有乜地方好去呢??
就梗係去睇下係電視劇同電影裏邊成日岀現嘅蘭桂坊喇!!!
  
最後一站.蘭桂坊及蘇豪一帶...
可能我哋嗰日係星期一嘅緣故喇~
蘭桂坊唔係好多人哦.而且氣氛一般般!
短短嘅一條街.有風格各異嘅酒吧.
不過就眞係好多外籍人囖!!!
其實呢度係一條長名'斜'嚟~
行到我哋索曬氣咁製.眞係頂癮!!!
蘇豪有好多間唔同菜繫嘅餐廳.
葡國.馬拉.西班牙.尼泊爾...
哇!眞係乜'鬼'嘢菜都有吖~
繼續嚮上行.就係岀曬名嘅石板街喇~
印象最深刻嘅係.juno有嗰mv咪就係呢度取景噶囖!
再轉上去.又係成日係電視劇裏邊岀現嘅...
嗰條超長嘅自動扶手電梯喇!
係中環至半山嘅電梯.眞係超長喲~~~
  
講住第一日嘅行程先~
第二日嘅聽日再講.哈哈...

关键词:PHONE人报vs3松下小甜

作者:Zoe

《5.Dec.2007 木曜日》


下一篇:没有了

最 新:
没有其它新的作品了

更多Zoe的POCO作品...

评论