×

新导航介绍,点击查看

6.Dec.2007 木曜日

发表日期:2007-12-06 摄影器材: 点击数: 投票数:




今日好凍咁~唉!
天氣灰霾.眞係心情都有所影相吖...
呢兩日眞係懶吖~
poco好少上.qq好少上.連網都好少上...
聽日開始囬復以前積極嘅狀態先得!

講返前日去disney~哈哈!超開心的...
鐘意disney嘅朋友仔一定要去哦!
裏邊氣氛好好哦.而且臨近聖誕.裏邊全部換上聖誕裝飾~
入到去好似去咗童話世界咁.
週圍都聽到清脆嘅聖誕歌...
好多好得意嘅卡通人物~
仲有.週圍嘅環境超靚呢.眞係令人忍唔住要狂影吖!!!

裏邊有機動遊戲.話劇同電影之類嘅..
全部都係免費嘅!
mickey嘅3D電影唔可以錯過.
好正哦~立體到不得了.而且會噴水同香味..
倖會史迪仔都唔可以錯過.
好搞笑噶!佢會同觀众溝通噶.笑死妳都似吖...
機動遊戲比較弱智.
旋轉木馬.蓮花盃.小飛象..任何年齡都適合!
有個太空飛車.就唔係個個都啱喇~
有啲似跳樓機咁.去到最上邊突然衝落嚟..
哈哈!咁刺激嘅我冇去玩.老公一支公去試咗下!

裏邊嘅餐廳都好多間.價錢就豐儉由人..
想慳錢咪去火箭餐廳食漢堡囖!
不過都唔便噶.35蚊一個漢堡包同薯條~
想豪啲就去皇室宴會廳囖...
中西日乜都有得食~
我哋就揀咗中規中矩嘅大街餐廳!
叉燒拉麵55蚊好大碗.湯好濃.叉燒4大塊.
炸豬扒飯.有前菜沙律送.豬扒炸得幾脆!值返嗰票價.70蚊~
最岀名嘅mickey形狀嘅華伕餅配雪糕梗係要試下喇.盛惠40嗰大洋吖!
記得啵!係hk大部分餐廳係要收10%服務費嘅...
呢餐落嚟.我哋食咗181蚊.算係咁上下喇!
不過係廣州嘅話.181可以食好多嘢嚕...

嚟到disneyland.煙花係唔可以錯過嘅~
如果唔係點值返嗰票價呢??!
一般嚟講.係星期六日先有煙花睇嘅..
我哋去嘅嗰日眞係lucky喇..
12月2-8號期間.每晚8點都放15分鍾嘅煙花!
呵呵~所以吸引咗大批遊客前嚟觀光...
怪唔知我話點解星期二都咁多人嘅??!

如果要同卡通人物影相.就要做足心理準備喇...
點解我會咁講呢??!
因為.隨時可能有卡通人物岀現係妳身邊.
又有可能隨時要排上成粒鍾嚟同佢哋影返張相噶!
我哋當日10點半排隊.為咗同mickey&minnie影相..
排到差唔多11點半.足足成粒鍾~
所以呢啲嘢眞係有心機先好去排隊哦...
每個卡通人物嘅影相時間同岀現地點都唔同.
大傢要睇清楚disneyland嘅指引哦!!!

最後講下手信方面喇...
disneyland食嘢好貴下我前邊就講咗喇!
但係.買嘢又唔係特別貴咂喔!
喔建議大傢買毛公仔.雖然價錢同廣州差唔多...
但係款式就當然係靚好多喇!!!
好多人鐘意買徽章或者鎖匙扣.
但係我就覺得一啲都唔抵喇...
一個徽章成35蚊.鎖匙扣更加要45-80不等添~
哇哦!計埋計埋.仲未夠公仔抵哦...
关键词:PHONE人报vs3松下小甜

作者:Zoe

《6.Dec.2007 木曜日》


下一篇:没有了

最 新:
没有其它新的作品了

更多Zoe的POCO作品...

评论