×

新导航介绍,点击查看

傢有肥喵~生活逍遙

发表日期:2007-12-12 摄影器材: 松下,vs3 点击数: 投票数:

以前養過一隻貓~
所以開始鐘意貓..
貓係一種好懂事嘅動物.
妳開心定唔開心佢都會知道噶!

後來因為某啲原因.
將佢送咗畀人養.
嗰個人竟然將佢整唔見咗~
唉!都係我嘅錯...
將佢交畀一個咁冇責任心嘅人度!

唔知佢依傢點呢??!
如果佢仲係度.應該係一隻老貓喇.
希望佢可以快快樂樂.健健康康..
對佢~我覺得好內疚!
對唔住哦...喵仔~!!


我P嘅一幅圖~創意創意!


肥仔喵好肥好得意噶!我同媽咪都好鐘意佢~
佢好懂事噶.成日會同妳玩捉依欣..
妳唔開心嗰陣.佢會靜鷄鷄瞓係妳隔離陪妳!


睇下喵仔唔願意嗰樣都咁殺死人~
佢好鬼有性格!有時妳監住佢做某樣嘢佢就偏偏唔做..


我最鐘意呢張喇!靚仔喵好英吖~
佢好鬼識擺pose嘅啫!眞係有明星貓嘅典範吖!!!


佢都有怕醜嘅一面喔!哈哈~
喵吖喵!佢最鐘意將屋企裏邊啲凳反轉曬嚟做地盤噶喇!
眞係攞佢冇曬符...


呢張係喵仔仲好細嗰嘅時候...
細嗰啱養佢嗰陣.佢眞係好百厭噶~
成日週圍跑週圍跳.又搞到啲嘢亂七八糟!
所以我哋要禁錮下佢先得..


人哋話佢係隻好貓~
點解咁講呢??!因為眼會髮光.就代表老鼠驚佢..
人哋成日講.不論黑貓定白貓.捉到老鼠就係好貓吖嘛!
而且.四蹄踏雪嘅貓旺主人哦~哈哈...


哈哈~佢簡陋嘅居所.大傢唔好見笑哇!
佢最鐘意瞓係嗰超細嘅盤裏邊.
捲到蛇餅咁.成盤滿曬.連啲肥肉都突曬岀嚟~
過年嗰陣.媽咪話好喔~~~
點解??!盤滿銤M吖嘛~哈哈!!!


好突然咁偸拍佢~
佢都好配合!做咗嗰好錯愕嘅表情...
好好笑嘅一張!


喵仔冇乜叻~撒賴最鬼叻!
成日典地.眞係冇曬佢符...
地下好凍噶嘛~蠢喵!!!


又係度撒賴喇!今日仲四腳朝天添~
oh~my god!露咗'小鷄鷄'岀嚟添..
哈哈!所以我要幫佢打格仔...
喵仔話:'我唔想好似梁小偉咁為藝術犧牲色相哦~'


貪玩喵本色岀嚟喇~原形畢露添啵!
每次我攞啲嘢嚟引佢.佢實受唔住我啲引誘噶...
最鐘意玩嘅就係我啲頭飾喇!!!


呢張係咪好神呢??!
喵仔淩空都可以趴係張凳上邊??!
其實.佢後邊係餐臺嚟噶...
佢時不時就跳上餐臺.但係對手仔就放係張凳度..
哇吖~眞係識嘆囖..


好惡嘅一張..
望咩望??未見過靚仔吖??!


肥喵即係肥喵~呢張終於見識到佢肥到漏油喇!
從佢眼神裏邊睇得岀~佢餓喇.係度等開餐.


呢度又係喵仔嘅一個地盤.就係電視機頂喇!
當初唔明佢成日跳上去坐.
後來明白喇!可能暖吖~哈哈...


以前好鐘意影低喵仔嗰可愛樣~
所以成日攞相機幫佢影相!
但係依傢先知.原來貓眼對閃光係好反感噶..
因為閃光會對佢哋嘅眼睛造成一定嘅影響同損壞~
所以~各位愛貓嘅主人.
幫妳傢貓貓影相嗰陣.唔好開閃光燈哦!


喵仔瞓着咗~偸拍噶!
媽咪話呢張唔好睇.影得佢好似好老咁...
但係.喵仔係我心目中永遠都咁得意噶~
就算依傢佢唔係我哋身邊.
我都會永遠記得佢同我哋一齊生活嘅快樂兩年..

关键词:PHONE人报vs3松下小甜

作者:Zoe

《傢有肥喵~生活逍遙》


下一篇:没有了

最 新:
没有其它新的作品了

更多Zoe的POCO作品...

评论