×

新导航介绍,点击查看

五月五日

发表日期:2007-12-12 摄影器材: 点击数: 投票数:
      由于上次的匆忙,今日约左几个同学一齐去再逛一吓Smith Street。我地全部人先系16号Tram的Kew总站集中,然后一齐搭109号Tram,坐到13号站,然后行过一个马路口转86号Tram,搭到18号站落车。呢度成条街两边都系卖衫同饮野的商铺。差唔多所有商铺都有7至9折的优惠。我地一路行一路睇,行过两个街口,就见到我们的目标“Adidas Factory Outlet”啦。
       呢度全场既货品最低由5折起,平到由10蚊起,当然系讲紧澳币啦。波鞋就50蚊至100蚊不等。本人觉得D卫衣10至25蚊,非常抵买,但用料就当然唔系甘靓啦,外套就由45至70蚊左右,波鞋就同国内差唔多价,但胜在款式够多。当然如果你吓吓都换成人民币计既话,呢度野就并唔系好抵买咯。
       行完“Adidas”隔离就系“Converse”的Outlet。都系由5折起。但我觉得一对布鞋卖成50几蚊,就唔系觉得好抵咯。然后行落去,一间接着一间,仲有好多数得出好似“Timberland”或者系数唔出名的牌子的Outlet。衣服、鞋袜、内衣、胸围、旅行用品、男士高级、休闲服饰等,应有尽有,行到落街尾,仲俾我地发现了一间好大的“Nike Factory Outlet”。呢度的背包都系由15蚊起,为起人民币先系六、七十蚊,非常抵呀!今日个个都收获唔少。
       钟意扫平野的朋友,千其唔好错过呢个好地方呀!点样去?来墨尔本旅游的朋友只要系市中心(系Myer百货公司门口)搭86号Tram去到18号站,然后慢慢向前行就会到架啦。
关键词:逛街Nike同学Adidas

作者:孤身走我路

《五月五日》


下一篇:没有了

最 新:
没有其它新的作品了

更多孤身走我路的POCO作品...

评论