×

新导航介绍,点击查看

冬至登记 & 闪闪生日结婚礼物

发表日期:2007-12-24 摄影器材: 点击数: 投票数:


证实18个月嗰日,民政局休息之后,两个小朋友一直谂咁拣边日去注册呢。十九个月非星期六日,要请假;二十个月,年初三,应该又唔办公;2-29,4年一次,够特别,但係月底,边有可能休假吖;二十一个月,摆酒嘞,咁忙,边嚟得切去民政局呢。而且注册后仲要留时间婚检。
结果采取曳曳嘅建议,12-22冬至,去注册。广东地区,冬大过年,係团聚嘅日子。



11-22曳曳电话预约,12-22曳曳先去排队,猪猪随后到,要两个人到齐,先可以填表。发现冇预约的,居然可以同我哋已预约的,一齐填表。。。无言。
填完表,等叫名,然后形式上问下‘有冇血缘关系’,再签两个明,咁就完成一生人嘅卖身契喇。
收咗每本5呅嘅工本费,畀咗我哋两本纸质比通行证薄、页数比通行证少好多嘅结婚证。



荔湾区民政局有个小礼堂,用嚟行礼,都可以坐到20人观礼。捧起一本写好嘅誓词宣誓,拎住一扎都可以嘅假花喺日期前影相。行礼嘅每个过程,民政局嘅人会影相。过后,就20呅/张,一本设计好嘅简单相册6张,咁就120呅。相册睇起身都ok啦。



行完礼,朋友先赶到,谂住反正唔洗钱,趁住啱行完礼,即刻入去补影N个pose,嘻嘻。到人哋行礼,我哋就出返嚟,人哋行完,我哋又入去再影过。临走,喺民政局门口都影咗几张,先收工。



就咁样,曳曳同猪猪已经受法律承认噜。*n_n*
曳曳话:登记了,以后无得沟女了。



 



注册2日就係猪猪生日,夜晚放工,去食咗一晏就冇得食嘅聚宝乳鸽。都几好食,其他就冇乜吸引嘞。
跟住过去广百周生生,买之前睇啱嘅双V铂金镶钻吊坠+铂金项链,好靓啊!实现曳曳婚前买链畀猪猪嘅承诺,同时作为猪猪2007年嘅生日礼物。仲係广百优惠期间,有9折,悭咗半张床嘅钱,嘻嘻!

关键词:他和她的nn故事

作者:^♀^一凡丰顺

《冬至登记 & 闪闪生日结婚礼物》


下一篇:没有了

最 新:
没有其它新的作品了

更多^♀^一凡丰顺的POCO作品...

评论