×

新导航介绍,点击查看

大一时的军训日记(上)

发表日期:2007-12-26 摄影器材: 索尼 其它型号 点击数: 投票数:








又一年过去了
大一的小朋友又要开始军训了
今日同姗姗讲起
突然有的想把当时写底噶心情罗出来比人睇下
小玲玲你5介意挂~`
因为之前得你一个人睇过匝~~哈哈


2007
18星期一
    朝早六点半就比党员吵醒,距话要集合拉要集合啦,穿衫果阵把床摇到地震甘。
   
对于军训,我无咩特别噶感觉,无非就系日日做埋的单一重复而且无聊噶动作,一个星期就够啦,做乜要训21日,真系浪费时间啊。早上开左个会之后就练了,同想象中噶一样,军姿啦,齐步走啦,反而教官集体表演噶军体拳让我印象深刻,威武的姿态真系令我好放心我生活在中国,有如此高素质噶军人维护。

关于军训可以搞好同学之间噶关系我5抱太大噶希望,觉得如果想搞好关系噶人早就搞好啦,做咩系都要自己逼自己识的自己5中意噶人呢?

站军姿噶时候有好多好多空白噶时间比我林野,我林到自己系下学期要完成噶DV剧,我想要噶结局系男主角好放心好唯美甘死去,而女主角就表现平淡,无的哭天抢地的感觉。我想拍一条悲线为住,分双线桥结构噶短剧,计划系拍30分钟啦。具体剧情要慢慢林,希望军训结束前可以有第一期噶剧本出来啦。

而百步梯噶军训记录片就无咩热情啦,唉,年年都拍,仲有咩好拍啊。

我觉得每一部片都要有距独特噶地方,我中意的描写别人看5到,或者只敢想,却不敢讲出来讨论噶野。

琴日MV比咏思评左下,距话要用“意识流”呢种手法就更好,睇来我系剧本同拍摄技巧方面要落多的苦功!我5会令咏思失望噶,呵呵,副主任记者,哈,5知几时可以做到呢个位罗张卡片派人呢~~~

E噶语言越来越少,我要改变,我要专一啊,好好同Y一起啦~~~~

 

200719星期二

打开电脑本来好精神林住写的野,点知衣家同Y边讲电话边写野,点解距日日都要讲自己点差点差华农点差,点解对自己一点自信都无嘎,我同距讲我听日5点要起身拍野,距就盖我电话,点解都5关心下我要我早的训?我又55想陪具,我军训紧啊,的野5系我讲左就算噶,点解都5理解下我为我着想下?!我同距发生咩事,距首先林到噶就系自己点算,5会为我林下,为左见我系宿舍训两晚好委屈咩?我都除左元旦果几日都无系家里训过啦,为咩啊,就系为左见距罗,考试都要翻去见距啊,我5中意呢的5会我付出,甚至连甘小牺牲都5愿意噶女人做我老婆。讲的话的气氛好冷语素速又慢,烦死了!!!!!!!!

咩都无心情写了

 

2007114星期日

好耐好耐无写野啦,因为呢几日训练好累啊,而且要写学校要求我地一日写一篇噶通讯稿,系通讯稿咩都写晒了,上来写的咩呢?哈,不过今日呢,我同收稿噶人话百步梯有野做好忙啊,所以就5使我交稿了,其实交稿都无咩用噶啦,因为话学校要搞个通讯稿比赛,系边个学院交得多边个学院就落奖,你话几无聊噶比赛啊。

今日晚黑集合,教官话今晚系我地三排最后一日集队了,从听日开始就要打乱我地学院噶三个班整成一个方阵,距一边讲一边系度吸鼻子,话以后5需要大家记得我,只要记得我地系三排噶就好了,以后可以去距工作噶单位同距倾计。总之就讲到好似距今日最后一次带我地甘啦,的确讲得好感性噶,不过我无喊噶冲动。我地呢个教官好好人,5会罚我地,仲整日开玩笑,距打拳噶时候好有型啊,我衣家最中意噶训练科目就系下昼噶擒术训练,真系好MAN好有型啊。

本来今日开电脑之前林左好多野写嘎,不过一上到来就5知讲咩了,睇来要日日坚持写,及时寄低自己想讲噶野,有好多好多野想同你讲啊,不过衣家。。。。

每晚十一点前宿舍的人就训晒了,因为第二日要5点半起身,而且个个人都会打鼾,迟的训都好难训得着啊,衣家已经1121分了,罗住部手提坐系床上突然觉得好休闲。今晚我去买左三罐啤酒翻宿舍林住四个人好好饮下,对新噶一年提出我地噶美好心愿啦,不过死人党员好5比面,我同雷杨伟欢都系度碰杯,距仲系度打机5理我地喔!今次系我第二次去买酒翻来饮,以前都系同家人饮,所以好5爽,今日虽得一罐,6蚊一罐都毫不含糊了,好贵,不过饮得尽兴,有种无人管得到噶快感,对上一次出去饮系同王婧,果次饮左6小瓶左右啦,觉得渴就死饮,自己都5知饮左几多,后来翻到执信噶宿舍有点兴奋,5知打电话比边个乱甘讲野。发觉原来酒呢样野都几爽噶喔,好想同你饮啊,饮到醉,饮到呕,之后把所有所有收埋噶话都讲出来,第二日系一张好舒服噶床上训到天昏地暗。爸爸话我一定5会吃烟,不过一定会系个酒鬼。

卫兰噶新歌好难听啊,点解会甘噶,有点失望噢~~~

好眼训了,不过仲有的野想讲,恩,林5起了。你最近过得点啊。00721部上左影了,你有无睇啊?我超中意007嘎,记得吗?我没睇,因为无时间啊,已经DOWN左系部机度了。

讲老实话,我好少上你噶BLOG,每次上都匆匆浏览,的FEEL5岩啊,觉得眼前呢个玲玲呢,讲紧的我完全5识噶人噶故事比我听,我都系对后乐园噶玲玲熟悉点啦~~呵呵呵~~

饮酒饮得衣家有的兴奋添~~酒量5好啊,你会5会因此嫌弃5同我饮咖?

好啦,最后顺便提下我为百步梯拍噶片进度5好啊,因为找5到果种军训噶感觉,都5知要拍的咩镜头,点算呢?好快就要交作品了,我想拍有剧情噶,我林呢,系教官系2008年翻到2007年军训噶华工,之后引起距噶感触。会5会好老土啊?比的意见我啊 ~~

真系好累啊,只脚就来顶5顺了,日日都要正步,军人真系值得尊敬!

晚按啦,亲爱的蚝油玲玲~~

 

2007115星期一

中午训练完翻到宿舍啦~~

觉得好累,整个朝早都系正步训练,军人真系几无聊,如果要我两年都练呢的无聊噶内容,我一定闷死了。今日训练我地前5排噶系原先一排噶排长,我之前没比距训过啊,我感觉距系三个排长包埋连长在内最懂得用科学方法训练噶人。先把我地分成四个小组,各自稳人负责带开训练,之后再评比,最后先连买一起练。因为每个人都有强烈噶荣誉感,虽然无教官带都5敢放松,好比心机练。用呢种方法,比5排人一起练效果好好多啊~~

广州呢排噶天气好怪,热左好多啊。我衣家穿住背心短裤坐系床上都5冻,林起岩军训果日,穿住见毛衣都冻到不得了。你果度冻5冻啊?有无落雪啊?林起哈利波特入边噶雪景就流晒口水了。爸爸话过年前后带我去哈尔滨睇雪,你话我去5去到呢?好想睇啊,甘大个仔都没睇过。

想去旅游啊。去边好呢?记得你走之前想同你去云南噶,点知后来。。。我想去多次北京,如果去就可以稳漪凡,距话会带我去吃最好噶北京烤鸭,带我周围去玩,想去新疆,可以稳张玉涛,距话要带我去天山,西藏更加想去,因为好向往与天挨得好近噶地方。恩恩,边度都想去。算啦,去训啦,下昼噶训练仲有排受啊。。。

好好拍片,休息第二,写野第三~~~~~~

哈,衣家系晚上2355平时呢个时候都训左了,今晚一点睡意都无啊。罗住本笔记本坐系床度打字,周围漆黑一片,感觉好好。没军训前,呢个时候全层楼噶人都没训,周围串门啊,玩下游戏,睇下书甘啦,衣家个个神早就训了,第二日要5点几起身真系毫不含糊。

雷杨要问我借500蚊买机票翻吉林,其实5系好想借,不过,如果我5借具又点翻去呢?加上一个宿舍噶,都系兄弟嘛,要帮下手,不过我有林放假我会5会去SHOPPING下,或者约下同学去玩要用钱呢?5理了,借啦~~

中午训觉噶时候接到部长噶通知,话武装部要一个专职人员拍摄突发新闻同负责指定任务噶,可以全程5使军训,学分照罗,我林都无林就拒绝左,如果没开始训就有个甘噶机会5训,我会毫不犹豫甘答应,不过已经训左了,付出甘多汗水,争得排头,再争得旗手,好光荣啊,而且连长又甘睇得起我,我5想因为自己偷懒做的甘样噶无聊工作而放弃军训令距失望啊。好好训,系会操上取得好成绩,放心啦,三排长,连长,我5会令你地失望噶。

今晚视频组开会,小邱有的怪怪地,希望距的新奇噶林法可以帮到我地组拍多的好镜头啦,衣家素材都没够点做后期啊。距话没有感觉啊,唉,5想输比雷杨旭翔果组,个人认为颖芳张禹果组应该够5成威胁。我系米好衰啊,入视频部,我会尽量学习晒人地噶优点,之后每一次分组做节目我都暗暗地同距地较劲。我5想输比距地啊,我觉得自己噶林法比距地好,比距地更投入地工作,系后期技术差5多噶情况下,比下啦,睇下训完边个组噶作品最好。

讲下Y啊,你知5知系边个啊,我地最近关系好好,日子过得好融洽,唯一噶缺陷就系我地隔得太远了,好耐先可以见一次。呵呵,果时距仲话去香港,去左噶话隔得仲远。

我系一个好容易受感情伤害的小孩子。

有的眼训添。

都没讲到我今晚想讲噶主题,我想讲下E啊。突然林起我地有一晚一起坐系华附楼下倾计,之后有次去M记影象。哈,果时噶我好丑样啊,衣家靓仔左啦,你翻来比你见下拉,一起影翻张相一定同以前完全5~~~觉得同你之间先有纯友谊噶关系,可以讲好多好多野。不过同E5得了。记得E高一噶时候讲过,距想做我噶妹,可以互相关心,关系可以比情侣更亲密。觉得衣家林翻呢句话都有的幼稚。我同距噶关系根本都5系兄妹。好似普通朋友,个MV睇左没?有时我好关心距,距噶事就系我噶事,当距系真正噶妹,从来都5会拒绝距,不过距就5系了。衣家我认为距似乎有左自己中意噶人了,就5理我了。发信息比距都5回了,应承帮我做噶事会一拖再拖都5做。

 

2007116星期二

又系中午翻到宿舍。

摊坐系床上觉得好休闲。今日条裤又爆左了,裤裆真系好5争气,包埋今次已经系军训以来第三次翻宿舍换裤子,好丑啊,比好多人睇到我可爱的低裤仔,好彩我今日穿噶系洗得雪白噶佐丹奴,哈,名牌!决定今晚要罗去附近睇下边度有裁缝店,叫距搞下至得。

琴晚训系床度打下打下字就训着左了,电脑就系隔离。几僵我半夜5觉意把距推左落床啊。所以琴晚篇野系没写完噶,留距啦,写噶都系一点无聊噶小事,好幼稚噶情感,5知大个仔睇翻会对自己有咩感想呢?恩恩,我已经十九岁啦,大个仔了。再为一点女性问题搞到自己好5爽无办法专心做自己噶野,真系好5值得。我地应该识好多好多噶朋友,5应该系一棵树上吊死噶。YE我已经5想再过多噶讲到。

今日我地班有两个百步梯噶申请左5军训有学分噶工作,见距地穿住自己衫来到训练场,态度嚣张,又5事先同排长连长讲一声,好睇5过眼啊!凭咩甘啊,莫非5军训距地觉得好好彩咩?一排长讲得好,林子大了,什么鸟都有。反正我就军训第一噶啦,之后就系休息同工作。对个片噶感觉都没出来啊,不过军训就越来越认真,见到的人做动作5认真,好想出来打距一拳啊。的人5好一个人拖累晒整个排啊。要好好训练,5可以辜负连长排长对我噶信任!

晚黑1213分,今晚有的兴奋,陌名的兴奋,5想训住啊。又系床上打字。今晚连长同三排长吵交,吵得好大声,因为听日女仔果组抽签抽到要去会操表演,而男仔听日就无任务,排长想今晚比我地男仔放松下就5训练了,于是就就地坐底准备唱歌,呢个时候连长行过来话要继续训练,叫坐低噶同学企起身,等全部人企起身之后三排长又叫同学坐底。甘样对峙了一阵,一排长同三排长就把男生带到一个好隐蔽噶地方照样坐底唱歌,就系5买连长噶帐,过左一阵连长就过来了,就吵起来了。结果三排长同一排长就走左,剩底连长一个。我觉得两个人噶出发点都系岩噶,不过两个人暗地里较劲,用错误噶方法来表现出正确噶思想,所以两方都偏激了。后来雷杨话我知原来连长同一排长以前就打过交两个人不和,而三排长噶行为就激化左两个人噶彼此憎恨。

5知听日距地会点呢?听日仲要同距地请假去拍野,希望请假成功啦~~希望距地可以冰释前嫌啦。大家一起做野,无畏搞到大家见面面阻阻啦。

 

 

关键词:军训

作者:Jeff

《大一时的军训日记(上)》


下一篇:没有了

最 新:
没有其它新的作品了

更多Jeff的POCO作品...

评论