×

新导航介绍,点击查看

《墨攻》

发表日期:2006-12-08 摄影器材: 点击数: 投票数:
墨攻里面有5类人。

1,最高统治层,无赖:梁王及其追随者。从呢班人身上,我地可以见识到咩叫见风使舵,咩叫过桥抽板,兔死狗烹鸟尽弓藏,用现代D既说话讲:“人可以无耻,但不可以无耻到这个程度!”鉴于呢班人实在系高人,唔系我辈可以分析既,于是就此带过。不过再高高不过天,事情过去5年后佢地仲系俾个天收左皮。
个人认为王志文演绎相当成功,如果我他日系街上见到佢,会有打佢一身既冲动。

2,迷失的羔羊,傀儡:梁适公子。呢个傻仔,一开始既时候不可一世,以为自己真系第一弓箭手,第一勇士。直到革离言传身教,先明白自己系一只井底之蛙。守城既时候下令“一定要保证先生安全。”,后来故意被胁持救革离一命,并希望追随革离,最后被革离点醒,明白自己作为一国储君所背负既使命,从呢几次睇来,佢本质唔坏,而且可以讲系一个热血青年,只不过受到环境既影响,注定佢只能成为一个无自己思想既傀儡。可惜,到佢终于醒觉既时候,佢都好适时甘瓜柴了。好似佢甘自以为是,却又碌碌无为终其一生既人,相信不在少数。
好似系一个韩国演员吧。扮傻仔系扮得几傻既,肥肥白白,都几似王子。

3,受压的灵魂,战士:白发苍苍战死沙场既冬伯,神箭手吴奇隆(唔记得名),逸悦,甚至赵国既几位将军。佢地都系真正就战士,一心一意为左自己既国家而战。之所以无将佢地同梁适公子归为一类,系因为佢地有自己既思想,佢地明白自己做紧咩。但明白归明白,身处国个时代既中国人,为人臣者,定当尽忠职守,为国捐躯。于是,系要维护昏庸既梁王既时候,系要攻城略地既时候,系要被废武功既时候,系要被捉甚至被“肃清”既时候,佢地虽然唔情愿,但依然只能够接受。无错,逸悦系后来系有反抗,有大闹梁王,吴奇隆后来想带兵追随革离,但从佢地对自己生命既态度来讲,佢地都系要被划归愚忠一类。
几个人都交到功课,但吴奇隆点解成个面包头甘架?

4,革命的先锋,斗士:唔使问,我梗系讲紧革离啦。其实我自己都唔知我上边用完“战士” 呢度用“斗士”系唔系讲得通。我认为,上面提到既战士,佢地都系为主而战,其实佢地都只系棋子,只系作战机器。赵国大将军最后服输,并付出性命作为赌注,虽然系对赵王不尽忠既表现,但都只系为左成全自己一个好汉既形象。革离,系一个真正为自己既理想而奋斗,斗争既斗士!单人匹马赴梁救城,哪怕遇到冷遇,不信任,背弃,失去爱人,甚至几乎丧失自己既性命,佢都依然无放弃过为自己既理想而奋斗。姑勿论佢既理想是否有可能达到,天下有无可能太平,就呢一份斗心……已经沟死女啦!或者有人觉得我对佢评价过高了,但请注意导演传递俾我地既一个细节:墨家并唔同意救梁城。即系话,革离为左理想,连墨家既命都可以革。
刘德华系香港5大影帝之一,我绝对赞成,但系《墨攻》入面既演出,老实讲远不如《无间道3》入面甘精彩。

5,真理既归属,群众:即系老百姓。有认真睇既朋友,一定都会留意到老百姓系剧中既作用。“赋税交给谁还不是一样?”类似既说话,系剧中出现左起码3次。得到老百姓认同既重要性唔需要我系呢度废话。我地讲翻电影:兼爱,以我愚见,人总不可能讨好所有人,墨者都唔例外。但以上提到既1,2,3,4种人当中,只有4,革离所代表既墨者,系为和平而战,为百姓而战,为最多数既人而战。我认为呢个已经系“兼”得最多既了。非攻,无老百姓会主动想进攻打仗既……甘解释好似有D懒,呵呵。


讲返我个人对出电影既总体感觉。剧情来讲,系“大片”当中,算系可以架啦,不过又讲唔上精彩。画面方面,比一般电影要浩大啦,不过又讲唔上好靓,哈哈哈!
讲完用个心睇到既,到讲用对眼睇到既。革离守梁城既第一战,革离引爆几个坛,赵国士兵被火烧果一幕,有成几十秒既特写,TMD,我觉得同电视《风云》果D效果无咩区别,D人同D火好似完全系两个画面甘,我唔知佢呢幕用左几钱做电脑特技,但我觉得俾钱俾以前D特技人,着住防护甘比火烧几十秒,个效果会好好多咯。剪接上来讲,应该就无走漏咩剧情既,不过衔接得真系唔系甘舒服。

有人话点解逸悦要引诱革离,其实好简单嗟,逸悦深爱革离,但多次明示暗示都达唔到效果,甘作为一个女人,梗系要使出最后既武器来争取佢既爱情架啦。可能有人会觉得佢甘样好cheap,自己送上门,但我觉得甘系因为佢爱得深嗟,毕竟佢都未见过甘好既男人。至于革离甘都拒绝左人地,佢同逸悦讲对唔住之余,当然都要同观众讲对唔住啦。

作者:.IVAN.

《《墨攻》》


下一篇:没有了

最 新:
没有其它新的作品了

更多.IVAN.的POCO作品...

评论