×

新导航介绍,点击查看

26.Apr.2008 土曜日

发表日期:2008-04-26 摄影器材: 点击数: 投票数:

  
今日眞係好激氣...
遇到一個無聊到極點嘅人!
老公之前送咗支粉底液畀我~
因為佢唔知我要咩色號所以買錯咗.
so~我諗住放上網便賣畀有需要嘅mm喇!!
下晝遇到嗰個大理嘅客.眞係嚴重激死人!

支粉底液係專櫃買返嚟.99蚊噶嘛.
我凈係試咗一粒珍珠粒咁細嘅分量~
簡直就同新嘅冇分別喇...
我放上網賣50蚊嘅~
佢求咗我好耐好耐.死係度同我講價喔~
我見佢咁想要...
算喇!我讓步40蚊賣畀佢...
之後.佢講完價又再嚟講價喔.
佢今次竟然攞快遞費嚟落手~
oh!my god...
差五蚊係度同我講足半個鍾~
靚囡吖靚囡~間快遞公司又唔係我開嘅...
快遞費係人哋收噶.妳同我講價都冇用喇.
於是我企硬立場快遞費用一定唔可以便!
之後佢好唔情願之下拍咗~~~
仲千吩咐萬吩咐要我包好啲.
又話如果运送途中爛咗就要退貨兼投訴喔!!
哇~妳大曬喇.包好啲畀妳囖.唔洗咁串吖?!

半小時後.問題來了......
我查詢過N間快遞公司之後~
髮現依傢快遞都唔可以寄化妝品!
唉.冇辦法喇.中國辦奧哌孤...
於是我就問佢要揀郵侷嘅快件定係ems喇...
佢竟然好抵死咁話~
ems又要加錢.快件又要自己去郵侷攞...
大小姐!郵侷係咁規定噶.我都唔可以揸fit噶~
妳估我屋企開郵侷噶咩?!
之後佢就好堅決咁話要退款...
我好聲好氣同佢講.佢一句都唔聽...
一味係度強調退款!!!!!!
超~好巴閉吖妳!!!
頭先同我講價嗰陣又唔見妳咁串~
一聽到要用郵侷就話唔要...
係就咪叫我包好啲喇!!
曬咗我個紙皮盒.妳估盒唔洗錢噶?!
哼~舌兩蚊當送咗個衰神!
聽日退款之後實投訴死佢..
等佢咁死串吖嗱!諗起佢條氣就唔順喇...

关键词:小甜

作者:Zoe

《26.Apr.2008 土曜日》


下一篇:没有了

最 新:
没有其它新的作品了

更多Zoe的POCO作品...

评论