×

新导航介绍,点击查看

像加菲一样生活

发表日期:2008-03-18 摄影器材: 点击数: 投票数:

 

 

我唔中意睇漫画/动画片,但又一次无意中睇到加菲嘅动画片,立刻就对呢只又懒又大食,而且中意整蛊阿的呢只傻狗嘅肥猫产生好感,或者讲,好羡慕加菲嘅生活。

琴日中午lunch之后,同事提议去逛下书店。好耐冇买过书嘅我(通常都系买杂志),发现一本几得意嘅书,并且一D都冇犹豫就买佐。书名系《三分之一的加菲猫》。吸引我买嘅原因好简单,就系自序里面嘅几句话:

 

加菲猫最可贵的品质是什么?是它永远不跟自己过不去。这个世界太多的人喜欢折磨自己,加菲绝对没有这么蠢。

看过《人鬼情未了》的,都不会忘记那句对白 —— Molly对Sam说:I love you, I really love you. Sam眼含热泪说:Ditto.(Me too)

如果,我拍一部以加菲猫为主角的《人猫情未了》,那句对白就要变成 —— 阿北对加菲说:我爱你。而加菲摸着肚子说:我也是,我也很爱我自己。

 

就系睇到呢度,系安静嘅书店里面,我几乎忍唔住笑出声,亦都即刻决定买低呢本甘抵死嘅书。

“我爱你。”

“我也是,我也很爱我自己。”

So Garfield!简直经典! ^_^

其实,加菲之所以甘受欢迎甘多fans,好明显唔系因为佢靓仔有型、心地善良啦,而系因为好多人都觉得呢只肥猫嘅价值观,同某一部分嘅自己有共鸣,又或者好欣赏呢种价值观。

每个人心里面都住着一只加菲猫。像加菲一样生活,开心其实可以好简单:有好锡自己嘅阿北(或者叫阿四可能贴切D),有可以成日俾自己整蛊都唔嬲嘅阿的,最紧要嘅,当然系有自己挚爱嘅宽条面啦。

作者:Stella

《像加菲一样生活》


下一篇:没有了

最 新:
没有其它新的作品了

更多Stella的POCO作品...

评论