×

新导航介绍,点击查看

女人怎么了

发表日期:2008-05-16 摄影器材: 点击数: 投票数:
  某日,A君对我抱怨,最近一开口同佢女友讲结婚,佢女友就提出分手。我听后一笑,安慰佢话:「睇开啲啦,邂逅同分手总系反反复复嘎啦!」然后A君同我讲,其实并唔系冇得摱,不过只要再提结婚,就掟煲。
  A君同佢女友拍拖多年,感情都几好,又冇咩第三者出现过,而且大家经济条件都过得去,就唔明点解会噉。我呢个局外人只好伸伸条脷,冇嘢讲!
  然后过咗几日,已婚嘅B君又同我抱怨,佢老婆系都唔肯同佢生BB。哈,而家啲女人做咩呢?于是我问佢点解咁想生BB,佢竟然谂都唔谂就讲我听系家中两老催喔。
  对于B君嘅答案,我感到非常失望。可能而家好多年轻夫妇都唔知道生儿育女嘅真正意义喇。事实上,到我哋百年归老嘅时候,儿女系我哋生命嘅延续。如果佢识噉讲,我谂阿嫂都会感动啩。
  阿爷(一百文纸上面嗰条友)话过,女人撑起半边天。我谂而家呢句话至少喺职场上重啱用嘅,我以前就真系有个女上司系噉,喺公司独当一面。虽然唔知佢一日喺办公室做乜春,但真系好夜都唔走,重越夜越精神,督住啲人做嘢,喐吓就闹人。如果你唔加班,佢觉得你做嘢唔落力;如果你加班,佢觉得你做嘢冇效率。大佬,佢嗰啲级别唔使打卡,返工几晏都得,梗系精神啦!用嗰啲同事嘅话讲,佢好似唔使返屋企噉嘅,三十几岁人蛋都唔生只,又唔使返去煮饭洗衫,唔知佢老公点顶呢?
  入得厨房,出得厅堂嘅女人我都曾遇见唔少,祗叹相逢恨晚,恐怕系今生无缘啦。如果要求冇咁高,要搵个入得睡房嘅都唔难嘅。不过噉就要去考个厨师证啦,唔系嘅话未入睡房就饿死咗喇。
  记得某年喺父母嘅结婚纪念日里面,母亲大人问父亲大人觉得佢靓唔靓,父亲大人讲:「钱就爱嚟使,老婆就爱嚟生仔。要咁靓做咩啊?」母亲大人对于呢个问非所答嘅答案梗系唔多满意啦,不过我就笑到碌地喇。事实系几有道理个喔,钱唔使搵嚟做咩,老婆唔肯生仔娶你把鬼啊!
  可能系我都老喇,冇办法适应呢个变化得咁快嘅大千世界,更冇办法理解当代女性嘅思维方式,对于我嘅守旧向广大女性道歉。不过大吉利是讲句,如果人类有朝一日灭绝,唔系因为天灾瘟疫,而系因为半边天嘅女人唔肯生育,噉喺生物进化史上将系一个几大嘅笑话。
关键词:厅堂厨房半边天生仔女人

作者:猪肉佬

《女人怎么了》


下一篇:没有了

最 新:
没有其它新的作品了

更多猪肉佬的POCO作品...

评论