×

新导航介绍,点击查看

怀孕日记--第二篇(21周)

发表日期:2008-07-03 摄影器材: 佳能 EOS 40D 点击数: 投票数:
      BB一日一日长大,同时都一日比一日八厌,越踢越大力,夜夜都唔肯瞓,然后早早就起身。。
      每日都同BB爸爸一齐感受BB嘅胎动,爸爸只要轻轻摆只手喺妈咪肚仔上面,就可以感受到BB喺入面郁,呢D感觉真喺好微妙好幸福啊。
      早排又去咗照B超,B超显示BB发育得好好,手长脚长,哈哈。。不过今次照B超,同第一次照嘅周期有D出入,按照第一次照B超嘅周期计算,应该喺20周,但喺今次照医生话已经21周(5个月多一个礼拜),足足差咗一周,点解呢?莫非BB似爸爸,高啊。。听到医生话BB发育得好好,真喺好开心。。
      最近,妈咪先带BB去办准生证,都唔明白中国D嘢,生个BB,都要得到批准,感觉好BT,或者喺我一向都比较中意西方文化,中意民主社会啦。。不过鬼叫自己身为中国人,冇办法啦,就算唔多愿意,都要跟住政策行。。之前问咗好多朋友,准生证要点样搞,听落好似好麻烦咁,所以一直拖得就拖。。直到上周五,想打电话去问,点知个电话形同虚设,喺唔会有人接听嘅。逼于无奈,只有直接去医院咨询啦,11点去到,一问就叫我直接挂号,然后上去稳医生,填嘢,量体重,验血,验尿,验白带。11:30交晒钱,即时去验,医生话佢12点就落班,如果12点前拿到结果就直接上去稳佢,拿唔到就要等下午,我顶,半粒钟,希望够时间啦。。好彩,11:55所有结果都出晒嚟啦,拿去比医生睇,医生话我有小小贫血,要食多D补血嘅嘢。然后要求呢个礼拜四下午2:30去听课,听完课就可以拿到围产卡,然后凭围产卡同其他证件就可以去居委会拿准生证啦。。唔办唔知道,办咗就唔觉得好复杂姐,唔似之前朋友讲咁,都好D,我最怕麻烦啦。。
      下个礼拜一(7.7)就要去大检查啦,之前医生问我,喺公费定自费,我答自费,医生就话自费要带多D钱,大概要千几蚊啦,于是乎翻屋企同老公讲,老公就摆咗两千蚊落BB专业文件袋,呵呵。。生个BB真喺唔简单,用钱就好似倒水咁,老公要努力赚钱啦。。
      近期成日去shopping,其实冇咩要买,但喺就好中意去睇D BB用品,样样都觉得好得意,好想买,只要一见到D BB用品,就异常兴奋啦,老公成日话我,叫我要控制好自己,唔使咁快买,就算买都唔好一下子买咁多。。呵呵。。
一直以嚟,都有好多朋友问我知唔知道BB喺仔仔定囡囡,你哋又中意仔仔多D定囡囡多D啊?想知道答案,比D耐性,等多几个月啦。。
      我开始长肉啦,好多人都话我肥咗DD咯,怀孕前96斤,宜家有106,呵呵呵呵...重咗10斤啦,唔知算多定少呢?至于生活方面,暂时都唔觉得有太大影响,就喺坐低起身要慢慢嚟,起床就更加知要注意,唔可以好似以前咁,要侧身借助手踭力量,唔可以用腰立,更加唔可以压逼肚仔。。行路就比以前慢咗,仲要多多留意周围环境,要保护好我最爱嘅宝贝。。

      21周嘅大肚相,出炉啦。。迟D要稳pat帮我哋一家三口影,唔单单喺我同BB,要加埋爸爸落嚟先得,美好嘅时刻,值得怀念。。

孕妇YOGA对妈咪同BB都有好处,得闲可以多D练习,迟D稳到适合嘅泳池就可以多D去游水,影水底大肚相啦。

好多朋友怀孕之后肚仔都会出现一条黑色嘅纹,同埋会长出D毛毛,我直到宜家,都未喺十分见到黑纹,毛毛就有少少,我觉得宜家嘅肚仔好靓哦。。

呢条短裤仔,其实已经唔啱着啦,以前每次去海滩玩,着bikini我都会着呢条短裤仔,果时好松添,宜家就钮都扣唔埋咯。。

拿爸爸个足球对比下,你哋话肚仔大D定足球大D。。



----------------------------------------------------
怀孕第21周胎儿发育
  胎儿已经21周了,这时他的体重正在不断增加。这个小家伙现在看上去变得滑溜溜的,他的身上覆盖了一层白色的、滑腻的物质,这就是胎脂。它可以保护胎儿的皮肤,以免在羊水的长期浸泡下受到损害。不少宝宝在出生时身上都还残留着这些白色的胎脂。

  这时你是不是觉得呼吸变得急促起来,特别是上楼梯的时候,走不了几级台阶就会气喘吁吁的。这是因为日益增大的子宫压迫了你的肺部,而且随着子宫的增大,这种状况也更加明显。

  此时胎儿和母体的生长发育都需要更多的营养,要注意增加铁质的摄入量,胎儿要靠吸收铁质来制造血液中的红细胞,这一阶段妈妈出现贫血的机会也多了起来。应该多吃富含铁质的食物,如:瘦肉、鸡蛋、动物肝、鱼、含铁较多的蔬菜及强化铁质的谷类食品,如有必要,也可在医生的指导下补充铁剂。

  在这里,也想对准爸爸们说几句话,怀孕的过程很多时候看起来好像是女人一个人的事情,但其实并非如此。你应该比平时更多地关心你的妻子,分担她的忧虑,共同学习孕育宝宝的知识,为了妻子和胎儿的健康做更多的厨房工作。这时妻子的胃口可能相当好哦!

关键词:bearbear

作者:bearbear

《怀孕日记--第二篇(21周)》


下一篇:没有了

最 新:
没有其它新的作品了

更多bearbear的POCO作品...

评论