×

新导航介绍,点击查看

好开心哇!!!

发表日期:2008-07-08 摄影器材: 其它相机 其它型号 点击数: 投票数:

系我提出要朝早去跑步咖,仲同人地约左6点半,点知自己又训过龙,仲要掉番转头要个friend叫醒我。7点钟,终于去到宝岗球场,可以开始跑步喇!!!我原先仲话要跑够10个圈,先跑5个,抖抖,再跑3个,再抖抖,再跑2个,完鸟!!点知,我太高估自己啦,太耐无郁动过啦,跑左5个圈之后--抖抖,再跑多1个圈--好攰,再跑多半个圈我决定放弃!!!之后就同左个friend去食M记,试左新出果只麦满分,果两件包都唔似想像中咁多麦既,仲霖住会好高纤维添,而且好咸!!之后,个friend话约左人去游水,咁我咪番屋企冲凉洗头咯!!!

今日真系忙,又要下一场。我都未抖够!!!因为哩龟终于又系加拿大番嚟喇,所以我就要尽好朋友既责任陪佢行街!!一出到嚟,佢就问我“阿肥呢阿肥呢?你唔系叫埋佢既咩?”,呵呵,我唔记得左!!之后咪急急忙忙约佢咯,so就搞到佢要食完饭至出得嚟喇!!等阿肥既果段时间好漫长,我地边食边等,等到食完啦,佢都未得!!系啦,我地去左中华广场上面既果间『笑味轩』度食,唔洗我讲都知系食韩国菜既啦呱。间野唔知算唔算正宗呢,我之前净系食过一间应该正宗咖咋,系跟表姐去食既,系机场路果边,其实都有好多食韩国菜既野,不过表姐话好多都系朝鲜人开既,净系得E间系韩国人开既。哈越讲越远添!!我地叫左三样野:最普通既炒年糕、石锅饭、同埋泡菜包子。唔知系因为系正宗既,定系因为系间有规模既韩国餐厅,就好似上次同表姐食果次咁,佢送左好多小食俾我地(5碟,加2个南瓜甜汤。同表姐去果间送左10碟啊!!)。

好啦,等我点评下先:

餐具:真系好韩国既,好多碟碟碗碗(仲记得表姐果时讲过,点都唔会嫁个日本or韩国人,洗碗都洗到傻啊!!哈哈!!),仲有D筷子啊,真系韩国果D扁扁既钢筷子啊!!

茶:真系韩国既果种茶(原谅我唔记得叫咩。就好似食日本野咁会有玄米茶or煎茶。)

炒年糕:几好几好啊!!!不过太多配菜啦!!!

石锅饭:讲真,最近食得太多E类型既野,有D麻木啦!!!

泡菜包子:对佢期望太大啦,不过原来都好普通啫,有D失望!!!

小食:唔够表姐果间D好食。

南瓜甜汤:好得意咖,里面有D好似汤丸咁既软淋淋,糯糯既野,呵呵好好玩啊!!!

果度D野都唔算贵咖,我地咁多野都系食左80咋!!

到左4点几,阿肥终于出左嚟喇。之后陪哩龟卖野,其实都几无聊下,事关我唔明,呵呵,个人有D钝!!之后又过左一阵,阿伦又出左嚟。之后,果阵已经好晏啦,就一齐去左食饭。去左北京路一间好似一级棒北京路店咁要上楼既野度食,呵呵,已经唔记得叫咩名噜,净系记得好开心咋,阿肥一直系度讲笑(其实都几白痴下,你霖下,系大庭广众大声喧哗喔,如果系我条仔,我肯定觉得影衰我咖,咁讲系咪有D过分啊?不过,唔知点解,我觉得佢咁系因为佢知道我最近一直都唔系咁开心,所以就用E种方式氹我笑,系咪咁呢!!!佢系一个好人嚟咖!!!),佢叫左个“日式出骨咸猪手加炸天妇罗乌冬面”,佢话E个最长喔,不过“出骨咸猪手”啊,笑死我啦,仲要后尾个waitress话无晒咸猪手啊!!哇哈哈!!!其实E+讲番都唔知有咩咁好笑,不过果时真系笑到我唔单只肚痛,就连喉咙都痛埋啊!!!

今日真系好开心啊,同番D好朋友出嚟,佢地都系D好单纯既人,感觉好舒服!!!

笑味轩
韩国野就系甘,少少野都成台满晒!

关键词:联想s9开心

作者:2+0

《好开心哇!!!》


下一篇:没有了

最 新:
没有其它新的作品了

更多2+0的POCO作品...

评论