×

新导航介绍,点击查看

经历过的影像历史

发表日期:2008-07-11 摄影器材: 点击数: 投票数:
寻晚,抱住比较兴奋嘅心情用我部xbox360睇左几段网络上买回来嘅高清HD-WMV影片。睇紧嘅过程已经比较兴奋,理由当然係影像清晰带来嘅震撼!但更加震撼嘅係,无对比其实唔会觉得差异有几大。老婆仲响一边讲:其实同普通DVD有咩区别?当立即关左HD影像,切换返普通电视信号个刻。两人不禁惊呼:哇,差好远喔! 睇返电视嘅画质感觉就好似无戴眼镜咁,个刻先发觉高清视频嘅差别所在。令我唸返起以前各类媒体过渡嘅阶段。
小学时期,屋企第一次买录像机,发觉电视影像可以录低嘅个种震撼难以描述!变形金刚就係咁睇完又睇。仲记得成家人睇左一出戏嘅倒带,为个D倒放嘅镜头自娱自乐咁笑足成晚,唸落都几弱智哈哈。而唸落,个阵快乐又係几咁简单同容易。
到左高中时代,买嘅第4部游戏机 世嘉出嘅土星,有VCD播放功能。对于当时黎讲又係划时代嘅。而我仲记得个阵买张VCD要20蚊。而一出戏嘅长度,需要3张碟先播放得完。唸落E个过渡产品都算认真过渡了。而个中画质出现嘅锯齿,似乎当年都无咩人会话相当介意。而整个大学时期,基本电影都係VCDE种媒介度解决。
VCD过渡到DVD个人感觉好似唔会太大震撼,可能係已经习惯左用碟去睇了。
到左我成家后,买嘅第7部游戏主机xbox360,寻晚播放HD-WMV嘅方式,给我感觉又算系一次划时代嘅体验。
首先,画质算係一次飞跃,而放弃左传统嘅媒介(碟),用数字文件去在电视上播放嘅手段。意味住以后习惯用开嘅DVD可能从此在我名单上消失了。
而我又再唸,可以替代数字格式化嘅影像下一代又会係咩样呢?
关键词:日记

作者:Greco

《经历过的影像历史》


下一篇:没有了

最 新:
没有其它新的作品了

更多Greco的POCO作品...

评论