最近经常会听到咁样大同小异嘅故事：A君中意上B君，但係纵使A君付出或者守候再多，B君却始终并不领情，于是绝望嘅A君唯有带住失落离开；当A君离开佐B君嘅生活之后，B君却忽然发现原来自己已经习惯左生活中有A君嘅宠爱同呵护，尽管之前自己一直察觉唔到，但係当宜家自己终于发现原来这一切都唔係理所当然嘅时候，佢才尝试去追返A。因为A以往一直嘅痴心，同埋离开时候嘅果种沮丧，B认为自己嘅出现肯定会令A大喜过望；但事实上，故事嘅结局往往係A君已经揾到佐另一个C君，或者，依然单身嘅A只係轻轻地祝福B一句“祝你揾到你嘅D君”，然后再一次背身离去.......  有好多嘢，其实向得到嘅时候我地并唔会察觉到佢嘅可贵，一定係到左失去之后先会明白到其中嘅难得，因为当我地身处其中嘅时候，会以为呢一次都係来得理所当然－－尤其係当自己无任何表示对方就主动对自己付出嘅时候。爱情最可怕嘅，係我地往往置身其中，慢慢习惯佐爱情嘅温度却并不自知－－就好似烟瘾一样，手中有烟，并唔会觉得自己有咩特别，只有当自己身边没有烟嘅时候，才会明白到烟瘾发作、亦才会明白到烟瘾发作嘅难受。  当然，故事嘅发展未必只会係B发现自己迷恋上A，或者B会好快遇上自己真正中意嘅D、又或者，A嘅离开只会使得B觉得如释重负。只係如果当我地係扮演B嘅时候，当我地发现自己错过佐A之后先明白自己中意上佢，我地又是否应该去把A追求返黎？  当一个人迷恋上另一个人嘅时候，最辛苦的往往唔係迷恋时候所遭受嘅各种冷落或者由此而带来的不足为外人道嘅心酸，反而係当佢说服自己要下决心放弃嘅时候，才需要经过最大嘅心理挣扎、忍受最大嘅痛苦－－毕竟迷恋嘅时候，一切的付出同心酸都已经成为习惯，无论再辛苦，事前都已经有足够嘅心理准备；但係当人要从一种状态改变到另外一种状态嘅时候（尤其係要自己自发甘去改变），其中所需要嘅毅力同决心，其实往往大得令人难以估计（就如同当一个想自杀嘅人企向天台边嘅时候，佢要选择走返落黎继续生存下去，其实比选择跳下去死左罢就需要更大嘅勇气一样）  因此，无论曾经对方係多么地执迷自己，当佢下决心彻底离开嘅时候，其实就代表佢已经忍痛割断晒对自己所有嘅盼望，用短时间内好大嘅痛楚换取彻底嘅死心。在此之后我们才去对对方话我希望对你珍惜，往往只会更加触动对方嘅伤口，令佢更加选择逃避。  爱情如同烟瘾，但我地都唔应该忘记，爱情中嘅对方并唔係我地手上没有灵魂、只懂得为自己燃烧所有嘅烟，佢同样係一个有思想、有感觉、有快乐、有痛苦嘅人，当一个人肯为你无条件付出嘅时候你唔去珍惜、但係当佢选择放弃之后才得到你嘅回应，只会更加令对方觉得自己当初嘅付出係讽刺同埋不被尊重。因此，当你自己错过佐一个对你好好嘅人之后，就唔好让自己向呢一刻开始先爱上对方－－毕竟你当初嘅拒绝对对方已经係或多或少嘅伤害，而伤害到令对方宁愿放弃一切嘅盼望，则呢种伤害，大概已经係再美好嘅诺言都弥补唔到；而你嘅继续出现，只会令对方向绝望之余困惑同疑虑更深。  我一个好朋友，向QQ嘅个人说明上留低佐以下嘅一句话，实实在在的一句至理名言，正正可以为呢篇文章做一个结尾：“当你爱上一个女仔时`如果个女仔为你而喊，为你流泪，请轻轻的为佢抹掉眼泪，好好对待佢，因为呢个女仔真的很爱你，请好好珍惜，否则后悔都无用。