×

新导航介绍,点击查看

......

发表日期:2009-03-17 摄影器材: 点击数: 投票数:

下昼睇咗阿子嘅空间某D日志,觉得好有感觉~~~

因为,今晚,我都好似佢咁啦点解?唔开心咯~俾人话咯~

我知咖,我肥、我脚粗、我胸大;仲有我唔似女仔,唔识化妆、扮靓、就连着衫都唔识啊嘛~~咁又点?我有努力改变咖,但系有D嘢唔系话我想点就点咖嘛~就算系你唔妥我,唔钟意见到我咁嘅样,你已经同我讲过,就算啦~一路番学,行去车站讲、搭车又讲、落车又讲、就连番到学校都讲,仲要同埋周围D人讲~~~人嘅忍耐力系有限咖,我知道你系讲笑,但系ED笑讲得多就会反感咖啦,所以,到最后,杏仪番嚟之后,我就同佢地坐开咗,唔想对住佢地啊~~~再之后,佢地叫我,我都冇睬啦~~~唔好话我小气啦,我冇嬲到你地咖,我只系好唔开心,唔想面对你地同同你地讲嘢咋~~~今晚放学我同杏仪一齐走,去搭咗一部会兜好远好远嘅车,目的都系唔想同佢地一齐走~~~哈哈~~我系咪好傻啊?

搭车嗰时,我唸咗好多嘢啊,唸到喊咗出嚟,发觉,原来我就好似阿子咁,唔开心真系揾唔到一个可以倾心事嘅人咖。从以前,我就唔钟意班里面D人,可能系大家嘅生活环境唔同啦,好多人都系捞嘅,唸法都会差好远好远,所以系完全沟通唔到。但系我仲系会去番学咯,因为我以前觉得,学校仲系会有等待我番学嘅人,我都系,学校有我想见嘅人,但系,经过今日咁,我觉得,以前我咁唸根本就系大白痴,学校冇人钟意同我做朋友(除咗杏仪),大家都只会攞我嚟做笑柄,好吧,即管耻笑我吧,反正我都系D无棱两可嘅人啦,多我一个唔多,少我一个唔少,我唔想再对住你地啦~~~所以,听晚、后晚、下星期都唔想番学啦~~~就当我任性野蛮吧~~~反正我系大家心目中嘅印象都唔好咖啦,唔差在啦~~~

哈哈~~~好似,就连我自己都好想耻笑自己添~伤心,冇人同我分担就算啦,因为唔系个个都钟意听ED嘢,除非真系好FF嘅朋友~居然连开心,都冇人想同我分享啊~~~我做人真系失败啊~~~

两日,两个极端,琴晚仲开开心心听笑谈广东话,笑到喉咙痛,今晚就变咗系忍住唔好大喊而搞到喉咙痛。两样最大嘅区别系,笑会好甜,所以会起痰,但系喊系唔会咯~喉咙爆痛啊~~~

果然,事后再写嘅日志已经冇晒感觉啦,不过算啦~反正都冇人会理咖啦~~~

关键词:唔开心

作者:2+0

《......》


下一篇:没有了

最 新:
没有其它新的作品了

更多2+0的POCO作品...

评论