×

新导航介绍,点击查看

18.Mar.2009 水曜日 ★

发表日期:2009-03-18 摄影器材: 松下,vs3 点击数: 投票数:

  
哇~今日超級熱...
熱到我要着中袖衫!!
但係個天陰陰沉沉咁.
唔通又想變天..?
呢排天氣咁反復~
好多人都病咗......
吖雅唔舒服今日都冇返學.
得返我一個自己係度畫素描...
眞係好悶吖......
希望佢身體早啲好返喇!!
  
有人話.我素顏嗰樣會差好遠~
哼!!你又未見過...
你憑乜咁講我吖!?
我依家就po張素顏嘅畀你睇...
唔該你睇清睇楚.
我唔係一定要化妝先可以出門口噶!!

  
講眞~我眞係唔覺差好遠喔...
差得再遠嘅大有人在喇.好冇!?
某人.唔該你積返啲口德喇......
有口話人冇口話自己.我超~
  
今日開始畫靜物素描.
哇~眞係勁難囖......
我覺得自己開始遇到'瓶頸'喇!!
畫蘋果唔似蘋果.唉...

再睇返個實物
但係我畫嚟畫去.就係唔似囖...
  
畫畫畫. 再修修修.. 又改改改...
筆都刨過N~N~N~N~N次喇~
但係就係畫唔似!!
特別係嗰個蘋果.
唉~我眞係冇眼睇喇!!
媽咪仲以為我畫橙.暈低...
睇嚟眞係要畀啲心機落去先得喇...
睇怕成幅畫最靚嘅~
就得返我呢個簽名噶咂...

  
媽咪今日係度試新嘢~
整咗樣fusion食物-黃金湯丸...
不過~口感眞係嘛嘛囖.
太彈牙嘅湯丸我唔鐘意.
不過賣相同味道都一流!!
哈哈.原來媽咪嘅創新精神都好強噶啵...

关键词:vs3松下小甜

作者:Zoe小甜

《18.Mar.2009 水曜日 ★》


下一篇:没有了

最 新:
没有其它新的作品了

更多Zoe小甜的POCO作品...

评论