×

新导航介绍,点击查看

8.14HK一人行收获

发表日期:2009-08-25 摄影器材: 佳能 EOS 350D(EOS Rebel XT) 点击数: 投票数:


8.14果日自己一个人去HK自由行,发现真系十分之Free!早上6点起身,系楼下买了M早餐,跟住地铁过去东站。不过太咪魔搞到赶唔到7:15班和谐号,只能坐7:40的,当时仲买份可乐睇下我个女的杰作。最搞笑就系我坐嘅位置系04车003位,当我坐低之后,竟然有另外3个人过来话佢系我个位嘅,大家都系04车003位,可能打票机痴左线。我努力游说佢地揾其它位置坐,反正开车之后都系任坐的啦!去到深圳过关,9点左右,突然记起有人同我讲宜家过关都要填写健康表格,shit,忘记带笔添,好艰难咁系背囊揾到2支笔,点知全部都系写唔出嘅,晕!最后只好死死地排队等人地写完我再摞支公家笔填写。过关唔算多人,去到HK果边即刻买本新地,然后去充值八达通,同时买埋55元全日通卡(因为当时仲有打算去东涌)一张。


从罗湖去上水,八达通大概18元港纸,我好自觉咁系上水出站,再用全日通入站,坐下一班车,几好喔,有位坐。然后我就一路系度掀《新地》附送的《More》,睇下有无优惠资讯,点知赖野,因为睇左其中一个评测,搞到我后来买了支贵价唇膏,555!此乃后话。话说我去到九龙塘,就转去观塘站打算去骆驼漆大厦揾nike outlet,好不容易找到了,去到发现11点先开门,当时10点半,唔知点算好。离远见到有M记,唯有去打趸。见有McCafe,即刻买翻杯叹下,于是要了23元港纸的Cappuccino加什么蛋糕,好正啊杯咖啡,个蛋糕就算吧了!难为我一早2次M记早餐。。。。。不过我都好中意HK的McCafe的,都无所谓了~~~台面有提示可以用wifi,但我试了都唔得,作罢。等到11点,出发~~~


当日第二餐麦当劳早餐,有几发瘟的!


果杯Cuppucuino先特价12元乍,早知要下面果只蛋糕啦!加埋平过要早餐23元!

杯咖啡都系一如既往咁正,件蛋糕就不予置评。

系nike同adi的outlet都逛了下,消费了400元港纸有着,都系nike果度买的。反正宜家只要买3件以上就再八折。之后我就转战观塘的APM。发现其实好多东涌有的牌子系呢度都做紧特价,而且唔知5定6楼的2%仲有全场4折,买2件每件3折添!系度搞左一轮,又扫左好多嘢,都2点几了,我上上面的美食广场食了个冬阴功粉,都已经无心机去东涌,直接转战铜锣湾。

 

ettusais的套装,真系无啦啦入去就消费左拉,原先只打算买一支导入液,点知最后。。。。算了~~个套装520元,送环保袋,仲有好多samples~



套装入面有暗疮些的导入液165元/85mL、滋润保湿水195元/170mL、T位控油160元/20g、送轻柔洁面皂30g同旅游装,另外仲送了小肥皂同面霜、豆豆修护啫喱
 
顺便见到DHC就入去用我张快过期的8折卡扫左2支润唇膏,2支91.2港纸

去ANNA SUI帮人买睫毛膏220元,结果自己又入左支唇膏170元~~汗!无咩送~



人地嘅~~我已经见到人地用了,真系会散开噶,好似几正@!


呢只唇膏有3只色,因为无咁鲜的所以专门买呢只转运!哈哈,其实都系因为睇左《More》的唇膏测评介绍,话佢好用我先临时决定买的~~

系APM美食广场的冬阴功汤粉,鲜虾好多只,好味,好似四十几元港纸

之后已经打消去东涌的念头了,成4点啦!转铁来到铜锣湾SOGO,继续扫货。先去RMK买粉底液,点知又比人说到买多左野!跟住上去买左条裙同裤,上九楼本来想凭杂志广告摞d版仔噶,点知太多同乡系度摞了,都摞晒了,于是走人。行过去时代广场果边发现无咩行,于是又翻去sogo帮条靓买sofina。最后系附近的吉野家食晚饭。

RMK专柜,选了粉底液要了104色,320元/30mL(中),由于我比较黑,冇办法啦!比人说埋买左Base 02色,260元/30mL(右)、送正装眼影03Blue,闪的,仲有送左d卸妆清洁的版仔。办埋会员卡

去卓悦帮性女买的VOV眼线笔,去Sofina专柜帮条靓买的防晒200元港纸

路过Missha,忍唔住都系凭More的广告去摞了个免费的BB霜版仔,未用,唔知点



入地铁之前,发现有间吉野家,于是就去帮衬了,要了肥牛+鳗鱼,成45元啊!我发现都系无以前咁好食啦,倒不如翻广州帮衬牛丼屋算了~~鳗鱼好多骨哇!

去SASA同屈臣氏买的杂物。Kose面膜39元/5片X3,GASTBY吸油纸16元,kose cleaning water 31元(其实我想买卸妆油,但应该买错了,未用啊唔知好无!)。系屈臣氏买的L'oreal日用美白SPF20 PA+++,原先138.9之后75折即104.27,Rexona喷雾27.9~~ 
 
最后用小小时间last去埋旺角朗豪坊,但买鞋果层d特价鞋都唔系咁吸引,最后去运动果层随便买左百几元对凉鞋算了~~
 
一样,去到上水,出站,等下班车,转翻用八达通。系等待过程中见到几个后生仔同一对中年情侣发生争执,好似想打架咁,警察好快就赶到。不过我都无八卦,等车,之后过关。点知又要填健康证明,烦S!好不容过到深圳10:15,即刻飞奔过去买和谐号,尾班车10:50,好在!跟住顺利翻到广州了~~~攰~~~~
 
============完=================

作者:gimi

《8.14HK一人行收获》


下一篇:没有了

最 新:
没有其它新的作品了

更多gimi的POCO作品...

评论