×

新导航介绍,点击查看

溝女手冊.4

发表日期:2008-08-14 摄影器材: 点击数: 投票数:

人既占有欲非常可怕,无论系我既,琳既,定系Anna都系一样。我得一想二,得二想三(当然有两个系学校已经好辛苦,尤其同Anna一齐果时要避开所有耳目真系好难,所以想三都系得个想),琳就想我更多时间陪距,而Anna要既,系完全甘独占我。半年来,竟然都冇发生任何意外。因为Anna默认我地之间既地下关系,而琳就系一个大条神经既人,竟然都俾我依个粗手粗脚既人蒙混过来。基本上星期1到4有3日要陪琳,而星期5就一定同Anna一齐。而Anna同距男朋友既关系就好似风浪之中既艇仔,摇摇欲坠。

(题外话:如果睇紧既人有边个好想试试一脚踏两船既,就听我讲一句:都系一夫一妻最幸福啊,千万唔好贪多。如果你已经一脚踏两船了,甘就由得你了。)贪欲满足既同时,每次见到Anna既眼睛,我就好内疚。我知道Anna唔同距男朋友散,系要维持我同距之间地下情既平衡。系我陪琳既日子时,距可以稳果个人安慰吓自己。

人性本恶,系淫欲面前我系一个彻底既输家。就甘过左大半年,我终于决定要摆脱依仲关系。琳同Anna,我只能拣一个。

依个霖法我霖左好耐都毫无头绪。转眼间,大三下学期了……
一晚,难得我一个人系屋企,正百无聊赖甘睇紧书。
“细路有人稳你,细路有人稳你……”电话响
大东既电话
“讲野”
“死仔包,我星期5晚搞生日party啊,去C唱K啊。”
“又系C,你有冇D新意噶。”
“吊,甘你系唔系唔*黎啊!?”
“更系黎啦,你摆大寿,脚断左都要黎啦,讲明先啊,我要食长寿面”
“面你个死人头,长寿酒就有得你饮。到时9点准时,我仲要叫其他人。系甘啦。”“哈哈,ok到时见”

星期五我随便编左个理由,就撇开两个女既独自去偷欢。因为我比较滋游,去到果时都差唔多10点。入到房一大班人系个房到已经分开几堆玩到好癫,都唔知大东边到识到甘多人,两条女围住距系甘灌酒,短裙露背低胸,个场面令我霖起古代酒池肉林既皇帝。部分人都见过一两次,同大家打个招呼,走过去唔知系饮到迷迷糊糊定系俾女电到迷迷糊糊既大东到。
“哗,你就欢啦。甘多人同你庆祝生日 羡慕s人咯~!喂,生日快乐先,依份礼物俾你。”
“甘客气啊,咩黎噶,包到甘密实既!?等我放好先~唔好搞,唔好搞,我生日礼物你都搞……拿拿拿 再搞咩你噶,哈哈哈哈顶 ”
……算了,大东都丧晒了,睇黎今晚距既运旺到不得了。跟住我走埋去同人玩大话筛。

视线望到墙角,岩好见到一个熟悉既面孔--羿。距旁边坐住个靓女,两个人一路饮野一路倾得好亲密。见距有女系隔离,又成年冇见过距,就遥远挥挥手打个招呼就算啦。

好快,我十八般武艺拿晒出黎,好快我又进入晒状态。“大家好~依个系我朋友Pinky”咩有人叫Pinky甘搞笑既?甘距男朋友系唔系叫Blue啊?我慢慢抬起头睇到一个女仔介绍紧距个F。依!?正哦。应该有165到166甘高,高铮鞋。最紧要系个样都唔差,如果系要挑毛病就系个妆浓左少少。身材就……唉依D野唔使讲明啦,心照啦。

“喂喂喂~ 靓女过黎依边玩啦。岩好3对3。”机不可失啊,我即刻book定先了。即刻我移左吓位,等个靓女坐系我隔离。 
今晚就算冇运行都可以痴吓D女人味。借机同人地咬耳仔,帮距饮酒,依D甘行货既野,我更系依足晒黎做啦。好快我就同个靓女好明显甘痴埋一齐了,我借依轻轻搭住距都冇反对。行运咯,行运咯,成晚最爽既,莫过于依个时刻了。

“如早知今生跟你有幸可相爱 
在当初应更努力为未来 
其实我知道是可一不可再 
下半生准我留住你一直相爱 
……”
一首歌打散晒我今晚既桃花运,把声好有磁性。好多人都回头去望望边个唱既。见到羿拿住支mic,背对我企系前面。

作者:苦榮

《溝女手冊.4》


下一篇:没有了

最 新:
没有其它新的作品了

更多苦榮的POCO作品...

评论