×

新导航介绍,点击查看

9.Sep.2009 水曜日

发表日期:2009-09-10 摄影器材: 夏普,6010c 点击数: 投票数:

  
今日係09年嘅9月9號~
佢話...
今日係三條九好特別噶喔!!
so~夜晚約咗我去喬蔓食飯...

  
一去到~
嗰waiter同我講.
吳生係包廂..
懶唔神秘咁.
一去到佢就送咗扎勁大嘅花畀我~
哇!!好靚好靚吖...
今日係乜日子吖?
全部都係我最鐘意嘅花~
香檳玫瑰.橘梗.太陽花同埋百合...
咁大一扎應該唔便吧!?

  
喬蔓環境眞係好~
好鐘意呢度...
  
佢話今晚食豪啲喔~
點咗嗰雜锦籃.
係啲嘢食未送上嚟嘅時候.
我哋自拍下先!!
好靚吖扎花~超鐘意吖!!
以後唔準曬咁多錢噶...
你今日好'特別'~  
嘢食終於上嚟喇!!
哇~好豐富吖...
睇到都食指大動!!
食到我哋好飽~好滿足~好幸福~
係咪好多嘢食呢!?好好味道嘅乳鴿牛仔骨同鴨胸好正~

  
食飽飽~
同佢傾下偈...
沉醉係呢度咁浪漫嘅環境!!
突然間...
佢好正經咁同我講...
... ...
我眞係覺得好突然囖.
雖然之前可能估到少少噶喇.
但係都好touching...

  
佢同我求婚.
係一個好浪漫嘅環境.
有大大扎嘅鮮花.
仲有隻超閃嘅鑽石戒指.
佢話叫我'嫁畀佢'~
我聽到眞係覺得又搞笑又感動.
好靚嘅求婚鑽戒~就係我鐘意嗰個款!!鮮花與戒指仲有浪漫嘅環境應該算係每個女仔夢想嘅求婚吧!?

  
其實我聽到之後~
眼眶... 泛淚...
畢竟.我哋一齊咁多年.
你對我依然咁好.
我眞係覺得好幸福.
等咗咁多年.
終於等到佢開口喇...
好簡單嘅一句'嫁畀我'
已經覺得好甜蜜.
或者你唔識表達.
但係我明白噶...
我知道我係你心目中嘅地位.
我亦都好清楚知道.
你對我係幾咁重要!!

  
我哋經歷咗咁多嘢.
依然可以相親相愛~互相扶持
我覺得遇到你.我眞係好lucky...
我哋都好開心喊到嗰妝花曬~咪影喇嘛!!畀佢偷拍咗添...

  
返到屋企~
佢同我媽咪講咗...
雖然大家都有啲尷尬.
但係嗰種尷尬... 好sweet!!
終於可以睇清扎花喇~成300幾...癲噶!!19朵香檳玫瑰 花語: 隻愛你一個!!6朵太陽花 花語: 熱情 象徵夏天...3支橘梗 花語: 真诚不變的愛仲有你畀我一生一世嘅承諾...

  
i love u
終於可以正式叫你一句.
老公... 我愛你!!

  
下邊奉上我家老公嘅蝦碌求婚錄像~
又搞笑又感動.
佢好怕醜噶... 唔準笑喔!!

关键词:6010c夏普小甜

作者:Zoe小甜

《9.Sep.2009 水曜日》


下一篇:没有了

最 新:
没有其它新的作品了

更多Zoe小甜的POCO作品...

评论