For My Friends(3)

北京時間嘅4.月17號.

哩日屋企人會去銀河公墓度拜祭公公.&.婆婆.

而哩一次亦係我第一次缺席.

公公, 我已經唔記得咗佢係喺幾時離開我哋.

婆婆, 離開咗我哋祗係短短嘅兩年, 所以我對於佢嘅離開感受仍然係好深.

雖然我唔係孝順女, 但係猶如母女般嘅相處係點都會有累積感情.

我曾經同婆婆講過,

佢會長命百歲, 佢會見到我結婚生baby.

其實我真係一直都咁諗.

我真係好想婆婆可以見證住哩啲場面.

仲有啊' 依家一個人住の後, 每次當我煮飯嘅時候就會諗起婆婆.

我會喺度回憶返以前婆婆係點樣煮嗰啲餸嘅呢.?!

不過我知就算我可以跟足婆婆嘅煮法去整都唔可能整到佢整嘅味道.

婆婆整嘅嘢食係全世界冇人能及嘅好食.!

今年清明節唔喺廣州, 感覺確實係有啲唔實在.

遲啲公公.&.婆婆嘅墓地樹碑日我都要缺席, 嗰種感覺就更加係唔實在.

我希望短時間內可以親身去一次墓地度拜祭公公.&.婆婆.

(發現近幾年都冇同婆婆嘅合照)

By     Sinky Ho