×

新导航介绍,点击查看

河南扫街+观光一日游

发表日期:2010-10-24 摄影器材: 佳能 EOS 400D(Rebel XTi) 点击数: 投票数:

    鲶鱼一走,广州就变得清空万里。乘着秋风展开行程丰富既河南一日游。在此再次特别鸣谢安安作导游带我搵番唔少小时候既回忆。

第一站:荣昌潮州风味馆

地址:同福西路161号

美食:粉面

特别推荐:辣椒酱

食后感:荣昌系我好细个既时候妈咪已经带我黎。时至今日当年¥2.5既细粉已经要¥5咯。大南路口同长寿路都有分店。辣椒酱超辣,但系好正,配粉一流(面会相对失色)。



价目表



净食丸汤  ¥6/大



劲辣辣椒酱



鱼蛋同鱼卷

 

     以前海幢寺系海幢公园入面,经过政府改造后,海幢寺扩建左,与原来的海幢公园融为一体。海幢寺对面有间成珠楼食品门市部,距既前身系广州百年老字号——成珠楼,最出名既系鸡仔饼又称小凤饼。经过岁月既洗礼百年老字号只剩下鸡仔饼。



成珠楼既鸡仔饼




海幢寺对面有间党员活动中心,建筑系苏联式建筑

    行经海珠区少年宫见到家长带住小朋友去上“兴趣班”,到底系小朋友既兴趣还是大人既兴趣呢?系少年宫门口竟然比我见到无间好耐既编织拖鞋,好似又翻到小学咁。



久违了滴编织拖鞋



五颜六色既编织胶管

第二站:陈超记

地址:同福西路(第三十三中学对面)

美食:粉面

特别推荐:牛利面

食后感:陈超记系入面。以吃“牛”为主。网上推荐牛肚同三星,但系由于牛利比较难吃到,今次先试牛利拉。



价目表



牛利面 ¥5.5/细。牛利又林又滑,面系碱水蛋面,爽口弹牙。



三星汤 ¥3.5/细。抵食大碗,三星禄得好爽,同汤底配合得好好。咸酸都唔错,就系太少啦



合照

 

    龙溪首约里面有著名既龙导尾市场,所以街里小贩、小店林立,好有老广州特色。龙导尾出左名平架啦,所以唔止附近既居民,连住系天河、芳村既人民都慕名而来,令一条宽度不足30米既小街水泄不通。



¥3.5既饭盒?我无睇错啊?



好靓既烧腩啊!!!



鲮鱼脊虽然比人起左出黎整鱼滑,但系条鱼仲系好生猛,时不时会摆尾。而且好平,¥5/2条,清蒸一流啊!!!



见到呢d烧腊即刻有想吃饭既冲动



行行下见到有巨峰卖,而且写住系日本巨峰,就买左4两试下。无国产巨峰既酸涩,提子比国产饱满,偏紫色。¥4/斤



听闻民国时期既龙溪首约、二约都系一位姓潘既有钱人所拥有既。虽然经过岁月既洗礼已经人去楼空,但系某些建筑依然可以知道主人既显赫



好像越狱既狗狗。眼神充满哀怨,系太阳既照耀下毛色闪闪发亮

 

第三站:金月小食

地址:同福西路龙溪首约11号

美食:饮品、小食

特别推荐:鲜榨果汁、虾多士、汉堡包

食后感:金月个大名听左好多年啦,一直都无机会帮衬。听讲开左10几年,好受欢迎,一到放学时间就水泄不通。金月可谓麻雀虽小五脏俱全啊,品种丰富又平。



令人眼花缭乱既manu



小食类价格



饮品类价格



芒果肉乳酪¥4



鲜榨提子冰¥2



螺肉¥1.5/串,2串以上¥1



虾多士¥2、块,图为一开二。入面有成只虾系度



芥末鸡卷¥3。芥末令成件小食唔会觉得滞,紫菜可以保护鸡肉,系炸既时候避免肉汁既流失

 

第四站:炸姨奶茶

地址:同福中路南武中学旁

美食:奶茶、小食

食后感:同金月有d似,但系奶茶由于平所以出名。¥2/杯,烧仙草、椰果、珍珠免费既。即系话K记¥8既烧仙草奶茶系炸姨只有¥2。而且奶茶唔系用奶精整架。





价目表。由于无坐低饮,所以唔记得影番奶茶张“玉照”

 

    系同福西路转左几圈终于要怀着依依不舍既心情离开啦,向黄埔古港进发。



经过大元帅府,本来想入去,但系见到条龙太长啦,都系下次啦。广州新起既广场一个晒过一个



大元帅府广场前边既花花好漂亮



为花城正名

 

    系滨江东坐车唔洗一个钟就到黄埔古港啦。虽然周末人比较多,但系感觉依然好舒服,尤其江风吹黎既时候令人昏昏欲睡。





古港木船



虽然猫记系黄埔出晒名,但系无小炒。安安系网上发现波记其实比猫记、鸡记好,于是我地就直奔波记啦。可惜波记太有性格啦,1点已经卖晒野,我地只有望波兴叹。波记隔离系水闸,对面就系新洲啦。



好淡定好舒服好悠闲既小狗

 

无左波记,唯有去第间啦

 

第五站:新榕树阁

地址:琶洲街石基村(猫记再植入,到榕树头)

美食:河鲜、农家美食

特别推荐:蒸虾干

食后感:吹住江风吃饭,非常写意。食物好新鲜,无添加。吃过番寻味。系鱼池见到有巨型非洲鲫¥18



通去厨房既小桥



废物利用既茶杯



炒豆角¥10,又林又甜



蒸虾干¥22。好鲜甜,有小小既豉油调味已经好出色



蒸双丸¥18。爽口,无粉



咁鲜味丰富既一餐只有¥50

 

    黄埔古港有个海关博物馆,系清朝广州海关既所在地。免费入内,可以了解广州既历史,特别系对外贸易。博物馆内用文字、蜡像、图片甚至模型讲述广州既故事。



门口



清朝,广州对外贸易既重要港口,货物由广州经水路运去欧洲。呢个就系当时货船船舱既模拟景象



货物入仓



掌柜记数



博物馆既纪念品同市场上差不多。最贵既要数呢只龙船啦¥1300。手工好精致



哥德堡号模型¥30



古港公园栈道



睡莲池



渔船

 

第六站:炖蛋皇

地址:石基村浦南直街11-1号

美食:奶类甜品

特别推荐:姜撞奶

食后感:够滑够辣,仲要系你面前整



姜汁



撞奶



再撞



1分钟后凝固



姜撞奶¥4

 

第七站:河南地

地址:革新路海傍内街新民大街46号

美食:烧烤、打煲、粤菜小炒

特别推荐:烧烤类、冬瓜盅火锅

食后感:一线江景最平既食店。烧烤同街边价钱差不多。见到隔离台吃冬瓜盅火锅好似好正。



杂菜煲¥13



烧排骨、牛仔骨各¥8,鸡中翼¥6/只



烧土鱿¥10



烧带子¥10/只



烧青口¥12/打



锡纸烧花甲¥12



全家福



落单



风卷残云之后



如果吃干逼鸭仲有厨师表演

 

吃完野饮住鲜榨蔗汁(龙导尾出品,¥3/支),结束美好、满足的一天。




 

 

清单




作者:Quickly

《河南扫街+观光一日游》


下一篇:没有了

最 新:
没有其它新的作品了

更多Quickly的POCO作品...

评论