×

新导航介绍,点击查看

First Day In Retention

发表日期:2011-01-03 摄影器材: 宾得 Optio S5i 点击数: 投票数:
    今日係我响Retention Team嘅第一个工作天,如常9点翻到公司,去翻SAB果个位坐落,打开Email,见到Andy Lam嘅祝福;见到Yellow嘅问候;见到Joyce嘅回应;当然唔少得嘅係老板同EX老板嘅鼓励。     睇完Email后,去到新部门,了解一下自己新嘅位置,之后就开始搬位喇,执嘢走果时真係好唏嘘!虽然唔係攞住个纸皮箱执嘢走,但感觉一样唔好受。一切安顿后,我就见到Locetta同Tweety,好多同事都无谂过佢哋两个今日会翻广州,当然呢一切一切都係Polly嘅安排!     随后,Locetta、Tweety、Jesse & Tracy就同我简单讲佐一下佢哋嘅工作安排,每一个同事嘅性格特征, 好让我更快去了解。席间,收到Polly嘅电话,听一宗消息,让我嘅心情即刻跌到落谷底,但Polly话,“你放心,我要佢即刻收声。“果一刻,就算呢个部门嘅衰都好,但起码仲有一个好人,仲有一个人会Support我,唔会再让我觉得无助。     中午,我哋几个相约一齐起饭,天气太冻,无去太远嘅地方。一个钟嘅时间都要好好利用,讲嘅都离唔开公事,但果一刻唔会太抗拒,倒转头仲可以好体谅。埋单果时先知呢一餐係Polly做东,又要同佢讲声多谢,係多谢佢嘅一份心意,让我感觉好温暖。     饭后,同Locetta、Tweety夹佐一下黎紧我嘅工作范畴,倾倾讲讲就已经15:30喇,呢个时候Jesse敲我哋房门,同我哋讲,“三点半喇,你哋睇住时间啊?” 当时,仲以为係提醒Locetta,叫佢睇住时间,今晚唔好搞到咁夜先走。     后来Locetta使开我, 当我再翻入会议室果时,已经企满佐Retention嘅同事,原来佢哋为我准备佐一个Welcome Party,正式介绍我俾呢个部门嘅同事认识。Locetta仲传达佐Polly嘅口谕,让我再次感动鸟!     唔知道响呢个部门条路会係点,但我真係要多谢Polly同Vincent!

作者:Rachel

《First Day In Retention》


下一篇:没有了

最 新:
没有其它新的作品了

更多Rachel的POCO作品...

评论