×

新导航介绍,点击查看

湛江之旅

发表日期:2011-01-27 摄影器材: 索尼 点击数: 投票数:

 

                1月19日,我同虹姐出发去湛江玩的日子喔……又一次同虹姐去旅游,发现我哋次次都好似冬天去的~~~其实咁样最唔好,因为本身我哋就好多嘢拿噶啦~而冬天d衫就更加厚,所以个箱根本摆唔晒囖……O(∩_∩)O哈哈~一向习惯迟到的我哋,当然都唔例外囖……不过今次罪魁祸首唔是我啦……去到仲发现d搞笑嘢~~~人哋翻湛江过年的都唔够我哋带咁多嘢囖~~~真是鱼爆吖!人哋话:唔通你哋打算过世噶……O(∩_∩)O哈哈~

 

上车噜~~~途中落车买咗好多零食添吖……搞到成车人都等我哋几个喔……


 

由于要五个几钟的车程喔……训咗几次都唔掂~~~闷死我哋啦……我哋居然整埋指甲,补埋妆都仲剩大把时间吖……O(∩_∩)O哈哈~



 

               然后就发生咗一件大事啦……坐咗大概五个钟车之后,就要落车,转一部细车送我哋去湛江车站~~~而我居然将部手机留低系细车上面喔……后来吖恒来接我哋之后,开车开到一半,我先突然淋翻起自己部手机唔见咗~~~最衰自己大头虾啦……而且经常挂在玩微博……当时真是超级难过,吓死我啦……淋住肯定稳唔翻啦~但是里面有好多资料~好多密码~好多人的电话……所以我真是超想稳翻喔!

              跟住吖恒就帮我打电话给带我哋来的吖斌同吖车帮手……试下睇下有无机会稳翻~因为我用他哋手机响我自己手机的时候,仲未是关机状态,证明未有人执到,所以要尽快稳翻部车出来……可惜根本无人知道个车牌,又唔知道去咗边……吓死我啦!如果唔见咗,我呢几日去旅游都会无晒心机噶……

              但是我真是超级好彩……吖斌不停帮我打电话,稳咗超级多人,终于稳到个司机啦~~~而且仲叫司机帮我执翻,然后到时去帮我拿……实在太感动啦!真是好庆幸自己咁好彩~~~居然可以失而复得窝~~~手机对我来讲真是好重要,无咗它,全世界都稳我唔到,而且里面好多嘢,无咗我会好无安全感的!今次真是全靠吖斌咋……辛苦他啦!同时都感谢司机,拾金不昧喔~~~来到湛江第一日,就给呢到的人感动~~~好开心自己遇到咁多好人喔!

 

呢个是护送我哋去湛江的吖车……给人一种细佬的感觉~~~



 

呢个都是护送我哋去湛江的,而且帮我稳翻手机的吖斌啦……真的好多谢他喔!我会永远记得的……


 
 
手机稳翻之后,成个心都定晒啦……之后就入住酒店先啦!住的地方都好靓喔~~~全部都是独立房间,两房一厅的,好舒服……

  

 办理入住手续时,我哋仲捉紧时间自拍添吖……O(∩_∩)O哈哈~


 
 
放低行李之后,就去医饱个肚啦……(*^__^*) 嘻嘻……来湛江,最重要紧是海鲜啦~~~我哋最爱吖……即刻去湛江的海鲜市场买噜……

 
 
买咗之后就去酒楼加工噜……第一晚就吃咗好多海鲜啦~~~饱饱的~~~海鲜果然好鲜……O(∩_∩)O哈哈~


 
 
而且第一日识到好多湛江的朋友啦……个个都超热情的~~~特别是吖彬同吖虾喔……之后果几日再详细介绍啦……(*^__^*) 嘻嘻……加上每次我哋都是从晚上吃饭开始饮酒,一直饮到凌晨,唔洗停噶……呢到d人真是个个都好饮得囖~~~O(∩_∩)O哈哈~大家留意下d葡萄酒,好特别噶~~~


 
 
              吃饱饱之后,又继续转场噜……去咗湛江好出名的夜场,个场好靓的窝~~~我已经戒酒几个月啦……不过难得去到,所以好俾面,晚晚都陪他哋一齐疯癫噜……加上他哋个个都好好人,好照顾我哋噶~~~所以同他哋一齐玩好搞笑,好好玩~~~
呢到就是湛江好出名的夜场,中国城啦……

 
里面仲有好多气球添喔……(*^__^*) 嘻嘻……

 
 
                   饮到面红红的我哋……最后终于可以翻酒店训觉噜~~~不过今晚未完,就已经约定咗听日啦……O(∩_∩)O哈哈~
 
20日,我哋训到中午先起身喔~~~换衫化妆之后,又出发去吃嘢啦……(*^__^*) 嘻嘻……

 
 
今次吖恒带我哋去吃猪杂汤喔……个名好特别噶~~~叫:姐妹猪杂汤,难道是我同虹姐开噶……O(∩_∩)O哈哈~

 
  
 然后我哋就开始出发去第一个景点啦……观海长廊~~~可惜去到,我哋都发现无想象中靓……好普通的海景喔~~~不过d树好特别噶~~~是红树林来噶~可以防止海啸的喔……所以要好好保护它哋吖!

 
虽然景好普通,但是我哋都会记得合照留念噶~~~O(∩_∩)O哈哈~


 
仲有一个海豚的雕像喔~~~(*^__^*) 嘻嘻……

 
 
 睇完观海长廊之后……d男人就去打桌球啦~~~而我同虹姐两个就去洗头噜~~~不过间商场超多人洗头囖~等咗超耐!

 
              搞掂晒之后,当然就是继续吃大餐啦……O(∩_∩)O哈哈~又是我最喜欢做的事吖……今餐是虾哥专情为咗欢迎从广州过来的我同虹姐而准备的喔~~~超级丰富……而且虾哥特意叫埋一个专业人士陪同去买海鲜添~~~超大阵仗吖!O(∩_∩)O哈哈~虾哥真是好好人,而且超好玩的,是一个绝世好男人吖……
 
男人们去买海鲜~~~我哋就继续兴奋咁自拍噜……(*^__^*) 嘻嘻……

 
超级丰富海鲜大餐啦……有部分根本无机会拍低添吖~~~多到台都摆唔晒囖……O(∩_∩)O哈哈~

 

 

 
 
吃海鲜当然少不了红酒啦……不过今晚的红酒就更加特别~~~超可爱喔……而且确实几好饮,不过每次都饮到我哋面好红喔~~~

 
虾哥仲带埋个女来添喔……超可爱吖……d表情仲丰富过我囖……O(∩_∩)O哈哈~

 
 
当时我哋已经饮到面红啦……不过吃饱依然继续去下一场噜~~~然后发现,原来湛江都有soho噶~~~而且发现好多搞笑嘢,支酒个名叫AK-47窝……仲见到水烟添……O(∩_∩)O哈哈~好搞笑!


 
 
 呢个就是虾哥啦……超好人的喔~~~又搞笑……而且好靓仔,是翻版方力申窝~~~(*^__^*) 嘻嘻……

 
呢个叫屙屎吖……个名是有个故事的~~~好搞笑,不过唔同大家透露啦~~~O(∩_∩)O哈哈~他超似女仔喔~是混血儿来噶……对我好好的,途中不停介绍湛江的景点我知……其中有一日仲陪我翻去酒店拿手机添~~~所以今次都要好好多谢他吖!


 
呢晚的我声音已经完全沙哑啦……所以唱歌都唱唔到~~~太耐无饮酒的我,酒量越来越差噜~~~最后又开始胡思乱想啦~~~居然偷偷地留下眼泪了!

 
              主要是今次的旅程出现咗一个人,我居然钟意咗他喔~可惜偏偏我钟意的唔钟意我,唔钟意我的又钟意我……点解次次都要咁样玩我呢~~~他真是好好的,性格同人品都超好,好优秀的男仔,之前我都接受唔到异地恋,但是今次如果他愿意,我一定答应的,不过可惜他有女友噜……我已经好努力,从来未试过咁主动接近人的~但是我又惊他觉得我是果d好坏的女仔窝……超矛盾!讲咗咁耐都未讲他叫咩名添~~~他叫吖彬喔!个样有d似韩国人~~~特别是笑起身果阵添吖~~~他好搞笑的,而且好细心的,总之就是绝世好男人啦!不过好男人早就给人霸住噜……所以我不停咁问自己,我是唔是唔应该来呢个地方,咁样就唔会遇到,咁样自己就唔会难过啦……但是其实淋咁多都是多余的,毕竟无可能的事是唔会发生噶……
 
真的很优秀,令人好心动的男人~~~虽然无可能,不过始终都想讲出自己的感受……d相是之后影的,不过提前放上来给大家睇睇先……


 
 
                  饮酒后~疯癫后~终于又是我哋翻酒店训觉的时候啦……听日仲有新的行程的喔~~~我总告诉自己,喊了就无事的,训醒就无事的,我会好好的!
                 翻到酒店后,吖彬同苏州同屙屎买咗宵夜给我哋吃添……其中仲有我最爱的生蚝,不过我吃咗几只就去冲凉啦~~~其它粥同鸡翼都无吃到喔……因为我根本无胃口,只想自己快d训醒吧……
                 21日,今日训到超晚……因为吖恒部车借咗给虾哥用,所以就叫外卖系酒店吃先……然后下午再出发去海市山庄噜~~~个山庄可以打麻雀,钓鱼,玩扑克噶……晚上仲可以吃到新鲜的烧猪、烧鸡、烧番薯玉米等等添……
 
出发噜……训醒心情变得好翻了~~~我知道自己会无事的……要开心咁享受旅程吖~~~


 
海市山庄的景喔……超靓超吸引喔~~~好舒服的!


 
阳光咁好……当然唔少得我哋两个的自拍啦……(*^__^*) 嘻嘻……

 
 
 系里面的精彩活动喔……可惜途中见到残忍的一幕,小猪给杀喔!叫声很凄惨的~~~我哋有钓鱼,可惜毫无收获囖……O(∩_∩)O哈哈~仲玩咗扑克添……输咗果几个就要罚蹲~~~笑死吖!


 
玩完就继续开餐噜……虽然喉咙超痛,不过依然被美食诱惑到了……(*^__^*) 嘻嘻……

 
 
                    吃饱又继续玩游戏啦……玩007绑,呢个游戏真是笑到我哋肚痛囖~~~虾哥d动作超丰富,大头输咗好多次,都未接受到教训……O(∩_∩)O哈哈~太搞笑啦……好快,大家又饮晒d酒噜……然后又继续转场啦!
 
转场又是饮酒~~~而且中途同吖彬不停咁接触,更加觉得有feel~~~可惜又无可能窝~~~超难受!饮多咗之后,自己又再次乱淋嘢啦……救命!次次都咁折磨自己吖……我知道自己第日训醒,又可以扮到若无其事的,但是偏偏当时饮酒后就爱乱淋~~~

 
玩够之后,继续去宵夜添吖……好特别的宵夜,叫猪头骨,主要是吃里面的骨髓的……好好味噶~~~超正!

 
呢餐宵夜好钟意喔……所以特别要谢谢苏州~~~他超大胆的,咩刺激游戏都咁玩~~~仲试过裸跑添~~~因此而出名了~~~又是一个好搞笑的人~~~O(∩_∩)O哈哈~

 
吃完猪头骨之后,已经超饱,苏州仲带我哋去买甜品添~~~(*^__^*) 嘻嘻……个肚真是幸福啦!O(∩_∩)O哈哈~

 
                    22日,训醒之后就要出发去雷州噜……时间过得真是快,但是我一直好想去湖光岩睇睇,到依家都未去喔~~~觉得好可惜,而吖恒真是好好人,他下午就带咗我哋去睇睇啦……满足咗我小小的心愿喔!
 
出发之前肯定要医饱个肚啦……(*^__^*) 嘻嘻……今日吃湛江鸡喔~~~其实同广州的湛江鸡都唔会好大区别遮……O(∩_∩)O哈哈~

 
去到湖光岩噜……我超级兴奋的吖~~~但是入到去之后就发现,原来无咩睇的~就是一个好大的海……而且海水超级清,确实好靓,但是有点单调囖~~~好少嘢睇,门票又贵,真是唔抵~~~原谅我的好奇心吧!O(∩_∩)O哈哈~

 
系湖光岩吹咗半个钟风的我哋~~~就正式起程去雷州噜……其实我好钟意个海,好少人,好清,好舒服,如果系到散步真是好浪漫的~~~


 
呢个就是吖恒啦……特别要多谢他喔!谢谢他的招待~~~超好人的!而且最后仲带我来埋湖光岩添~~~感动喔~~~

 
睇完湖光岩之后,一个钟左右的车程,我哋好快又到咗雷州噜……发现雷州比湛江多人好多喔~~~大塞车的~~~接完吖彬,好快我哋就到咗酒店啦……今次的酒店更加特别……依然是两房一厅,不过大好多,而且居然有麻雀台添……O(∩_∩)O哈哈~


 
 安顿好之后,就继续稳嘢吃噜……去天然养殖场了,好丰富,不过今次无一个个菜影,大概影咗张整体算啦~~~费事次次咁影,给人笑我大乡里出城吖……O(∩_∩)O哈哈~d嘢好好味喔!而且仲试咗雷州特色的白切狗添……不过无想象中咁好吃喔~~~
 

 
吃饱饮醉后……又继续转场啦……去到雷州都依然逃不过的晚上……O(∩_∩)O哈哈~

 
玩完又继续宵夜啦……宵夜有好多甜食~~~岩晒我同虹姐啦……O(∩_∩)O哈哈~

 
                 吃完玩完就可以翻酒店训觉,准备听日起程翻广州噜……不过今晚好特别,因为吖彬留低咗,训咗系我隔离床喔~~~所以我哋倾咗成晚计,倾到五点几先训觉……好开心喔!起码了解他更加多啦……发现他真是一个超好的男仔,真是绝种动物啦~~~可惜我无福气占有啦!不过能够认识,做到朋友都好好噶啦~至少我会相信,真是有好男人存在的,我会永远记得他噶!~~(*^__^*) 嘻嘻……
 
                23日,训到好晚喔……然后就起身执嘢,准备出发翻广州噜~~~有一点的不舍喔!不过他们都约定我哋,叫我哋夏天再过来玩……仲话夏天更好玩呢~O(∩_∩)O哈哈~
 
走之前,吖恒带咗我哋去吃牛仔骨汤同牛杂喔……同我哋呢边的牛杂好唔同的……几好味喔!


 
               吃饱饱后,买咗一d东西就去车站搭车翻屋企噜……票是琴日吖恒同吖彬已经去买咗噶啦……但是因为就快过年,所以车位短缺喔~~~搞到剩翻卧铺……我同虹姐都未坐过卧铺,好唔愿意,超唔想~~~所以今日来到车站,吖恒就睇下可唔可以换到~~~真是好好彩,可以换到,但是因为虹姐肚饿,吖恒陪她去买嘢吃,结果部车走咗喔……
 
就是呢d嘢食累事囖……(*^__^*) 嘻嘻……

 
               而且当时我哋之前的票又退了,真是唔知点算好~~~来回去咗好多个车站都无车位……郁闷死啦!最后剩翻卧铺的最后位置,而且是最后一排五个人一齐训的位置喔……因为时间已经好晚啦……仲要坐成6个钟的车……所以我同虹姐都好勇敢咁接受咗啦~~~
 
上车前又要除鞋窝……加上好臭~~~d被又污糟~~~第一次坐卧铺……真是好难受喔~~~好彩后面5个人的位置剩是得我哋两个女仔咋~无其它人的。大家睇睇我哋厌恶的表情,就知道有几可怕啦……


 
                    经过六个几钟的车程,我哋顺利翻到广州噜……途中我同虹姐仲见到烟花窝~~~唔知是米真是咁巧呢~~~好好的ending喔……湛江之旅就咁结束啦!好挂住果到的嘢吃喔~~~很开心的旅程~~~好多人照顾我哋,好热情的招待我哋,我哋真的好幸福喔!虽然途中有好多的小插曲……不过真的好开心!希望下次有机会再去多次……再继续吃,再继续玩,再见翻他哋啦……(*^__^*) 嘻嘻……
                 旅程结束啦……翻来之后,同时都要为这次的吃喝玩乐付出沉重的代价啦~~~我一直都未病好,喉咙严重沙哑,感冒流鼻涕添~~~是时候留系屋企静心休养啦~~~希望今年本命年会好好的,唔好发生咩突发事件喔……而且就快过年啦~我想个病快d好翻,我唔想到时吃唔到嘢囖……大家知道我胃吃噶啦~~~吃唔到,我会好痛苦噶!所以系到许个小愿,希望身体健健康康的喔……
关键词:湛江钟意感动海鲜

作者:思思

《湛江之旅》


下一篇:没有了

最 新:
没有其它新的作品了

更多思思的POCO作品...

评论