×

新导航介绍,点击查看

端午节假期,小洲村探古之旅

发表日期:2011-06-06 摄影器材: 景区:小洲村 点击数: 投票数:

一年一度嘅端午节,难得有两日假期,约埋朋友一齐出游。由于前一日打完一场篮球比赛,所以唔想去太远,于是我地选咗海珠区嘅小洲村,一个最具岭南水乡特色、且被评为广州首批14个历史文化保护小区之一嘅古村落。

我地本来约好1点钟係客村地铁站等,然后坐车入去小洲。点知有两个小妹妹,竟然搞错咗以为係西村等(佢地住火车站附近,离西村一个站,所以就慢吞吞,猪猪柔柔咁先出门),卒之搞到迟晒大到,最后我地两点半先出发。

最后几个站嗰时,公车基本上无乜人,比人偷拍,好彩打咗格仔,哈哈!



幸好比较顺畅,半个钟左右就入到去小洲了。我地係小洲村站落车,然后就入村。



一入到村就睇到一座小礼堂,睇上去几新下,应该重新修正过,不过依然不失古色古香。我地仲遇到一班摄影发烧友,有摄影师当然少唔到靓女模特了。


估唔到当日咁多人,除咗抓住长抢短炮嘅摄影师之外,仲有好多外国友人。


村里边都保留住一啲古老嘅名胜古迹,有天后宫、瀛山简公祠、简氏公祠等等。


呢间屋虽然好简陋,不过里面确珍藏咗好多好多经典嘅、有价值嘅老照片,都係反应老广州市容市貌,以及老广州人一啲生活嘅情景。睇下我地后面挂住嗰啲,每一个作品,都包含住一啲回忆。

连指示牌都係咁古色古香,睇完摄影展,我地就去到旧时广州嘅码头,一到古港码头,我地就听到炮竹声,原来係小洲村嘅村民係度爬龙船,虽然唔係正式嘅龙舟比赛,不过爬龙船係端午节既有嘅一种传统。



村里面好多屋都租比一啲艺术家,或许用来展览、或许用来卖啲小工艺品,不过每一间都各具特色。有啲仲好有文采,上联:无事来饮茶,下联:有啱执番件。横批:你我他。






呢间大鸣堂双皮奶,大家行累咗可以作为休息嘅地方,亦都可以入去里面试下,正唔正宗就见仁见致了。


两位靓女係呢间店度买咗两件小饰物!


呢啲小巷贯穿整个村落!


井水非常清,而且是冬暖夏凉!


最后说一下,就係呢两位靓女搞错地方,令到我地鬼咁迟先出发!

关键词:旅游随拍新世家族

作者:西关大少

《端午节假期,小洲村探古之旅》


下一篇:没有了

最 新:
没有其它新的作品了

更多西关大少的POCO作品...

评论