×

新导航介绍,点击查看

第二次恋爱

发表日期:2011-06-12 摄影器材: 索尼 点击数: 投票数:

 

             呢段时间真是超级忙喔……连训觉的时间都唔够,主要是因为自己又开始了新的全职工作,每个星期翻五日半喔~~~累死啦~~~之前的工作个个星期翻五日我都厌长啦……所以五日半对我来讲,真是好似无得休息咁囖!!!不过我始终大个女噶啦~唔可以经常好似以前咁,靠做兼职的噜……可惜工作一直都好辛苦,不如意,唔知呢次我又可以坚持几耐呢???O(∩_∩)O哈哈~

 

            本来呢段期间都唔打算拍拖噶啦……点知好多嘢真是预计唔到的,偏偏呢个时候,他就出现咗啦……我哋系一个朋友的生日party识的,当时是5月1日,所以印象特别深刻,不过果阵我都无淋太多,只是觉得呢个男仔唔错,加上好好相处,好好玩……

            后来果晚之后,就经常约出来见下、吃下饭、玩下咁……慢慢就越来越熟噜~~~唔知道点解,虽然我哋识咗好短时间,不过我哋好快就好熟,而且我仲好快就好了解他添……O(∩_∩)O哈哈~

            因为识的时间太短,我一直都认为他唔了解我,我唔想好似第一次拍拖咁,就是因为未了解清楚,就盲目咁开始,可惜有时感觉的嘢真是控制唔到的~~~差唔多日日见面,经常相处,未够一个月,5月29日我哋就正式开始恋爱啦……

 

             第一次的恋爱我都只不过是拍咗一个几月,所以我对拍拖呢d嘢完全唔识的,然后发现,两个人相处真是一件好难的事喔……加上我今次真是觉得已经好大突破了,原来感觉来了真是可以改变自己的原则的。

             以前的我,矮的男仔,我是绝对接受唔到的,因为我好钟意着高跟鞋,可以讲得上是一个高跟鞋控,加上屋企的鞋柜摆满晒高跟鞋的,平底鞋都无几对,但是今次,我打算为咗呢个男人放弃高跟鞋,所以呢段时间日日都着平底鞋,仲特意去买咗六七对平底鞋添……虽然他话唔介意我着高跟鞋,但是我介意囖~~~我唔想自己高过他,我唔想他会无面……

 

            然后相处之后,他厌我肥,觉得我吃好多嘢,唔想我再肥落去了……所以叫我唔好吃咁多嘢~~~不过大家要知道,我是一个超级超级胃吃的人,最喜欢做的事就是吃嘢,每次吃到好味的嘢,我都会觉得好满足好开心的……表面上我依然吃好多嘢,而且同他讲,话自己唔会减肥的,但是实际上,我自己又再吃翻减肥药了……虽然对身体唔好,但是我知道他介意我肥,所以就唔理了。以前我会好傻咁认为,如果一个男人钟意自己,应该唔会介意我肥的,反而会担心我吃唔吃得饱,日日都不停咁给好多我喜欢的嘢我吃,见到我吃嘢会好开心的……不过原来好多男人都是介意女人的身材噶~~~但是女人对男人的身材却无咩要求……

 

           他想我融入他的圈子,所以我经常都陪他见他d朋友,然后一齐玩,但是其实我唔喜欢日日都咁样的……不过他的生活就是咁,所以我尽量去妥协。而我都好想他可以融入我的生活圈子,见见我班姐妹……我以前第一个男友,我都唔想给我d姐妹见,因为我未有好喜欢的感觉,总觉得他对我唔好……但是呢个我想给她哋见下,可惜一开始他却唔是好想见~~~我当时觉得好难过的,我好努力咁融入他圈子,而他却唔想去了解下我d好朋友同我d生活。不过最后都是见了一下,她哋对他的感觉都是唔错的……

 

           我哋两个好钟意斗嘴……我觉得咁样的相处方式好开心,大家可以润下大家,有果句讲果句,好真实好舒服的感觉……可惜总会有好多时候,他会问好多我唔识答的问题,最后又吵,搞到大家都唔开心~~~特别是一个问题,因为我觉得我哋开始无几耐~加上我对见家长好恐惧,所以唔想咁快,但是他就超级想,因为呢个原因我哋吵咗好几次,最后他都体谅我,屈服了……

          他给我的感觉,是一个好简单好实在的人,而且虽然一齐时间好短,但是会感觉到他好在乎我的,可惜他应承我的事情根本无做到几样囖……总是给我承诺,不过一直唔会兑现。我记得我答应同他一齐的时候,我叫他应承我4件事,他是应承咗的,不过做到的又有几件呢???

 

            第一件是,我希望他每晚都同我讲“晚安”呢两个字,咁样我会好好入睡的。可惜每次倾完电话或者系QQ上面,都只会讲,训啦、早d休息啦、早透之类的话语。但是其实我想听到的是晚安!唔知点解,我就是好钟意呢两个字~~~自从他应承我之后,我就无再主动讲晚安先,因为我希望他会记得,等他有一日会主动讲呢两个字……可惜到依家为止都无。

           第二件是,我希望每次发短信或者微博里面评论,倾QQ的时候,如果我复他,他就一定要复翻我,直到我唔复他为止……因为每次同他倾的时候,我都会等他的回复,等待真是一件好辛苦的事,而且次次都是失望告终……他话他唔习惯咁样回复人,要给时间他适应,我愿意给时间,可惜给到依家他都未习惯……

           第三件是,我希望他每个晚上都刷牙训觉,虽然呢个我睇唔到,不过他话有,我就信……每次他讲的嘢我都会信,只不过是他唔信我而已……以前他是无呢个习惯的,但是我希望他的牙齿会健健康康,可以有灿烂的笑容陪我欢笑,锋利的牙齿陪我吃周围的美食……

           第四件是,我希望每次大家吵交的时候,或者我嬲他的时候,他可以五个钟之内哄翻我……我知道每个人都会嬲,都要下咗啖气先,但是我希望呢个时间唔好太长~~~因为如果太长,感情就会变淡的~~~虽然呢件事有d难度,而且我哋两个都是好固执的人,所以他到依家都做唔到,我都唔会怪他噶……

 

            其实四件事都唔是好难的事,但是他做到的又有几件呢?点解女人会咁唔相信承诺呢~~~因为女人知道如果要实现的事情,唔应该通过承诺,而应该直接行动……所以任何承诺都无意义的,我就是一个唔是太信承诺,亦都唔喜欢轻易给人承诺的人~~~因为我知道承诺实现唔到的时候,是会好难受的……

 

            好记得未应承他一齐之前,我话,如果你做到三件感动我的事,我哋就开始啦……但是他觉得他是好实在的人,要做的话,他话他都识,但是唔想因为得到我呢个人而去咁做……当时我是好唔开心的,我的理解是因为唔值得所以唔做~可能是我一直都缺少感动啦……所以总希望得到少许的感动。其实女人好少的细节都会感动的,我记得我讲过他知,有一次我蛮感动的,系长隆玩机动游戏的时候,我对鞋好容易跌落去,所以我是除咗鞋玩的,每次他都会好主动咁帮我除鞋拿鞋……当时我就觉得好唔好思想,心里好感动的~~~简单但是心会甜……

 

           仲记得他曾经应承我戒烟,我觉得是无可能的,因为我睇我爸爸戒唔到就知道啦……但是他依然给希望我,发埋微博,好肯定咁讲的……他讲,我又信。然后我又发现再吃翻又可以有好多的借口,“自己唔买,朋友递先吃遮”“可唔可以今日破例吃吖”“你都知道戒烟无咁快噶啦~慢慢来啦”,听多了,就习惯了,所以我就骗自己,当他无应承过吧……其实唔吃烟我都是希望他身体好,以后唔会有咁多病痛遮……

 

            仲有好多好多嘢,都是他应承我,但是做唔到的,虽然都是好小的事,但是我呢种女人真是会记住的,因为我觉得对一个人来讲,如果他在乎她,就会努力去做,唔会随口讲。每次约咗去边,总会临时有其它事而改变计划的……系他的世界里面,计划永远赶不上变化,而且变化是一直有的,所以他从来都是到时再算的~~~而我就是一个好有计划的人,例如我约咗人去做某件事,我就真是会去的……记得,有一次他话再陪我去天成吃酸菜鱼,最后泡汤了~~~记得,有一次话吃完饭,同我去吃甜品凤凰奶糊,最后泡汤了~~~ 好多时候都是小事,不过我会在乎的……

 

            他总是唔信任我,觉得我唔愿意承认他呢个男友,其实如果我唔想承认,我是绝对唔会将他介绍给姐妹认识的……他觉得我好多的保留,总是给机会其他人追我,其实如果留意到,我根本唔会去同果d男生赴约的,人哋就算追我,你应该要明白,我并唔是咁容易变心的人,因为如果我要变心,我何必要等到依家先拍过一次拖呢?至于他觉得他对我是完全无欺骗,无同我讲过大话,难道我又有吗?我都同你讲过,我无骗过你,我讲的嘢全部都是事实,只不过你唔相信我而已……其实两个人唔信任真是一件好可怕的事情~~~

            每次我有电话唔想接的时候,他就会觉得我是唔想给人知道我同他一齐,我都讲过好多次,有d是我爸爸妈妈打来,他哋的习惯,要知道我电话开机状态,确保我安全,唔洗接的。另外一d是无聊人和麻烦的人,我唔想应酬他哋。不过你根本唔相信……所以我先发现,我真是唔识点同一个唔信任自己的人相处啦……太多的猜疑,太多的猜测,太多的疑惑……最后换来的只会是难过。

 

            6月10日晚上我正式选择放弃了……第二次的恋爱只有12日的时间,不过对我来讲,已经比上一次进步好大啦……他比上一个要对我好好多,而且都有好多开心的时候,我本来真是好想努力的,可惜我发现无论我几努力,他都是唔会信任我,而且他总会觉得是我错,可能我真是有错的地方,但是至少他都有,至少我会在意他应承我的事情无做到,如果真是在乎一个人,是唔可能唔去做的。我记得他曾经讲过,“有时候,不是对方不在乎你,而是你把对方看得太重了。”那是因为我要将一生交给一个人,我又点可以唔看重呢……

 

            因为想了解他,我会将他的微薄由头到尾睇一次,会去睇他的照片,会去睇他的空间有无写d咩嘢,而且会好好记住他的一d习惯。但是他从来都无打算咁做,如果唔是我提醒他一下,他都唔会睇翻我之前咁多的微薄,了解下我的生活。由此就可以感觉到,一个人有几着紧自己,有几想去了解自己呢~~~

            可能又是因为太快啦……次次都被感觉冲昏头脑~~~不过我好肯定,今次的恋爱比之前开心好多的……所以真是好多谢他。如果我唔是同他发展成为情侣的关系,我哋关系一定好好,大家都咁玩得,而且又喜欢斗嘴,肯定好开心好搞笑的……

 

            每次的感情,虽然短暂,但是我都需要时间先可以恢复的……加上我唔是一个好轻易就可以谈恋爱的人,唔知今次的恢复期要几耐呢?不过时间真是好有用的……相信时间慢慢过,一切都会过去的~~~

 

            第二次的恋爱居然两个星期都无就结束了……比第一次仲要短时间好多,真是一次比一次快喔……我真是失败,我惊我无勇气再去开始第三次,如果时间更短点算呢?长久的爱情真是咁难?不过好庆幸自己仲是乐观的,我相信那个对我好好的、懂我的、喜欢我的他还会存在的……

关键词:应承信任第二次恋爱承诺

作者:思思

《第二次恋爱》


下一篇:没有了

最 新:
没有其它新的作品了

更多思思的POCO作品...

评论