×

新导航介绍,点击查看

札记2...

发表日期:2011-07-21 摄影器材: 点击数: 投票数:

时间:2011.7.20

地点:WL广场34楼

 

入到公司前台处

前台:请先签到

我:请问而家几点啊?

前台:14点13分

我:好,唔该你

 

填签到表Ing。。。

 

前台:请俾你嘅中英文简历我

 

俾佐距

 

前台:请跟我来

 

跟住带佐我去一间2-3平方米嘅房仔

前台:请先坐系度稍等。

我:好嘅。唔该你!

 

3分钟后...

 

以为衣着比其他人随便一DD嘅女仔行佐入来(估计年龄26左右)(因为其他男都系西裤皮鞋T-SHIRT,太正装了!)

(后来先知道距系HR)

HR:(罗住我嘅简历边行边睇)你叫shirley 哦呵?

我:系啊~我英文名系shirley

HR:shirley ,咁你先作一个自我介绍先啦。

我:请问系中文定英文嘅咧?(因为距罗住我嘅中英文简历)

HR:你喜欢囖。呵呵

我:沉默... 10秒后...  (觉得自己准备佐下英文自我介绍,就唔好浪费啦!献丑就献丑啦!!)

#¥@……¥%#@¥#@#

我:请问够未啊?

HR:你喜欢啦~

我:讲工作经历Ing(粤语)

HR:shirley其实你一个女仔点解要选择做计算机咧?

我:因为我读哩个,我觉得自己会有优势。

HR:咁点解你当初选择读计算机咧?

我:因为我想读数学

HR:读数学可以有好多专业嘎,唔一定系计算机。

我:因为我当时个分未够A线~B线里面只有英文同计算机。而英文系冇数学学嘅。

HR:哦。 咁请问点解你上一份工要辞职咧?

我:因为我想做计算机。

HR:除佐哩个有冇其他内在原因咧?

我:冇啊。

HR:但女仔做计算机好少个啵。你觉得你比其他人有D咩优势咧?

我:厄!。。。(沉默...)我系读哩个个囖

HR:好多应聘者都系读计算机。哩个唔算咩优势。

我:我做野会思考得多D...(哩个问题系我成个面试之中最难答嘅问题!!!)

HR:例如咧?举个例子...

我:厄...  例如咁啦,系一D好小嘅事。岩岩入去Mo嘅时候,好多新人都系人哋讲咩就听咩,好少会提出问题。而我当时就问到我team leader唔知点答我。其实我唔系专登为难距~只系我霖到嘅问题太多,太多唔明了,未接触过。(我知道自己咁答非常有问题,但总比答唔出好!!个人认为)

HR:咁你当时问佐D咩问题啊?

我:er...  咁嘅。我哋工作系用2个mod嘅。我当时问我上司,点解个鼠标唔使按任何快捷键就可以直接移到另外一个mod度囖。

HR:哦...  咁仲有咩问题?

我:er...  例如我哋做单嘅时候,系create bill of lading, 我问我上司,点解要分top left 同 top right囖。

HR:喔!  咁后来哩D问题你得到答案未啊?

我:知道啦。系后来嘅工作中慢慢领悟出来嘅。

 

HR:咁除佐哩D之外,你仲觉得自己有咩应聘优势咧?

我:同应届生比较,我多D工作经验吧。

HR:但你嘅工作经验先一年几,算唔上咩工作经验...  虽然系比应届生强少少

我:都算经验吧 !  (撞鬼你...  哩位HR真犀利!!! )

 

HR:听讲你系认识我哋嘅一位同事嘅。咁你有冇向距了解过我地公司咧?

我:有嘅。但唔算太深入了解。

HR:咁请你讲下。

我:我个人理解啦。贵公司分几个部门--海运部、小语种仲有就系我而家应聘哩个部门。

HR:咁你对我哋公司系做咩嘅有冇了解?

我:er..其实我唔系太清楚。我讲下我理解。我觉得贵公司系属于一个第三方嘅角色,去为其他公司完成一个项目。

HR:唔系一个项目,系一个项目之中嘅一部分。

我:即系话一part?

HR:冇错。我哋系做数据外包嘅。我哋公司系会承包其他公司项目嘅一个环节来做。其实好多公司都系固定嘅。例如你申请嘅哩个部门就系长期为英国嘅#¥#¥@#公司做数据外包

我:哦。明啦而家。

HR:其实我哋公司分4个部门¥@#¥%#¥%#@@#

我:咁请问我哩个职位系属于第三定第四咧?

HR:第三个。

我:哦。原来系咁。

 

HR:拿我觉得shirley你毕业一年啦,之前做嘅工作又唔系计算机嘅。甘对于计算机嘅嘢都丢淡晒了挂?

我:对于编程果D会有少少丢淡。但基本嘅结构一睇翻书好快就记得翻。对于excel等office软件,以前工作中会成日用到。

HR:我睇过你简历啦,你系学vb嘅,咁请问你有冇用果#¥@#哩个软件咧?

我:冇啊,未接触过。

HR:但哩个软件系工作中会经常使用个啵!

我:我可以尽快学识。(我读4年计算机都未听过嘅一个软件...撞鬼囖!)

HR:我哋嘅工作中会经常用到统计嘅工具。但你都冇接触过;而且我哋嘅工作量比较大,要经常加班。你觉得你系咪唔系咁适合哩个职位咧?

我:我以前嘅工作都会用excel同基本嘅office软件嘎。而且以前公司,由于经常处于物流旺季,都会加班。

HR:最夜加到几点咧?

我:10点或者10点半。

HR:但我哋试过12点,甚至会3点个啵

我:果D系好少数吧!

HR:我个人觉得女仔应该做翻D轻松D嘅工作。成日加班对女仔来讲唔好嘅。你觉得哩份工作经常要加班你可以胜任嘛?

我:厄... (大脑转得好快)  我个人认为啦,一份工最重要嘅系兴趣,其次先考虑其他因素,例如加班哩D。要最先考虑兴趣囖。

HR:嗯...  (终于唔再纠结哩个问题啦!!!)

 

HR:咁请问点解你要应聘我哋哩个职位咧?

我:因为我想做计算机嘅工作(哩句话我答过好多次啦)

HR:咁计算机有好多其他嘅工种,点解偏偏要拣哩个职位咧?

我:因为我嘅专业系信息#¥##@,主要系对数据嘅处理。所以哩个职位好适合我。

HR:咁点解你唔去做其他计算机嘅工作咧?

我:(囧囧囧)  咁嘅,一般嘅网管我又唔够网络专业专;软件测试又唔够软件工程学得深入。所以我觉得自己做哩个职位系比较合适,因为我学信息处理嘎嘛。

HR:咁你之前有冇面试过其他计算机嘅工作咧?

我:有啊。

HR:可以讲来听下嘛?

我:我面试过项目监理管理方面嘅工,仲有一份为客户编写软件、最后调试嘅工作。

HR:咁点解冇做咧?系冇选上?

我:唔系。系我冇签约

HR:甘点解唔签约咧?

我:因为距嘅待遇唔好。

HR:具体咩待遇唔好咧?

我:¥#¥%@¥#@

 

#¥!#¥#@#@#@#

距仲考佐我好多好多嘢~唔11列举了~~(我甚至霖,我几次俾距侄到沉默,距会唔会唔俾机会我进入下一part了???)

 

HR:拿咁下面落来先同你做一个笔试。请稍等。。。(走佐)

 

一个人 一间室...

 

5分钟后...

有个短发嘅女仔俾佐张A4纸我

距问:你有冇带笔嘎?

我:有啊~ 

距:咁笔试嘅时间系20分钟嘅。你根据题目来作答,写系下面空白嘅地方。

我:唔该晒你啊!

距走佐

 

开始作答...

系一封英文嘅mail,基本上睇得明。比mo日常嘅mail长DD,但冇咩难度。

不过距下面题目嘅要求就有D麻烦!

基本架构霖佐下就OK啦~个脑霖好个大纲就动笔。

好亲切嘅感觉。confirm receive

#¥¥#@¥@

特别最后best regards  shirley mai果度

有D感觉自己仲系mo

俾越南佬催嘅feel...

晕倒...

写完晒..

仲剩8分钟...

四周围望下...霖下  算啦,检查下啦!

将所有at改成within

原来自己之前冇认真审题!

好多中文都系:15:00之前。不早于10:00

但自己就求其用晒at!

 

点知过佐20分钟之后仲未有人收卷...

呆坐ing...

 

再多几分钟

之前个女仔入来收卷。交佐俾距之后,距就帮我打开台notebook  系thinkpad ibm 好常见嘅机 上面写住interview 咔咔

 

距帮我copy 佐份机试卷  改佐我个英文名save佐系桌面

距:拿而家开始机试,时间系30分钟

我:咁请问后面系咪吉嘎?(我指住后面嘅sheet)

距:哦系嘅!12345,一共5题,你可以唔按照顺序做。

我:好嘅。唔该晒你啊!!

 

距走佐.....

我心霖,唔知今次会唔会又推迟收卷咧?希望啦!

唔霖甘多啦!5题啊!全部鸡肠!!仲要系07英文版~抓紧时间!!!

第一个sheet叫count

虽然叫count  其实系考完count 再考if嘅.... 

我寻晚只恶补过count  if咋!咁分2部来做啦!咔咔

第一小题好简单,一个auto filter就搞掂!  填个19落去!

第二小题有D纠结!唔知道点样表达将blank变成0!!

只好用完auto filter之后再用if来搞掂!  33  搞掂!

 

下一个sheet~

考if

哩个比较简单

好快OK

 

第三个sheet  vlookup~

老子一晚速成嘅“强项”!!!

唔使3分钟搞掂!开心!!谢谢伦爷!咔咔咔~~~

 

第四个sheet combine???

乜combine都要考啊?

审佐几次题 貌似好简单喔!

于是用果个合并单元格嘅键啦!点知点都combine唔到!死warn我话单元格格式唔match唔可以combine!!!

激死啦!改晒D格式都唔理我啊!!

最后放弃!!!

 

最后一个系唔知p乜鬼table(到而家都悟唔到个中文!)

都系乱七八糟唔识搞!

 

勉强做佐3题~睇下时间!仲有8分钟!

再检查下!

撞鬼囖!原来个if下面仲有一小题!!

讲空白嘅单元格变成黄色!

于是按住来做啦!

点知!!

点知反晒色!蓝色变成黄色 该黄色又变成蓝色!

不过总比冇做好挂!搞唔到唔理啦!!

 

尽力 努力做ing 

 

刚好够钟

HR就入来睇我做成点啦!

(心霖,哩个就咁准时,晕!)

 

距睇佐我5个sheet之后

问佐下边D识得做

叫我再等下

就走佐啦~~

 

等下?

等边个咧?

应该冇嘢要考了挂!!

 

自我放松ing。。。

应该好快可以走啦!

 

等佐大于10分钟啦

一个用其他人嘅话来讲  属于身材刚刚好嘅男入佐来

距:你好,我叫ivan

我起身

距:你坐啦唔紧要

跟住过来睇我做嘅题目

我:我只识得做3题咋!(指俾距睇边3题)

i:喔 唔紧要 (研究紧count sheet)

我:第一小题我系用auto filter嘅  第二小题我用佐if 再用atuo filter~我唔识一步搞掂啊

i:哦!唔紧要。你学编程都知啦!过程可以好多,结果一样就得啦。第二题应该咁做会快D  (countif #¥@#@#)

(我心霖,我学佐count 学佐if  ,就系冇学countif ,囧啊囧啊囧啊!!!  excel白痴原形毕露啦!咔咔咔 )

 

跟住到combine sheet

原来系用一个函数来实现嘅!之前仲以为系用合并单元格添!

 

更正系果个乜鬼table

距又粗略教佐下我~同我之前预想嘅差唔多啦!嗯嗯~~

 

跟住我好老实

我话:哩个蓝色同黄色我反转佐..

i:哦其实哩个系甘嘅 ¥%#@¥

搞左3次都唔出效果

i:er...  哩题嘛  一阵叫果位同事教你啦  哈哈  我都唔系好识

我:...

 

跟住i就坐佐系我对面

i:你先作个自我介绍啦。

我:¥#¥!@¥

i:咁我问你个问题啦,你作为一个女仔,点解要做计算机哩行咧?

我:因为我想做翻自己专业囖

I:甘当初点解你会选择计算机咧?

我:因为我想学数学囖。

i:哦。咁啊。甘听讲你识得啊ray嘎啦,咁你有冇向距了解过我哋嘅工作咧?

我:系啊。我哋系大学同学。据我个人理解,我觉得哩份工系做数据处理嘅。@##@¥@#

i:哦。或者HR唔太了解我哋嘅具体流程啦。其实系咁嘅@¥#!@@#@! 我哋需要用到一个软件叫#¥#@,相信你未听过吧?

我:系啊,未接触过。不过我应该可以好快上手。

i:嗯。咁我本人就冇咩问题要问啦。甘你对公司或者工作仲有冇咩问题咧?

我:我想问下具体工作会应用到边D软件咧?

i:¥%@#¥

 

i:哦!我唔记得佐睇你嘅笔试!(快速浏览,1分钟内搞掂!)

i:你嘅英文写得都唔错。请问你系... 商船... 

我:噢系嘅mol

i:系咪就系楼下11楼?

我:系啊,呵呵呵

i:哦!甘你系楼下嘅工作环境系点嘎?

我:书面同口头术语都系全英。计算机系统都系全英嘅。

i:哦。明白...

 

¥%#¥@#

距走佐...

 

等待...

我系咪走得咧?

接下来我要做咩咧?

距哋系咪遗忘佐我啊?

-_-

 

等佐10几分钟之后

有个高高瘦瘦嘅男入来

距:你好我系%#¥#   系哩个team leader

我:哦你好!

距:等我睇睇先...  (睇我果5道题)

(我好老实咁交待佐果2题系ivan做出来嘅...)

距:哦唔紧要。ok嘅...

 

又坐佐去我对面...

距:你做个自我介绍啦~

我:#¥#@#!@#!@

距:我想请问点解你一个女仔会去做计算机嘅工作嘅?

我:因为我读计算机 我希望做翻自己专业  (俾人问得多  感觉有D似真心话大冒险了~~~哈哈)

距:哦甘啊。  咁请问你以前嘅工作环境系咪多数系英文噶?

我:系啊。计算机, 书面同专业术语都系全英嘎

距:哦OK。   #$#@  咁HR应该仲有D嘢同你倾下嘅  请稍等

我:哦好嘅。唔该你啊!

 

等...  5-10分钟之后

HR敲门

HR:#¥#@¥#@#  shirley咁你讲下你嘅期望月薪啦

我:2-3千啦

HR:可唔可以俾个确切数字咧?

我:咁啊,咁取中间数啦

HR:2500

我:系啊

HR:我系指转正之后嘅期望月薪喔!

我:都系差唔多啦!

(死蠢!我真系死蠢啊后尾霖翻...)

HR:哦咁我地会系下周内通知你面试结果嘅。咁我而家先送你出去先啦。

我:好啊,唔该晒你!!

HR:唔使...

 

 

终于OK啦~~

直奔电梯!

试下按11楼!真系唔得个喔!

按唔到第二个1啦!

呜呜呜...

 

于是只好落1楼再上11楼...

唔敢系8楼出因为怕荡失路!!!呜呜呜

 

 

关键词:面试

作者:麥嘜

《札记2...》


下一篇:没有了

最 新:
没有其它新的作品了

更多麥嘜的POCO作品...

评论