×

新导航介绍,点击查看

中秋假期澳门之旅

发表日期:2011-09-14 摄影器材: 奥林巴斯 E-PL2 景区:澳门,新葡京,大三巴,渔人码头 点击数: 投票数:

旧年就已经签咗澳门嘅通行证,可惜一直都未有机会去,直到就来过期(9月27日),终于係中秋节假期踏上咗澳门之旅,虽然只係得一日,哈哈!今次可以得到我朋友嘅全力支持(做免费导游),所以我地可以好顺畅咁去咗好多地方。

首先,我地过完关就直接坐赌场嘅车来到新葡京,终于可以见识下赌场嘅风采了(真係好似山佬出城咁)。我嗰个朋友,典型嘅90后,睇人赌钱睇到入晒迷。最后佢都係忍唔住,换咗筹码。买大细,可惜一轮就输咗三百,搞到佢心痛死。哈哈!最衰赌场里面唔可以影相,为有係出面影几张啦。



係新葡京我地停留咗好短时间,就係朋友嘅带领下,行住澳门嘅街道前往大三巴。途中我发觉,澳门嘅的士真係几酷下,唔似得我地广州嗰啲咁死板。



係手信街,90后又停唔到手,买咗好多所谓嘅特产。唔使我讲,大家都知咩回事啦,肯定所有嘢都放晒入去我后面嗰个包度,受罪嘅始终都係我。不过睇到佢吃猪扒包嘅样,真係几好笑。不过呢个澳门出晒名嘅猪扒包,其实都係一般般而已,面包大大件,件扒就。。。。连我朋友之前来过吃过,都话无以前咁好味。



一个猪扒包我地就当午餐了,吃完终于来到大三巴,好彩个日人唔算太多,影相都几顺利下



牌坊后面原来有个平台可以比人上去参观,不过係镂空设计,有畏高嘅、着裙嘅就千其唔好上去了,哈哈,大家明嘅!



一场来到,我朋友话点都要试下澳门公交车嘅,啲站牌几有创意。睇下我,唔单止包里面有,而且两只手都拿满晒,真阴公!



我地坐公交车下一站就係渔人码头,可惜天公不作美,落车嗰时竟然落起雨来。不过就算落雨,都难唔到我地嗰个超中意影相嘅90后,睇佢几粗鲁。仲有一点,佢帮我地影相,完全唔使理我地嘅感受,人地都没准备好,佢就已经影咗了,真係快门快成咁。



行完渔人码头,我地又坐上赌场嘅免费巴士前往威尼斯。来到威尼斯,发现场面比新葡京仲要壮观。今次真係忍唔住了,我地偷偷地影咗几张相。我朋友仲要将我玩老虎机嗰时影咗落来,我只係玩咗20蚊。



玩完老虎机,当然就係去大运河购物中心啦,去嗰度其实唔係购物,而係去欣赏嗰度嘅天幕、人工运河。个天幕真係好靓,虽然我嘅摄影技术好一般,甚至只能算係影相,唔可以叫摄影。但我真係好欣赏帮我两个朋友影嗰两张相。




呢条大运河,一样有艇仔坐,有啲似广州嘅新荔枝湾。我地睇到价钱118蚊,以为係一条船,唸住一场来到,试下啦。点知睇真啲,原来係每位118大元,唉!承受唔起,90后就只有係桥上面望船轻叹咯!



今次嘅旅程,我地一日之内行咗好多地方,虽然好攰。不过都係轻松、愉快嘅,尤其是一个男仔,有两位美女陪同,就更加开心了,哈哈!



完!

作者:西关大少

《中秋假期澳门之旅》


下一篇:没有了

最 新:
没有其它新的作品了

更多西关大少的POCO作品...

评论