×

新导航介绍,点击查看

我又整篇2007回顾先。

发表日期:2008-01-06 摄影器材: 点击数: 投票数:

今晚见到好多人都整咗07嘅回顾。。我又整下先。呵呵

           2007一年里面。都大大小小发生咗好多事。。

               先从动漫界讲下先啦。。今年非常幸运。好偶然嘅机会下。认识咗唔少新朋友。。佢哋都来自全国各地。真係好幸运。不过係最近嘅全国赛里面,由于时间关系。自己去唔到睇佢哋演出,真係有点可惜。希望迟下可以见到你哋啦。哈哈。。真係好感谢圈内认识我嘅人。多谢佢哋比咁多机会我,可以让我认识到咁多强人,可以比我影到咁多强队伍。。不过有点惭愧。。我影cos的相貌似很少搞后期,反而人像会花下心思搞搞。这方面我会改进下的。呵呵

              然后讲讲学校嘅情况。我觉得比较混乱嘅。。上半年还好,不过自己做得非常不足嘅,多课到扒係度,搞到无乜时间教导班干事。係我错,我教唔到你哋D咩,我唔係一个好干部。对唔住啊,咁多位。。然后下半年一嚟就新生军训,跟住招新,然后换届,因为换届。我哋D“老人家”要退休。。本来都无咩特别,但係上面突然“政变”搞到人心惶惶。。大家都措手无策。。。呢段时间发生嘅嘢就多啰。搞到火气暴升。入学咁耐都未试过闹咁多人。未试过係学校里面咁大声讲嘢。。无办法,因为当时比较急,假假哋曾经付出好多心血係个会度,也曾经同咁多位干部搞到好风光,如今搞到有点堕落,咁嘅时世都唔出嚟仲係人嚟嘅。。。不过点都好。最终都比较顺利过渡。以后个会点,就靠新干部们嘅努力啦。。希望可以重振声威啦。。。呵呵讲完红会,讲讲摄影协会先。话说係摄影协会里面我咩都无。最多算得上一个师兄而已。不过06嘅新干部佢哋好好。好尊重我哩个咩都唔係嘅师兄。呵呵。多谢你哋咁多位啊。

              华软就威啰,今年仲搞个集体婚礼。威尽啦。。。咁多人里面。我同某帅都算专业啰,爬上爬落,追车。。咩都做齐。。仲过咗个比较悲哀嘅夜晚添。。哈哈。。当时真係想敬礼架。。(听住再见警察。)

                   好啦。最后讲讲自己摄影先。哩一年里面。觉得自己理智咗,起码多用脑,多反思咗。讲进步嘛。我自己觉得进步可能唔大嘅或者可能好大自己都唔知。不过自己傻傻哋一年里面搞掂咗两个摄影方面嘅证,或许个证无乜用,但可能佢哋係一个阶段嘅见证啰。我要多谢教过我摄影嘅咁多位老师架,当然仲要多谢咁多位摄影嘅朋友同被我摄过嘅model啦。

              07年。要感谢嘅人真係很多。要数真係数唔晒。嘻嘻。如果你哋睇到。就肯定有你哋份,你哋睇唔到?唔紧要,都有你哋份嘅。哈哈

                     最后容许我特别多谢一个人。。佢就係我最近先认识嘅师妹。第一次可能係学校沙面外拍见过。不过当日我貌似走咗三场。所以有乜人都唔记得啰。第二次就石围塘啦,当时我都仲未知你係华软嘅,仲一直无乜嘢讲,不过后段时间比你用条毛毛草聊聊,又觉得你几得意喔。仲几好倾添。不过坐翻船过沙面嘅时候,你嘅“九阴白骨爪”抓到咁实,几乎比你吓死。因为真係抓到有点痛。。哈哈。我都係第一次比人抓到咁实。如果你係做戏,我第一个颁最佳女主角比你。哈哈

                第一次同你合作就係广美。不过当然有点弊。自己好似过于紧张,其实唔够训的。然后大家状态不佳。不过估唔到又出到几张唔错嘅相喔。你算犀利架啦。我都未试过帮人整相咁有心机嘅。其实果几张相我反覆整咗好多次。搞到成五点先整好架,鬼叫自己唔熟手咩。不过其实自己睇翻都仲係有唔满意嘅,但係无继续搞啰。因为越搞越衰可能仲弊。

               第二次合作D相嘛。。还没得闲搞。。考完试啦。。我一定整好佢嘅。。哈哈。。

                   其实我唔知点解咁大感触架。或者你可能係我今年嘅转折点呱。而家注重咗好多后期工作,虽然都系一般,不过感觉比以前好咗嘅。。仲有我好似同你讲过。唔知点解对住你D相特别好心机搞嘅。。真係搞笑。。。

          仲记得某日你问过我最难忘嘅md係边个,当时真係考起。。。不过而家再答,你都真係几难忘啰。。。哈哈

           无啦啦都写都咁多。。够晒难忘呱?嘻嘻。。多谢你啊LL!不过点都好。我觉得你唔应该放弃学习架,希望你可以振作啦。。。

                          唉07过完。08开始咗几日了。。。。。希望08年各位身体健康,开开心心啦。。。。同时希望我自己嘅初步计划可以一一完成。。当然希望自己可以更进一步啦。。。呵呵

 

                                 好。。发傻完毕。。。写完一篇流水帐。。。。

             

             

            

  评论这张
转发至微博
转发至微博

作者:椰子

《我又整篇2007回顾先。》


下一篇:没有了

最 新:
没有其它新的作品了

更多椰子的POCO作品...

评论