×

新导航介绍,点击查看

广东官话《出师表》

发表日期:2011-10-03 摄影器材: 佳能 Eos 1Ds Mark III 点击数: 投票数:

我同你讲,你伯爷捞世界捞到一半就拉左柴。宜家个场又分为三忽,益州又就快俾人掠埋,伽下真系几大锅。好彩你老豆班靓够姜,劈起友来唔要命,你估佢地为你呀?!俾面你老豆咋!所以唔好话我话你丫,识谂就的起个心肝搞好个社团佢,咪搞到你老豆死都唔眼闭丫。唔好成日以为自己成只狗咁,班契弟个个都睇你头嘎,唔好俾面唔要面! 屋企同场口都系你地头,边条死铲唔识做就打7佢,千祈唔好就住就住。下面班靓见到就无晒野讲啦!好似丧郭啊、老董啊、费爷啊都系你死鬼老豆D手足,得闲就同佢地斟下,无坏嘅。向宠条契弟虽然霎下霎下,但系死得佢又几识捞,你死鬼老豆旧时都几睇重佢嘎,至所以班人都认同佢出头话事。有时间同佢饮下茶,有着数实会预埋你。知唔知先汉点解咁风生水起,就系因为班废柴俾人踢窦劈友斩晒!后汉之所以无运行,就系班衰人茂利个个捞偏门捞到风生水起。你个死鬼老豆次次同我讲翻起,真系丧到头都白晒兼夹憎死阿桓、阿灵果两条粉肠。啱啱讲嘅你老豆班靓都系D够晒忠心义气之人,望你当佢地系手足信晒佢地,咁你家族盘生意想生翻就话都无咁快脆啦!唔怕同你讲,你世伯我原先系南阳耕田嘎咋,个势立立乱,好彩就话执翻条命仔,谂都无谂过出来行。难得你死鬼老豆唔嫌我缩骨,三番几次走黎痴饭食,问哩问路,你老味仲烦过伯爷婆,我顶佢唔顺唯有出黎陪佢捞世界。后尾俾人劈我出去顶,俾大耳窿追数又系我出去顶,顶下顶下都成廿年有一咯。 你个死鬼老豆知我有料,死唔断气就话要交晒D生意俾我。日又捱夜又捱,又惊死捞得唔好俾你老豆半夜出黎揾我,咪系五月份带班靓过泸海,果忽地呀毛都唔多条!宜家下好啦,南边个场俾我地摆平左,班契弟又揾晒架撑,正系时机好去劈友。边个扑街唔死远D就斩开佢十八禄,掟落咸水海喂鲨鱼,将我地个场攞晒翻黎。呢D都系世伯报答你个死鬼老豆同埋做细嘅本份。其他果D有无数为、冬瓜豆腐、讲耶稣D野,就系阿丧郭几条友嘅职责啦!  世侄,我帮你劈埋今次友,捞唔惦你就拉我去拜祭你个死鬼老豆。如果个场口唔够旺,就去柄臭丧郭果几条茂利。其余你食自己多D听人交呃7喷喇。  我就走嘎啦,写呢篇野真系写到成壳眼泪鼻涕,都唔知写紧乜,你自己执生。

作者:泡影一客

《广东官话《出师表》》


下一篇:没有了

最 新:
没有其它新的作品了

更多泡影一客的POCO作品...

评论