×

新导航介绍,点击查看

他会一直对我好吗?

发表日期:2011-11-27 摄影器材: 三星,G580E 点击数: 投票数:

 

            呢段时间依然好忙~真是好忙!不过一直都好想写日志,想记录低好多特别的事情,总觉得好似拍电影咁~好多事情都唔太真实,不过又实实在在发生了。希望会好似电影里面的好片咁~最后是大团圆结局的啦!

            大概8月份的时候,我同之前拍左一个几月拖的男仔的哥哥见面了,因为介绍他去录歌,所以从果次开始就慢慢开始接触啦……
            我从来都唔觉得我地会有可能,毕竟自己细佬曾经一齐过的女仔,点都会尴尬的嘛~~~从果次见完之后,8、9月份就经常约出来吃饭倾计……果阵我先可以察觉到一d野啦!开始我以为他想帮他细佬报复呢……依家淋翻起都觉得好笑~~~O(∩_∩)O哈哈~
 
            因为我同他细佬拍拖果阵经常吵架,而且最后大家是不欢而散的,所以我当时就估,他肯定是想报仇,否则之前自己细佬的女友,又点会追呢~如果大家只是好有义气的兄弟仲讲得过去,但是他地是亲戚之间的兄弟喔!所以我就更加怀疑啦~加上他地仲一齐开铺头添!相信任何人都会起疑心吧~所以我都唔例外……
            不过后来慢慢相处,沟通左之后就发现,是自己淋多左遮……毕竟我同他细佬先拍拖一个几月,感情又唔深,值得咁浪费时间去报复咩~而且相处之后都发现他绝对唔是d咁噶人……O(∩_∩)O哈哈~只是自己钟意胡思乱想遮~~~
 
             他是一个好细心好体贴的男仔,而且同我的思想非常相似的一个人,基本每个方面都符合我钟意男人的条件,除左一点,太瘦啦……睇上去,我肥他好多呢~~~呢一点是最唔好的,完全唔成比例,加上我钟意肥d的男人,咁样更加有安全感呢!!!可惜增肥对他来讲,实在太难了~到依家都未见到效果喔~呜呜~~~~(>_<)~~~~
 
             我地是10月5日开始噶……虽然无讲出口,不过他拖我手果日,我就当果日是噶啦……(*^__^*) 嘻嘻……从果日开始,他一直都对我好好,好体贴好大方, 基本上咩都就晒我噶……我第一次觉得原来拍拖真是好甜蜜好开心噶喔~以前每次拍拖都好多烦恼,觉得两个人相处超级难~所以次次一个半月就告终的。今次我同他已经一个多月了,感情依然好好的,希望呢部电影会一直演落去啦……
             然后好快就到左我24岁生日啦~10月23日。我咁大个女,每年的生日都无试过单独同一个男仔过的~他是第一个呢~我同他过生日都是无庆祝的习惯,虽然简简单单咁吃个饭,不过我都已经觉得好开心呢~(*^__^*) 嘻嘻……
 
              而且我同他的生日都非常近,我23号,他就29号的。他送给我的生日礼物是一大束百合花,而且是送去我公司的喔~我身边的同事都羡慕死呢……真是超级大束喔~好香好香~他话觉得百合高雅,有气质,所以送百合。送完之后,他问我其实钟意咩花?我话,其实我钟意最普通的粉红色玫瑰,他就话玫瑰好俗呢~然后我话,但是我钟意窝~虽然普通d~他就话,可能就是因为咁普通,所以好似你咁~特别得人钟意!然后我地好开心咁笑了……O(∩_∩)O哈哈~
大家睇睇束花啦~~~(*^__^*) 嘻嘻……


 
               至于我送给他的礼物,是我咁大个女第一次送出的,全部都是我亲手做噶~做左两个几星期呢~好艰辛!好复杂噶喔……我身边做过的姐妹,都知道有几难呢……就是做左一个音乐盒给他啦!我记得他讲过,他好钟意白色的钢琴,所以我特意做左个白色的钢琴呢~大家睇到图片,唔好以为好简单吖!里面的每一样嘢都是自己亲手做的,全部图案木板都是自己动手贴噶~~~做到双手都粗糙呢!希望他会懂得我的心意啦……(*^__^*) 嘻嘻……
 


                简单又开心咁过左我地的生日……然后平时就同其它情侣一样睇睇电影吃吃饭~~~其实只要大家见到面,就会觉得好开心呢~而且我心里面会经常挂住呢个人,以前都唔会咁噶……今次真是感受到恋爱的感觉噜……好开心呢!
                因为拍拖,基本上星期六日都会见他的,所以呢一个几月已经好少去做兼职噜~基本只有熟客主动稳先做,自己唔会再发资料去做野啦!呢d都是熟客介绍的job啦……因为我日日都想多d时间去陪他呢……其实咁样会唔会唔好呢?我好怕自己陷进去之后,到时抽身会抽唔到呢……不过都是唔好淋咁多啦!跟住心走就好了……
 
                其实我都想带他给妈咪爸爸见见的……不过始终觉得太快了~加上我觉得他对我虽然好,可惜唔够认真,无用心去爱。因为我有一次发左首歌给他听,我好钟意的,里面的歌词同我地有d关联,然后他答应我,话晚上上QQ收来听,而且第二日他都唔洗上班,早上听其实都可以,不过他无咁做,结果我晚上问他好唔好听的时候,他就不停道歉,话忘记了。我心里面觉得好难过的,如果一个人在乎你,你讲的野,他一定会记住,而且答应了,一定会去做,而他的借口居然是忘记了~~~所以我当时觉得他无用心去对待。我平时同其它男仔讲,人人都是马上就会听,然后同我分享感受的,但是他……
                 之后我原谅了,跟住第二日我发做咗个微电影同我地的合照给他睇,我又再次提醒他,然后晚上他答应买完宵夜翻去就睇,结果到第三日中午上班,我问他的时候,他都是无睇,我当时是真是好失望,甚至怀疑呢个人究竟是唔是爱我的?他花左几多心思落我身上呢?一次是咁,两次都是咁,而且连续隔咗咁多日,提醒左咁多次,都唔去睇喔……我遇到的男仔,就算是朋友都未必会咁对待,如果是其他追我的人,就更加唔会~~~因为我一直觉得,如果钟意一个人,就会想去了解他更加多,希望会同对方有更加多的话题,所以他同我分享的嘢,我一定会去睇,而且想最快去睇添!可惜他无……
                 直到第四日,经过前两日我闹完他之后,他终于睇左啦!我都扮到无事咁原谅他,不过我已经记住呢件事了~或许个个男人追到手之后都唔会好好珍惜的吧……至少系以后的日子我会更加留意他有无用心,如果无,我可能会选择放弃,即使我爱他。因为我知道我需要一个用心去爱我的男人……
                加上我咁大个女,从来都未带过男朋友翻去的,所以真是唔敢咁轻率呢~~~而且我妈咪对我男朋友期望好大,我知她是为我好,所以一直希望我男朋友能力比较强,能够给到充分的物质生活给我的。我知道他是有上进心的,不过如果马上见到我妈咪爸爸,我怕会给他好大压力呢~~~所以都是我同他发展得好d~再迟d先算吧!也许只要他对我好,妈咪爸爸就会钟意呢……
 
                 除咗上面发生的呢件事之外,其它嘢他都做得好好的,好迁就我,好锡我噶……所以我都唔应该因为一两件事而掩盖晒他d优点同努力噶~~~希望他都会体会到我对他的在乎啦……毕竟感情唔是一步可以到位的,感情是需要经营噶~时间耐咗,或许我地就会更加在乎更加爱对方吧!
 
                我从来都未试过去爱一个人,而我觉得自己根本唔懂得如何爱,但是我又发现自己已经慢慢爱上他了……而且逐渐逐渐~越来越深了……
                我又好惊,好怕受伤害,好怕出现问题,好怕他突然会离开我,因为我身边好多姐妹都讲,男人系热恋期会对你好好,时间耐了,就会变质,就唔会好似以前咁珍惜你噶啦……所以我总是好怯~~~不过我一直同自己讲,唔好乱淋啦~尽力去爱就好了~唔好去淋结果先,到最后结果自然就会有的了……
                好啦~呢排的近况就汇报咁多先啦!希望今次的恋爱会顺顺利利,开开心心,唔会再按月计算,而是按年计算啦……(*^__^*) 嘻嘻……
关键词:三星恋爱体贴g580e生日

作者:思思

《他会一直对我好吗?》


下一篇:没有了

最 新:
没有其它新的作品了

更多思思的POCO作品...

评论