×

新导航介绍,点击查看

我和他的点点滴滴2

发表日期:2012-03-16 摄影器材: 索尼 点击数: 投票数:

 

              系讲我同大沐的点点滴滴之前,首先讲下自己的近况啦……最近我终于可以完全休息啦!因为2月中旬我就正式辞职噜~~~然之后一直到依家都无点做嘢,日日系屋企训觉,有时又出去吃饭玩乐。每日都过得好休闲好舒服吖……无咩烦恼日日都开开心心的~~~真是好正!!!所以我决定要好好放个长假,然后再努力打拼吧!

            不过放长假之后先发现,原来身边个个朋友仔都要翻工,根本无人陪我玩呢!所以其实都几惨噶~~~有时间却无人陪我玩噜!!!O(∩_∩)O哈哈~不过我一直都好钟意做宅女,依家终于有机会啦!感觉真是好鬼死舒服呢~~~日日妈咪都煮好味的嘢给我,然后日日都可以训十几个钟,仲有差唔多隔日大沐就过来陪我玩,平时就上上网睇睇电影,有人陪的时候仲去疯狂购物添,简直就是高级享受吖!我真是超级幸福喔!(*^__^*) 嘻嘻……

            依家我的生活出现最多的人就是他啦!我身边发生的事大部分都是围绕大沐的,所以全部记录的都是我和他的点点滴滴了……依家是第二篇我和他的回忆噜!唔知他系我生命中会记录几耐?几多篇日志呢?

            回忆录又开始记载啦~~~所有难忘的事情都将留低痕迹的。

 

    2011年12月31日,呢日我要去东莞做嘢,所以大沐就等我翻来,然后陪我吃宵夜,跟住一齐倒数啦!(*^__^*) 嘻嘻…… 而且呢日大沐仲补送翻圣诞礼物给小沐喔~~~大沐知道小沐钟意影相,所以买咗部“即拍即有”的相机给小沐啦!而且果日马上就影咗好多张相呢……

   我手上拿住的就是相机啦~~~不过d菲林好贵噶喔!



 

用新相机影的相相喔……好得意~~~到时可以放系荷包呢!


 

 

  正式迎接新的一年,开始大沐和小沐的2012啦…… 

    1月15日,今日是大沐的大日子喔!因为小沐终于肯带他见妈咪爸爸噜……嘻嘻~小沐咁大个女第一次带男仔翻屋企见家长噶咋!有d惊惊呢!来到之后,参观咗一下我屋企,特别是我个混乱的小窝之后,就一齐去饮茶噜~~~吃得好饱好饱吖!最后妈咪爸爸都好满意噶~~~最主要的原因就是我经常系妈咪爸爸面前美言几句啦……O(∩_∩)O哈哈~

  大沐买咗好多嘢过来孝敬妈咪爸爸噶喔……都是小沐教的呢!哈哈~


 

 

     1月18日,呢日是大沐悲惨的日子喔~~~因为大沐应承我的嘢无做,而且已经给咗差唔多十日的时间他喔~结果大沐都唔记得咗做,所以真是抵惩罚他吖!最后罚咗60次娶我的机会…… 

     之前大沐同小沐约法三章,每次经过夹香蕉公仔的游戏机时候,就用1蚊买银币去夹公仔,如果有一次夹到,小沐就嫁给大沐的,每次经过只能够玩一次噶咋!有100次的机会。 本来大沐仲有97次噶……但是因为之前他应承我,会查出“我很快乐”呢首歌的歌手名我知,而且打赌50次的,点知他完全无咗一回事窝~~~本来淋住睇日就罚他的,但是因为见唔到面,我怕他出蛊惑,立即上网查,所以就给咗咁多日时间他呢!加上我仲故意改手机铃声提示他噶~~~但是结果大沐都是完全唔记得咗呢件事。所以就罚咗50次啦……O(∩_∩)O哈哈~

     最抵死的是,我讲完答案给大沐听之后,而且仲解释咗歌手个名字添噶喔~~~隔咗一个钟再问翻他,他又完全唔记得啦!所以又被罚咗10次啦!绝对抵罚啦……无心装载!(*^__^*) 嘻嘻……

    总括来讲,大沐罚咗60次机会之后,应该是无可能娶到我噶啦!无咗个咁好的老婆呢~~~抵死!抵死!抵死!O(∩_∩)O哈哈~ 

 

     1月20日,今日是年二十七喔~~~过多几日就过年啦!我同一班朋友仔一齐组织去花街摆摊,打算卖d头饰,赚个新年财呢!然后大沐就免费义务咁来帮我手啦……(*^__^*) 嘻嘻……

    果日好冻吖!大沐一直系我身后睇住我,帮我拿嘢。辛苦晒他噜~~~闷咗他成日啦!不过陪小沐窝~~~所以是值得噶!O(∩_∩)O哈哈~ 

    睇下大沐个傻仔样啦~~~哈哈!始终都是小沐最靓……


 

     1月25日,小沐要去见大沐家长噜!又怕又惊!早早就起身化个靓妆,带齐d拜年礼品,然后浩浩荡荡咁出发噜……O(∩_∩)O哈哈~明知d嘢重噶啦!点知去到仲要等咗一阵,大沐先出来接我喔……哼!激死本小姐啦!不过唔可以影响我见家长的心情噶~~~O(∩_∩)O哈哈~

     d车厘子拣咗好耐噶啦~~~进口,大大粒噶……仲有其它年货呢!



 

  去大沐屋企坐咗一阵之后,就一齐去饮茶茶啦!  大沐的屋企人都好好相处的,感觉好和蔼啦!同大沐好似呢……(*^__^*) 嘻嘻……

 饮茶要等位果阵,我扯住大沐同我影噶……(*^__^*) 嘻嘻……做咩我表情笑得咁一致噶???



  

   1月31日,今日大沐陪我去东莞做嘢吖!下午就要出发,而且等咗好耐d人先到齐,去到我又一直安排晚会d事情,都无时间理大沐添喔……不过带他去都有好多好处噶!起码有人帮我睇袋,而且有时仲可以帮我做下d嘢添~~~都好帮得手噶

 

    2月5日,大沐话呢日是我哋拍拖纪念日吖!呢日去完南美水疗之后,就同埋我个妹同她男友去打麻雀啦……

   打麻雀途中,大沐激嬲咗我吖~~~因为我唔是好识打鬼牌,总共先打咗四五次,唔熟,所以一直输。然后大沐就经常闹我,又话我蠢,又话d牌咁靓都唔识打,又话唔知道我淋乜。 

   最后大沐仲要求我让位,等他来打添……我马上应承给他打,然后自己话出去行下,其实是好嬲咁翻咗屋企吖!大沐中途都有打电话过来,叫我唔好嬲的。但是我果阵超级嬲,唔想翻去了,点知他又无即刻过来屋企哄我,所以我就无理他啦……

  其实我当时无即刻翻屋企,因为我喊咗,d眼泪自己留落来的,觉得好委屈。后来一直到夜晚,大沐都有话打多几盘过来哄我的,点知一等就等到11点,然后我发脾气,短信暗示叫他唔好来。当然是口不对心的啦~~~点知他居然唔复。

   结果我训唔着,一直喊,仲是打咗个电话给他,点知原来他仲打紧,我当时超级失望,原来我咁唔重要的,连麻雀都比唔上~~~他居然打咁耐都唔稳我喔!呜呜~~~~(>_<)~~~~

   后来他听到我电话之后,马上就唔打,给低输的钱之后,即刻打车过来我屋企哄翻我啦……大沐仲应承我,再都唔会闹我,以后咩都就晒我的,所以小沐又原谅咗大沐噜……(*^__^*) 嘻嘻…… 

 

    2月12日,因为之前次次大沐同我渡过的节日都唔是正日送礼物给我的,所以她知道我唔钟意,今次情人节就检讨了,提前同我去买礼物呢~~~(*^__^*) 嘻嘻……而且一次买咗两只手表喔!有可爱的、有成熟的。钟意戴咩风格都得噜~~~

大家觉得边只好睇呢?我d眼光得唔得吖……O(∩_∩)O哈哈~


 

     2月14日,今日是大沐同小沐第一次过的情人节喔!我特意准备咗个纪念册送给大沐的,希望以后他挂住我的时候,就可以拿出来回忆一下。里面有好多好多我哋的点点滴滴噶…… 

     点解小沐咁钟意影相?除咗小沐贪靓之外,其实我是想记录低属于我和他的一切一切。 

     呢份礼物唔是好贵重,但是真是真是花咗我最多最多心思的一份礼物喔!是我第一次为男人而做的纪念册吖!我用咗好多好多时间去写、去插入图片、去排版的。可惜我电脑技术有限,所以无外面影楼整得咁靓,但是我真是真是超级用心的,希望大沐会感觉到啦……

     我仲担心大沐觉得份礼物好便宜咁~所以我就去周大福买咗两粒金珠,到时同他穿手绳的,他果粒大d,我果粒细d,因为他是大沐,我是小沐嘛……(*^__^*) 嘻嘻……

    大家睇睇我准备的情人节礼物啦……特别是纪念册个封面喔~~~靓唔靓吖?O(∩_∩)O哈哈~



  

 仲有我同大沐的约定吖!他应承我,到咗情人节的时候,他的体重会重十斤的,结果呢???哼……他又讲咗大话,他无从126变到136吖!所以他要受到惩罚喔!惩罚是乜嘢~就是我同他唔登对,要分开啦!!!我都仲未帮他淋到办法补救呢~~~~~~最衰自己唔舍得,所以又给多次机会啦!今次定的限期是6月14日。本来打算定六一儿童节噶!后来大沐话14号出粮,不如14号啦~~~好意头窝!O(∩_∩)O哈哈~

而且今日刚好是大沐出粮的日子,所以大沐补翻过年利是给我吖!封咗1000蚊大利是给我呢~~~好鬼开心吖!(*^__^*) 嘻嘻……

 

     2月19日,呢日大沐同我一齐陪我妈咪玩斗地主吖!妈咪超级无敌开心吖~~~妈咪最喜欢最开心就是我哋多d陪她玩噶啦!所以今日大沐又立功噜……O(∩_∩)O哈哈~斗地主的规则就是赢家请吃饭啦!我平时咁劲,我淋住肯定我赢噶啦~~~点知最后大沐赢最多,我衰最多呢!(*^__^*) 嘻嘻……所以大沐请吃小肥羊噜~~~唔知他是米心痛我买单,所以先咁努力赢噶呢!!!其实我赢米一样是他买单~~~哈哈哈哈哈!

      2月25日,今日大沐同我陪妈咪爸爸饮完茶茶之后,我哋两个就去行黄花岗公园吖!超级耐无行过公园啦~~~散散步,睇睇d烈士的英雄事迹喔!好休闲好舒服呢……后来落雨添!加上我懒惯,行咗一阵就累啦~所以好快我哋就翻屋企睇电影训觉觉噜……O(∩_∩)O哈哈~

    一直训到晚上之后,我哋就同埋我d姐妹以及姐妹的男友一齐吃饭桌游噜……以前都唔知,原来一对对人出来玩乐又是另一种感觉的,开心呢~~~而且终于有幸见到陈陈的男友啦!等咗咁耐终于肯给姐妹们见,可惜太幼稚的小男孩了~边识得照顾陈陈窝……真是替她担心吖!

 

     3月3日,今日我同大沐去穿手绳喔~~~去之前打算去翻我哋经常去吃牛杂的地方吃饱饱先,点知果到无开门吖!激死我啦……唯有求其医饱个肚肚就出发去天河穿手绳啦!

     吃饱饱行出来之后,给个阿姨叫住我哋去做问卷调查窝~~~我淋住我哋大把时间,而且我贪小便宜,想要两条纸巾,所以就应承咗去做啦!我的呢个举动吓亲咗大沐喔!他估都估唔到我会应承,他觉得咁浪费时间的嘢,我边有可能会做呢~~~结果我居然……O(∩_∩)O哈哈~其实我就是贪心嘛!贪小便宜是我最爱做的事情呢~~~经过呢次之后他终于深深明白我啦!哈哈哈哈哈……

    做完一个几钟的问卷,拿走两条纸巾之后,我哋就去天河正佳广场整手绳啦!稳咗超级多间铺,都无得穿喔……最后终于稳到一间啦!好贵吖~35蚊一条喔!依家d人真是识赚钱,穿一条红绳居然可以卖到35蚊了……毕竟稳唔到,所以最后屈服咁穿咗啦……

 大沐同小沐一人一条手绳喔……(*^__^*) 嘻嘻……


  

             3月5日,今日发生咗一件我觉得超级难过的事情。我平时都习惯咗吃饭的时候影相,喜欢影低d食物的。所以今晚都唔例外~~~但是系我拿大沐手机影相的时候,他今日居然教我点打开手机里面的相机,我一向都识,经常拿他手机影,点解偏偏今日要教我呢???我觉得好有问题,肯定有野唔想给我知道,所以我马上打开他的相册睇,结果真是估中咗。

             大沐又再次系微博下载他前女友的相来睇啦……我问他的时候,他的解释是:“里面有曾经追过他的女仔,他好耐无见过她个样啦~所以想睇睇,加上里面有以前细佬的女友,都是好耐无见,所以想睇睇她哋依家个样囖!”然后我笑住话:“好假吖~~~咁你无睇她?”跟住他就承认了:“都有睇她的原因,唔排除呢个可能,但是睇之前过两个占主要嘛!”我只是笑住闹咗几句就当无事,继续吃饭噜……

             其实我真是真是超级唔开心。他挂住前女友已经唔是第一次噶啦~~~难道同我一齐真是咁唔开心吗?点解仲要不停挂住以前呢?我真是知道自己永远唔是他最爱的,但是我接受唔到男人讲大话囖!而且怀念前女友都应该将d罪证删除啦~~~偏偏要给我发现。哎~~~或许总有一天,我会觉得自己比不上她而离开的……毕竟我接受不到自己的男人还爱着别人。

 

             3月6日,今日我超级无敌唔开心……因为大沐再次应承我的嘢无做到。已经唔是第一次了,因为呢件事,我讲咗超过十次,原谅超过十次啦……但是仲是犯了。所以我狠下心,直接关机唔理他。大沐系微博稳我,我就话给他听,唔需要稳了,我哋大家都休息一段时间吧!

              件事其实好简单,大家肯定觉得我好小器啦!就是每次他应承“转头复翻电话给你;夜d再打给你;收工或者放工发短信给我之类的话”,次次都是唔记得做的~~~我已经讲了无数次,我真是会等你短信等你电话的,唔好顺口讲就以为唔洗做,只有讲咗就应该去做,因为你讲了,我就信,我就会去等的。可惜大沐一次又一次咁当作若无其事……

              我是好似好容易哄,次次他哄一下,我就会原谅。但是次数多了~我就对呢个人失去信心,连哄的机会都唔想给他啦……因为我觉得连咁基本的嘢都做唔到,摆明无将我讲的嘢放系心到,如果你在乎一个人,你是会同对方交代一下自己做紧咩,唔洗对方担心的,但是他每次都用唔记得做借口,我听厌了,所以真是超级嬲,就唔理大沐啦!

             后来大沐都觉得事情的严重性,所以晚上八点左右,亲自上门来咗我屋企哄我,求我原谅,而且再次好肯定咁保证以后唔会唔记得,翻工放工都会发短信给我添!最后我又衰心软~原谅咗他啦……PS:直到依家,他确实改咗噜!好开心呢~~~希望继续保持喔!

           

            3月14日,今日是大沐出粮的大日子喔~~~(*^__^*) 嘻嘻……所以他又给咗1000蚊零用钱给我啦!跟住无意中给我发现,原来今日是白色情人节吖!所以我即刻问他拿礼物啦……点知他话d钱就是喔~~~我话果d是零用钱,唔是情人节礼物啦!然后他就答,零用钱得100蚊噶咋~~~你估有咁多咩!O(∩_∩)O哈哈~之后我哋两个都笑得好开心啦……他依家越来越醒啦!咁识答问题,学晒我d嘢吖……哈哈哈哈哈哈!

            

            我同大沐一齐已经半年啦!好开心喔~~~其实我真是要好好多谢他。是他先容忍到我的公主病、野蛮任性和肤浅噶咋……真是超级迁就我,总是给到我踏实的安全感。系我心目中,大沐就是我的初恋,真是会好难忘的。毕竟之前的都是拍了一个多月,根本完全没有经历过乜嘢,而且大沐是第一个我遇到,而令我觉得他好锡好锡我的男人吖!希望大沐和小沐的路还很长很长很长吧……
关键词:应承谢谢开心难过

作者:思思

《我和他的点点滴滴2》


下一篇:没有了

最 新:
没有其它新的作品了

更多思思的POCO作品...

评论