×

新导航介绍,点击查看

桂林阳朔之旅

发表日期:2012-05-22 摄影器材: 索尼 点击数: 投票数:




                  5月份真是特别忙喔~~~前排先去完南昌工作,无几耐就又出外啦!今次是去桂林旅游喔……之前都未去过,不过听朋友讲,果边好靓好舒服的,去完翻来之后真是发觉好正!

                 今次去桂林玩是我同大沐第一次的旅游喔!拍拖咁耐,我地都未一齐去过旅游吖!所以呢次计划左一排噶啦~~~提前就订好机票,计划好晒去玩翻一个星期吖!(*^__^*) 嘻嘻……我地主要去桂林的阳朔西街到玩,本来淋住我地去的日子会经常落雨,点知好好彩,天气超级好吖!阳光唔会好猛,有时就阴天,天气超舒服噶~~~所以今次我和大沐的第一次旅程玩得超级开心喔……

                 5月6日,我和大沐第一日出发喔!早早就要起身,赶去机场搭早上8点几的飞机吖!途中仲落住蒙蒙雨添~~~我一直仲担心飞机会延误,幸好准时起飞!

大家睇睇!两个人一个大箱吖~~~为左呢次行程,我特意买左个超级无敌大箱噶!28寸吖!以后去旅游都可以装晒我地两个d嘢嘛……O(∩_∩)O哈哈~

 
 
                   落机之后,经过的士、大巴、行路之后,我地终于到达阳朔西街啦!然后稳翻之前大沐相熟的酒店入住,酒店的环境唔错喔~特别是个阳台,可以睇到外面的景色呢~~~
 
 
 
                       休息一阵,收拾好行李之后,我地就精精神神咁出去啦……yeah!
 
 
 
                  我地开始去吃午饭啦!第一餐我地就试左呢到最有特色的啤酒鱼啦!不给西街吃鱼都是比较贵~味道一般啦!至于d野笋就苦噶~明明菜牌写甜笋,结果是苦的,好难吃呢~~~~~~
 
 
 
                   吃完饭之后,我地就系西街周围行下,然后遇到一间专门做芒果饮品的店,呢间店d嘢饮好好味,而且里面环境都好舒服,加上大沐最爱芒果了~所以基本上来西街咁耐,一日都要饮几次喔!搞到d服务员都认得我地两个了……O(∩_∩)O哈哈~PS:其中有一次我仲倒斜咗,浪费晒啦!心痛……
 
 
 
                  饮下嘢,行下街,然后翻酒店训翻个下午觉。超休闲的度假喔!好舒服呢~~~训到晚上之后,就起身落街吃饭饭噜!晚上我地就去左清吧试试西餐呢……环境好舒服,但是味道就一般啦~~~
 
 
                        
                  吃完饭,休息一阵之后,我地又继续行热闹的西街噜~~~早上呢到好少人,个个都出去睇景点了,晚上就超级多人,个个都去酒吧或者行闹市。呢到d夜街好多嘢买噶喔~~~所以我都收获不少,不给总是好似买贵左d囖!呜呜~~~~(>_<)~~~~
 
 
 
                  5月7日,训觉训到自然醒之后,跟住就去医饱个肚肚噜~~~今日就试左呢到特色的漓江虾喔!味道依然一般,所以我地都发现西街d嘢都唔好味的,呢边的人只是识煮啤酒鱼或者辣嘢,其它嘢就唔试煮了~所以呢到环境虽然舒服,但是找不到美食呢!呜呜~~~~(>_<)~~~~
 
 
 
                   因为每日都习惯训到好晚先起身,所以吃完饭都已经是下午了,我地就拣左一个地方去玩玩,叫金水岩。果到有好出名的篱笆浴喔~感觉超级污糟,但是既然都来到了,我就点都要试下噶啦~~~至于大沐,他细胆吖!唔敢试,所以就负责睇我玩同帮我影相啦……
 
                  呢个山洞里面的岩石都是好特别噶喔~~~而且一入到去,就觉得冻左好多啦!大家睇睇,好多唔同的形状的岩石吖……
 
 
 

                   跟住登场的就是我泥巴浴的艳照啦~~~O(∩_∩)O哈哈~d水超级无敌冻,简直就是冰水,而且真是感觉好污糟,套泳衣都黑左,唔洗要啦~~~所以如果无勇气,真是唔好乱试吖!唔好玩噶喔~~~幸好后来有温泉中和一下遮!否则就真是冻死我啦!呜呜~~~~(>_<)~~~~

 
 
 
 
                     玩完泥巴浴和温泉之后,就搭车翻西街吃晚饭噜~~~虽然晚饭唔好味,不给后来的甜品和田螺还是勉强合格噶……至于呢到的烧烤,始终唔够广州的好味喔!在此,要严重批评一下西街里面煮的白切鸡吖!超级难吃,完全无味的,连d姜葱都无味,我相信我的厨艺都好他地几十倍囖~~~O(∩_∩)O哈哈~
 
 
 
 
                  5月8日,  今日天气超级好喔~~~太阳公公都出来同我地玩游戏呢!所以我地要去睇最美最美的漓江喔……大家睇睇,漓江附近的景色也很美的喔!而且呢条民族风的裙是系西街到买噶喔~~~好睇吗???
 
 
                          
                         出发去游漓江之前,又点少得我地的合照呢~~~甜甜的喔……(*^__^*) 嘻嘻……
 
 
 
                     经过一个几钟的车程,我地终于到达兴平啦!好快就上左竹排,开始我地游漓江玩水水的行程啦……好舒服喔!而且我地上竹排之后,太阳公公都好配合我地,收敛了一下,变成阴天噜!正……

 
 
 
                  中途停点的第一个地方是结婚岛和二十蚊人民币背景图喔!一落到去个岛到,咁钟意影相的我又点可以错过呢个机会吖!大家睇睇我地白痴的样子喔……(*^__^*) 嘻嘻……其实晒到我地差唔多晕囖!O(∩_∩)O哈哈~
 
 
 
 
 
 
 
 
 
                     影完相,又继续落翻去竹排到玩水噜……因为去到比较深水同颠簸的路段,所以就要着救生衣啦!加上我唔识游水,所以安全第一嘛……O(∩_∩)O哈哈~但是我依然超大胆噶喔!我地系船头到玩水、训觉呢~~~超舒服吖!正到爆喔……
   

 

 

 

                      第二个落脚点就是九马画山啦!据说呢座山有九只马的图案,不给我地研究左一下,始终睇唔出喔~~~O(∩_∩)O哈哈~影左几张相留念一下,吃左少少炸漓江鱼和虾之后,就继续起程噜……

 
 
                    后来我地仲跟左船家去他自己屋企吃农家菜喔~~~呢餐是我觉得来阳朔西街咁耐最好味的一餐啦!果然证明西街d嘢又贵又唔好味,始终都是地道的农家菜有保证d喔!吃完农家菜之后,我地就搭翻一个几钟的车程翻到西街噜!然后又继续吃烧烤喔~~~发现我地真是唔洗停噶!O(∩_∩)O哈哈~
 
大家睇睇,呢d就是我地今日吃过的嘢啦……好味!好味!特别是只鸡~好正呢……
 
 

 

                  5月9日,今日先发现原来我地已经来左三日噶啦~~~果然真是快乐不知时日过,太休闲太舒服了,所以原来旅程进行左一半都唔知道添喔!原来的酒店已经住左3日啦~所以我地就打算换换新环境,睇下会唔会有新的感受喔~~~(*^__^*) 嘻嘻……

 

新换的酒店是我拣的,我觉得好可爱呢~粉红色的,而且是新装修无几耐噶咋……蛮喜欢的!最重要是可以训系床到,睇到阳台的天空喔~~~超蓝超美超舒服吖!

 
 
 
                   呢日依然好休闲,吃完中午饭就继续训下午觉,然后晚上去睇导演张艺谋排的印象刘三姐啦!个人感觉“印象刘三姐”真是给你一个印象而已的,完全是睇壮观的场面噶咋!至于表达左d乜嘢,我就真是理解唔到啦!可能是我蠢挂~所以我觉得睇印象刘三姐去买正价门票的人,真是好唔抵~白痴的行为呢……

大家睇睇我影的场面就够啦……完全就是人数和灯光堆积而成的壮观而已喔~~~

 
 
 
                  睇左一个钟的刘三姐之后,我地就继续翻去西街吃晚餐噜~~~唔知道吃咩好,而呢到最多就是烧烤,所以我地晚黑就吃烧烤同麻辣烫噜~~~同琴日的农家菜比,真是天渊之别喔!
大家睇睇,呢d就是我地今日吃过的嘢啦~~~中午吃西餐的通心粉还是不错的,其它就……O(∩_∩)O哈哈~
 
 
 
 
 
                  唔知几时养成的习惯,我地每晚吃完饭,行完街,总会打包d田螺翻酒店吃,一边吃一边睇电视,睇到眼训就训觉,好自由,好舒服,完全无压力,超正的喔……(*^__^*) 嘻嘻……
 
                  5月10日,今日比平时更加懒喔~训到下午,出来吃个特色的荔枝木柴火烧pizza,仲试左一下超级腻的千层面喔!不过我觉得我地广州的必胜客的pizza比较好味d喔……原谅我唔识欣赏吧!O(∩_∩)O哈哈~ 

 

 
 
 
                  训醒下午觉之后,我地就去试我堂妹介绍的特色,斑鱼火锅。她讲的最出名马仔斑鱼店,我地稳左好耐都稳唔到,所以就试左西街里面的富贵楼斑鱼火锅啦!味道真是超好味~~~第一次吃咁样的火锅咋!d鱼切得超级薄,好好味呢……果然无介绍错!系西街里面,我觉得吃得最好的一餐啦!饱到上心口添吖……O(∩_∩)O哈哈~
 
 
 
                 5月11日,差唔多到旅程的尾声啦~~~所以今日大沐就租摩托车带我去景点周围睇睇,毕竟我对d景点兴趣唔大,所以都是系门口睇睇就够噶啦!阳朔咁多景点,我个人认为,只有一个景点最值得去,就是游漓江,系竹筏上面游漓江实在太舒服太正啦!好好玩添吖……其它就免了!远远游览一下就够啦!O(∩_∩)O哈哈~
 
                 开摩托车出去之后,途中入咗去d山庄里面吃农家菜喔!呢间d鸡做得都好好味喔~~~始终都是农家庄d嘢比较适合我吃。O(∩_∩)O哈哈~加上呢到d环境好舒服~我地吃的青菜都是他地自己种的,马上摘落来整给我地吃噶喔!特别清甜好味。
 

 

                   吃饱饱之后,我地就继续起程啦~~~开摩托车游遍十里画廊喔!一日去晒全部的景点吖~~~分别是蝴蝶泉、大榕樹、月亮山、古道圖騰、聚攏潭、御龍河等等……(*^__^*) 嘻嘻……

 

                  至于晚上我地就继续寻找琴日稳唔到的马仔斑鱼店,皇天不负有心人,最后终于给我地稳到呢间店啦!真是好好味吖!所以今晚又是斑鱼火锅陪我渡过啦~~~其实斑鱼就是生鱼,但是超级多骨,要刀法超级好先可以切到咁薄,然后打火锅吃的喔!不过翻广州就吃唔到噶啦!所以我系到要吃多d吖!饱!饱!饱!

 
 
 
                  吃饱之后,我地又翻西街到玩乐噜~~~今晚我地要去酒吧玩吖!阳朔的酒吧好出名,不过其实我兴趣不大,因为其实我觉得每个地方的酒吧都是差唔多噶啦~~~加上我依家已经好少饮酒了。
                  最后我地就拣左一间清吧,饮左鸡尾酒,同埋唱左几首歌仔啦!酒吧里面有留言薄~大沐仲写左好多肉麻嘢给我添吖……(*^__^*) 嘻嘻……而我都留言左落去,不过无给大沐睇,保密!下次有机会再去阳朔先给他睇喔~~~O(∩_∩)O哈哈~
 

 

 
                     而最令我感动的就是大沐对住我现场唱的情歌啦!首歌就是“我愿意”。唱得好动听,好温柔喔!搞到我都唔好意思了……(*^__^*) 嘻嘻……至于我唱歌就失败囖!喉咙沙哑,完全唱唔起囖~~~睇来贪吃惹的祸不浅吖!呜呜~~~~(>_<)~~~~ 不过今晚依然好开心的!抱住果首情歌甜甜入睡了……
 
 

                   5月12日,颓废的日子又要告一段落啦!旅程即将结束,晚上的飞机,我地又要翻广州啦!真是好唔舍得吖~~~日日都是吃同训喔!系到实在太舒服啦!不过始终要翻广州的,只好努力工作,然后等下次的度假旅游了……

                   因为晚上的飞机,仲有成个下午的时间,我地吃农家鸡吃上瘾了~~~所以特意又去租一部摩托车去农家庄吃饭噜!O(∩_∩)O哈哈~又吃翻同样的嘢,依然好好味!老板娘都认得我地添吖~仲优惠左给我地喔!真是好啦……

                   大家唔好相信我开摩托车的能力吖!我是扮嘢噶咋~~~完全唔试开囖!O(∩_∩)O哈哈~

 

                 吃饱农家菜之后,我地就游左一下车河,途中仲停车试左一下呢到的山水豆腐花添!唔是好好味囖~~~不过路途上发现好多人系到钓小龙虾,超级有趣喔!最衰我地要走啦~如果唔是,我地都打算落去捉小龙虾的,然后拿去大排档加工就可以啦……居然最后一日我地先发现,蠢左吖!不过应该仲有下次机会再来挂……O(∩_∩)O哈哈~

 

 

                 短短的七日桂林阳朔旅程又结束啦!我地无游览全部的景点,无走遍整个桂林,但是我地非常悠闲非常舒适咁渡过咗7日的旅程。我觉得呢个先是旅程。旅游唔应该翻到来觉得周身骨痛,唔应该觉得好累的。我觉得真正的旅游是应该舒服,开心,用自己的方式去游览自己喜欢的地方,这才是真正的度假。所以我真是好喜欢呢次的旅程吖。

                这个是属于我同大沐的第一个旅程喔~~~期待下一个旅程同样的精彩吖!

                    

 


关键词:舒服感动阳朔休闲

作者:思思

《桂林阳朔之旅》


下一篇:没有了

最 新:
没有其它新的作品了

更多思思的POCO作品...

评论