×

新导航介绍,点击查看

工作,真不容易

发表日期:2007-07-04 摄影器材: 其它相机 点击数: 投票数:
        “和记”果边话到时约时间培训,讲咗已经一个礼拜了,到现在都未曾收到他们的电话。几经辛苦,我同学终于介绍咗一份工比我做。呢份算係我人生的第一份工,我好希望佢会给我带来信心,好让我日后对“工作”这一名词不会产生恐惧。
         听我同学讲,呢份工非常好。人工其实都可以接受,工作时间非常人性化,工作内容非常适合去尝试……于是我抱着急切的心情,期待着我工作的开始。
         2007.7.3,係我第一日开工的日子。我同同学一早就搭车去盘福路,左搵右搵,终于喺45分钟之后搵到了间所谓的“公司”。原来这间“公司”位于盘福路华茂大厦的12楼,一踏入华茂大厦,我就已经觉得不对路。华茂大厦门面“up dup”,电梯像七八十年代的“老爷梯”(不单只慢,而且嘈),楼梯破烂程度达40%。
        终于上到12楼啦。给我的第一印象——差。走廊狭窄,杂物乱摆。如果火烛时,唯有等死。我地步入一间办公室,只见眼前天花板下面的横梁大大只字写着“蒸蒸日上”。坐落后了解,原来这一办公室係广州南方中英文学校的招生办办公室的其中一间。我心霖:“原来係啲贵族学校~咩一条龙服务,校车接送……有边×个唔识咁讲啊。又係一间专门‘宰人’的学校。”然后我又向横梁再望多一眼。我×,~~学校都需要“蒸蒸日上”?你估做生意咩,他×××××。
         既然嚟到啦,冇理由走噶。原本佢话唔请男仔噶,喺我同学大声“威胁”下,佢地唯有投降。我又胡思乱想:“唔请男仔?惊冇钱出梁我地造低你啊?抑或向啲女同学容易埋手啲啊……?” OK~我唔可以咁霖嘅,话嗮都係学校招生办嘛!
         听佢讲,每日只需工作3小时。从早上9:00~12:00,每月¥700,不包食,不包车费……反正就¥700啦。咦,都几好喔,工作时间几弹性啊,而且待遇都差不多吧。于是我地几个签咗张“卖身契”,正正式式成为了他们的“用人”。
        第一日见工就立刻叫我们工作了,我心霖:“派传单有几难啊,一个钟头就可以OK。” 
        我地工作3小时,其中有1/4或以上时间花在行路上,从办公室到目的地已经行走差不多40分钟有多了,而且工作还未开始。哇,好嘢啊,虽然行路比较攰,但工作都唔算辛苦啦。
        唔做唔知,原来派传单唔係你地想象中咁容易噶。首先,我地去到三元里,也就是那些所谓的“城中村”派。我又霖:“×××,如果人地有钱嘅,就唔使住喺呢度咁兜痞啦。你地学校啲学费贵到不堪,呢度边有人舍得读啊~!”派传单,个样唔可以串,并且一定要有忍耐力。因为好多时果啲人都会比面色你睇。仲要一定要好似好兜痞,身份地位同果啲人差不多,并且要忘记自己係以为知识渊博的学生,一定要融入他们的生活。说话的语言不能过于深奥,要有几分乡下feel。咁样,你同果啲“乡下人”就容易接触,人家嘢容易受落。
        唔讲唔知,我派传单霖住冇乜人要。点知道有个係市场开档口的先生竟然对我的传单产生莫大兴趣。我还未来得及说话,他就对我说:“哇,咁多传单啊!比嗮我,我要比我啲同事、亲戚朋友睇啊。唉,多谢你啊。”(注意:佢讲嘅係“同事”,呢个“同事”又是否那个同事。可能呢个“同事”只是市场摊档的左右隔离而已)。
        我最唔抵得嘅就係要嚟啲“城中村”派传单,搞到好似自己好cheap咁。不过既然做了,唯有继续吧,我冇咁容易放弃嘅。仲有一点真係难顶——唔要我啲传单,挥下手就算啦。但竟然有极少数×××,还竟然有啲不识好歹的“乡下人”竟然对我地呼呼喝喝。×××啊,卑躬屈膝落嚟三顾茅庐,霖住照顾下你地啲未读书嘅儿童,依家反而对我地所做嘅一切不领请。唔係为咗¥700尝试工作,一早就造×lum班×××啦(对唔住,我情绪好激动。请原谅我,比我发泄一下。可能语言方面要夸张啲才能宣泄,原谅、原谅)
        我同学讲得啱,佢话:“我觉得呢派传单通常都係啲捞×做嘅。依家我地广州人咁去做,好似好冇面,好“肉酸”啊。”不过佢都讲得冇错喔,依家我地派传单都要偷偷摸摸,不得光明正大。原来派传单竟然把身份、地位立刻降低。
        不过你又要肯定喔,搵钱你估咁容易啊。係喔~左手接电话,右手写下字就有一万几千收入,发梦啦。
         不过我体验过派传单嘅工作,我以后都唔会再接触。因为实在太……依家衬后生要挪下经验,知道点做就OK了,人工方面暂时不顾亦可。
          工作,真不容易。
关键词:工作

作者:stevenchoi

《工作,真不容易》


下一篇:没有了

最 新:
没有其它新的作品了

更多stevenchoi的POCO作品...

评论