×

新导航介绍,点击查看

慢遊台北--九份

发表日期:2012-10-08 摄影器材: 尼康 D40X 景区:九份 点击数: 投票数:

  
九份位於台北縣瑞芳鎮.
早期因盛產金礦.
擁有「黃金之城」稱譽.
而礦藏挖掘殆盡後~
卻從此沒落..


  
直至20世紀90年代..
一齣電影嘅上映~
令九份再次受人關注!
  
侯孝賢鏡頭下嘅「悲情城市」
宮崎駿畫筆下嘅「千與千尋」
仲有~
陳綺貞歌聲裏嘅「九份的咖啡店」
到底一個小小山城..
擁有着什麼魅力~
令文人雅士爭相擁戴它呢!?




  
九份獨特嘅舊式建筑.
每棟都依山而建..
當你穿梭係狹窄街道.
或者行走在陡直石階.
高高低低~彎彎曲曲
每一個轉角.
都會令你更期待..
美景嘅出現!


  
遊人到訪九份~
大多集中係基山街.豎崎路同輕便路!
基山街最為熱鬧..
麻石路上嘅老街小店.
雲集美食.手信.紀念品.
眞係應有盡有乜都有!
其次就係豎崎路.
一條陡直嘅石階路~
路旁開設茶館及咖啡廳!
最為著名嘅..
就係觀光客一定唔會錯過嘅~
「阿妹茶樓」
據聞動畫「千與千尋」裏邊
湯婆婆嘅湯屋..
就係依照「阿妹茶樓」而描繪嘅!
輕便路則多為觀景民宿及書店.
可以讓遊人靜靜欣賞九份嘅美!


























  
穿過橫七豎八嘅街巷.
來到舊道口觀景臺..
身處此地~
與遠處基隆山遙遙相望.
仲可以欣賞到台灣北海岸嘅延綿海景.
此時此刻~
山海美景令人心醉!






  
每當夜幕降臨~
一個個純樸嘅大紅燈笼.
照亮咗蜿蜒嘅小街巷..
熙熙攘攘嘅人群~
仿佛帶我進入時光隧道.
來到另外一個神秘國度!






关键词:小甜

作者:Zoe小甜

《慢遊台北--九份》


下一篇:没有了

最 新:
没有其它新的作品了

更多Zoe小甜的POCO作品...

评论