×

新导航介绍,点击查看

一封来自1999年5月20日的信

发表日期:2007-07-01 摄影器材: 其它相机 点击数: 投票数:

前几日执屋,稳到一只大胶纸袋,于是我折开一睇~哇!入边全部系我读书果时,D笔友写比我D信,好几大又叠,还有好多圣诞卡,书签。。。。。。随手就罗左一封,坐响地板度睇。哇!5睇由自可,一睇就停5到手,一直睇到夜静更深!

系啊,在以前我们没有电脑的时候,大家都是喜欢交几个笔友,在写信与收信之间心灵上的互动,虽然时间比较长,可能一个月才能收到一两封信,但是当时已经很满足了!相比起现在,大家可以很快的聊天,见到的只是机械的字体,通用的表情,没有了以前哪种真实的感觉,哪种一笔一划,用心写的每一个字,每一段话,每一封信~


----------------------------------------------------------------------------------------------------------------------------------------------------------------------------
Joanne:

你好!我系Richard啊。系咪好嬲我啊?不过又抵嬲嘅,咁耐都冇写信给你,仲连张圣诞咭都冇。唉!我知错哪,希望我道咗歉之后你唔好再嬲我啦!SORRY,SORRY,SORRY,SORRY,SORRY,SORRY,SORRY,SORRY,SORRY,SORRY,SORRY,SORRY,SORRY,SORRY。。。。。。我以人头担保以后唔会再发生D咁嘅事,OK?勾过手指尾,唔好二个男一个女哪!

你呢排点啊?有冇咩特别事情发生?例如开心野,伤心野,霉野之类嘅,讲嚟听下呀,我想知道。至于我就克过古天乐,都唔知系咪犯太岁!

话时话,识你有一段时间,仲未知你几时生日喔,话给我知呀,等我到时送份礼物给你。

系啊,你有冇去睇张学友演唱会啊?我冇去,因为5月4号中段考,阿妈唔给去。你地几地中段考架?

你有冇睇《刑事侦辑档案4》啊?钟唔钟意古天乐扮演嘅徐飞呢个角色啊?我就VERY,VERY,VERY咁钟意!我钟意佢够COOL,如果学得倒佢半成就好啰。你有冇发觉佢扮昂居佬又得,扮COOL哥又得,唔知下次佢会扮咩人呢?

你信唔信梦境所发生嘅事会系现实将会发生嘅事啊?又或者有人讲发梦梦见好事现实发生嘅就系唔好嘅事,梦见唔好嘅现实发生嘅就系好嘅事。不过我有亲身经历过,前果排,有一晚我梦见我嘅两只宠物死咗,第二日早上起身发现佢地真系离开左咗我。而呢几日,又因为一个梦而使我困扰。唉,真系好烦啊!

你有冇养宠物架?我就有养,想唔想知系咩呢?不过你要做好心理准备,有D野可能你啉起都觉得核凸。我屋企养咗一只猫仔,两只龟(不过唔系巴西龟,系一只草龟同一只鹰嘴龟,佢好特别,有一张鹰嘴,扁平嘅壳同一条好长嘅尾巴。佢地好大食。)五条所谓嘅娃娃鱼(点解我会话所谓呢,系因为佢地根本唔系娃娃鱼,只不过同娃娃鱼差唔多样,而且又系两栖动物,佢地嘅真正名系“蝾螈”,可能你会觉得佢地好肉酸,但系我就觉得佢地好得意。)

OK倾到呢度,BYE BEY 。

                                                                                                                            RICHARD(我系罪人~~)

                                                                                                                             5月20日

----------------------------------------------------------------------------------------------------------------------------------------------------------------------------








关键词:回忆

作者:yubaby

《一封来自1999年5月20日的信》


下一篇:没有了

最 新:
没有其它新的作品了

更多yubaby的POCO作品...

评论