×

新导航介绍,点击查看

那份惊喜,我喜欢。

发表日期:2013-01-28 摄影器材: 索尼,Xperia S 点击数: 投票数:

我同康生係埋一齐嘅时间实在太耐了,都好了解对方,我哋之间係无秘密,于是送礼物嘅时候基本无惊喜,对方中意咩我哋一齐去买。

今年生日,康生问我想要咩生日礼物,我话未捻到要咩要有惊喜。就係上个星期一早上,我仲同周公倾紧计嘅时候,朦胧中听到康生接到快递嘅电话,当时就奇怪点解会有快递,因为我哋最近都无上网买嘢,而且听康生嘅口吻感觉佢係一早知有呢个快递,我以为係银行寄礼品俾佢……—_—!!!康生收完快递翻上来之后佢就同我讲有礼物送俾我,我问咩来噶,佢就笑笑咁话你拆开咪知囖!神神秘秘咁~~

训醒后见到盒快递,康生仲写咗张memo纸话係送俾我嘅礼物,望住个EMS嘅快递盒我仲未捻到佢送咩,打开个盒之后先恍然大悟,原来係佢……其实11月去曼谷嘅时候就见到有得卖,我哋捻住去买噶啦,不过曼谷都断晒货,买唔到。后尾大陆有行货卖,不过见到个价钱比曼谷税后价仲要贵几旧,之后就不了了之,就无捻呢件事了。

我问康生佢几时静鸡鸡去买,佢话十几日前就去买,因为我话要惊喜所以佢要偷偷地係我训觉嘅时候上网搞,佢话由落单到收货之前都担心,佢怕佢睇账单嘅时候我会唔小心睇到呢个交易记录,又怕我会睇到Apple send俾佢嘅Email,到差唔多发货嘅时候佢又惊我会睇到Apple嘅发货信息,佢惊我睇到之后会去估,佢话会受唔住我嘅“拷问”,如果我估啱佢又唔想瞒我,怕最后就会讲出来,到时就无惊喜。呢十几日只能用一首歌来形容康生——忐忑!哈哈!

我好中意今年呢份生日礼物,虽然份礼物唔特别,但係我好中意康生买呢份礼物嘅心意,而家听翻佢讲述呢十几日嘅忐忑,好可爱!

康生,多谢你!





 

关键词:索尼生日礼物sxperia

作者:Penelope

《那份惊喜,我喜欢。》


下一篇:没有了

最 新:
没有其它新的作品了

更多Penelope的POCO作品...

评论