×

新导航介绍,点击查看

13.Jun.2013 Thu.

发表日期:2013-06-14 摄影器材: 苹果(Apple),iPhone 4S 点击数: 投票数:

  
成個下晝都唔舒服~
個肚一直發硬發漲.
條腰又酸酸痛痛咁.
行又唔得.坐又唔係.
總之就食唔安瞓唔落.
好辛苦咁囖..
  
食完晚飯~
老公強烈要求我去醫院睇急诊.
本來我都唔想去噶.
但為咗BB著想.
最後都係乖乖聽老公話.
成群結隊趕去醫院了!


  
去到醫院..
被醫生要求做胎監.
家屬唔可以陪.
要係外面等候!
我孤身一人.
跟住個護士入產房.
嗰種未知嘅恐懼.
同埋心理煎熬..
又唔知會發生咩事.
又冇人可以商量喔.
唉~總之就超級難受!
  
瞓低係病床後.
綁上胎監儀..
靜靜咁度過咗30分鐘~
哩個係我人生中最漫長嘅半小時.
當周圍環境如此寂靜.
就好似叫天不應咁.
耳朵裏..
只聽見BB嘅心跳聲.
轟隆~轟隆~轟隆~
而係儀器嘅屏幕上.
顯示住好多數字與符號係度跳動.
睇到人心驚膽顫!




  
當胎監結束後..
又被護士拉去做檢查.
佢超級唔溫柔~
整到我好唔舒服!
  
一系列檢查完成後.
醫生總結:
BB嘅情況唔錯.
叫我唔洗擔心.
但係~
可能會比預產期提早出世.
叫我最好有個心理準備!
要求我返到屋企多啲休息~
一唔舒服就嚟醫院做復查!
聽到醫生咁講.
眞係心理良藥.
即刻覺得..
好似所有不適感都不藥而愈.
當堂人都定曬~
健步如飛咁出去見我嘅家人!
  
其實..
搞到媽咪奶奶同姑姐.
係醫院等咗我成晚..
仲令佢哋咁擔心~
我眞係過意唔去!
吳小mi:
你睇下你幾幸福.
咁多人關心你..
所以~你要乖乖.
肥肥白白.足月出世.
平平安安嚟到我哋身邊.
知唔知道吖!?
我同粑粑都超級愛你..

关键词:iphone4s小甜苹果apple

作者:Zoe小甜

《13.Jun.2013 Thu.》


下一篇:没有了

最 新:
没有其它新的作品了

更多Zoe小甜的POCO作品...

评论