×

新导航介绍,点击查看

6.Jul.2013 Sat.

发表日期:2013-08-22 摄影器材: 苹果(Apple),iPhone 4S 点击数: 投票数:

  
本來打算自然順產.
但..
經歷咗38小時嘅陣痛.
宮口依然唔開.
而且羊水過少.
最後家人一致決定..
為咗阿B安全改剖腹產!

 
手術安排係夜晚嘅8點.
食過午飯後就開始空腹.
心情依舊興奮~
老公陪住我..
倒數住BB嚟到我哋身邊嘅時間!
  
夜晚8點..
簽咗手術同意書之後.
護士將我推入手術室!
雖然我好興奮.
但..
話曬都第一次做手術.
心裏邊始終有啲緊張.
麻醉師同我做脊椎局麻後.
大概8點半~
正式開始做剖腹產手術!
  
2013年7月6日20:50
哇~嘅一聲響亮喊聲.
我嘅寶貝終於出世了!
護士抱BB過嚟俾我睇.
係重7斤4兩嘅正太小王子.
仲叫我錫佢面豬燈一啖!
當我見到BB嘅嗰一刻.
眼淚止唔住係咁流~
哩個小生命..
係我哋嘅愛情結晶品.
佢住咗係我肚裏邊9個幾月.
同我一齊感受住身體上嘅各種變化!
依家見到真實嘅寶寶係我面前.
真係好開心~好開心.
我終於正式成為一名媽咪!
從此~我嘅生命裏.
多咗一份幸福.
多咗一份牽掛.
亦多咗一份責任..
  
本以為~一切就咁結束.
點知..
原來更恐怖嘅仲係後邊等緊我!
  
當BB被護士抱出去後~
醫生準備幫我做埋淨低嘅手術.
但..
搞咗半個鐘頭都未見完成.
而且~
見到兩位醫生面有難色.
我感覺到有啲不妙!
  
再過咗二十分鐘..
我開始覺得凍.
同埋有啲頭暈.
哩個時候~
又有四五個醫護人員進入手術室.
個個都過嚟睇下我.
我個主刀醫生同我講.
我子宮收縮乏力.
依家大出血..
因為醫院血庫冇AB型血.
如果去附近醫院調血.
來回要一個鐘左右.
佢認為哩個方法不可取.
所以依家嘗試緊各種解決方法.
並call咗產科最權威嘅醫生趕返嚟.
最壞嘅打算係:
如果繼續止唔到血.
就要全子宮切除!
當時我聽到..
真係大嚇一跳~
我心裏邊好驚好無助.
眼淚又再氾濫了!
護士一邊幫我抹眼淚.
一邊安撫我情緒.
  
又再過咗十分鐘.
我開始全身發抖.
兼且有啲眼瞓..
醫生見到我嘅情況.
更加緊張喇!
佢哋不停咁問我問題.
問我知唔知自己叫咩名.
問我知唔知自己做緊咩手術.
我意識有啲模糊.
雖然識得回答佢嘅問題.
但係..
我一邊聽住手術室內嘅各種儀器嘅聲音.
一邊聽住醫生們嘅對話.
我開始覺得好攰.
真係好眼瞓!好眼瞓!
醫生命令我一定唔可以瞓覺.
同時幫我注射咗N種針劑.
哩個時候~我腦內浮現嘅係.
「妙手仁心」嘅畫面.
原來..
手術中真係有電視劇裏邊嘅劇情噶喔!
  
我明白到~
大出血處理不當會休克.
休克時間過長就會..
我依家面臨緊一個非常危急嘅情況.
我好無奈亦好無助.
唯有求神拜佛.
希望上天保佑我平安度過!
我不停咁同自己講~
我有個愛我嘅老公.
依家又係人哋媽咪.
我仲有好多好多事情未做.
我要陪伴我仔仔成長.
我要同我老公去環遊世界.
我仲要孝順媽咪終老..
我一定唔可以有事噶!
所以~我唔可以瞓覺!
我一定唔可以瞓覺..
  
又繼續過咗二十分鐘.
產科權威張醫生趕返來了!
佢指導我嘅兩個醫生繼續手術.
真係萬幸..
佢經驗豐富~
終於幫我止咗血.
之後..
淨低縫針哩啲小case.
好快就完成了!
  
係手術室內觀察咗一陣.
就可以推回病房喇..
當我見到老公嘅第一時間.
心裏有好多嘢想講.
卻因為麻醉同大出血嘅關係.
意識有啲模糊~
但佢嘅一個眼神.
一句「我愛你」
就已勝過千言萬語!
  
返到病房..
見到我可愛嘅寶貝.
感恩!感恩!
真係乜嘢都值得了..
我嘅心肝腚:
無論以後遇到風雨抑或彩虹.
爸爸媽咪都會在旁守護你~
願你健康快樂哋成長!
我們愛你..


关键词:iphone4s小甜苹果apple

作者:Zoe小甜

《6.Jul.2013 Sat.》


下一篇:没有了

最 新:
没有其它新的作品了

更多Zoe小甜的POCO作品...

评论