×

新导航介绍,点击查看

20.Nov.2013 Wed. ☆

发表日期:2013-11-21 摄影器材: 苹果(Apple),iPhone 4S 点击数: 投票数:

  
五點幾鐘就起床.
刷牙梳洗食早餐.
晨早流流過大海~
為嘅就係阿B啲口糧!
  
搭鐵.搭車.過關.
抵達澳門已經11點幾.
二話不說..
我哋直奔新馬路.
進行瘋狂嘅搶購計畫!


  
便民啲奶粉尚算齊全.
但大牌嘅1段基本斷貨.
果斷入手2段.
左搵右搵買齊曬後~
就可以慢慢咁行下街喇!


  
中午一點幾..
手信街人流超旺.
行下.睇下.食下.
鉅記.咀香園.鳳城.
間間都試勻曬.
兜完一圈~飽曬!
哈哈哈哈哈..
拎住一大袋手信.
係大三巴前留影一張後.
GO~GO~GO!
下一站:新八佰伴














  
去到新八佰伴.
已經係下晝三點.
嗱嗱臨去買嘢食!
一份鰻魚定食.
一個手撕雞飯.
一碗龍蝦丸粉.
盛惠Mop$157
鳗鱼定食超級正.
大大塊嘅鰻魚~
睇見都流曬口水!
我唔客氣喇..








  
食飽飽..
逛下新八佰伴.
玩具.童裝.美食.
全部都好吸引啊!














  
逛完新八佰伴.
過去英皇賭兩手.
無輸無贏打個凸.
又鬱悶!又無癮!


  
夜晚六點半~
返回關閘.
過關搭車返廣州.
回到家中..
已經係夜晚11點!
又攰又眼瞓.
手.腳.腰.腿.肩.臂.
好似全部都唔係自己嘅咁.
酸!麻!痹!痛!
兩公婆攤係床上.
進入假死狀態!
不過~
當我見到阿B甜笑.
再攰再痛都係值得嘅!


  
盤點一下今日嘅戰績:
牛欄一段x1
牛欄二段x9
奶粉total十罐.
好奇M尿片六包.
亨氏米粉兩盒.
我哋購買種類唔多.
但數量都頗為驚人.
總算~不枉此行!





关键词:iphone4s小甜苹果apple

作者:Zoe小甜

《20.Nov.2013 Wed. ☆》


下一篇:没有了

最 新:
没有其它新的作品了

更多Zoe小甜的POCO作品...

评论