最佳位置III

    本来以为距今日唔会上网，唔会再出现。可能又好似以前甘，又一次消失得无影无踪。又要等唔知几耐距先会再出现，通常系几个月，半年，甚至系一年。我发觉自己已经习惯，好耐之前，每一次同距分开，因为就可能就意味住系一段好长时间嘅音讯全无，都会有d失落。但依家可能我已经习惯。而且我都真系唔想次次都只可以系甘样。
     但点知今日仲可以见到距，系Q上边。距话胃痛，心情唔好就胃痛，都真系唔知距d系咩野理论。距可能睇完我写嘅嘢，又一次讲距心情好难受，觉得最对不起嘅人系我。呢次系距地二次讲觉得最对不起嘅人系我。我唔知点解，次次听到距甘讲我都想喊，都真系唔知系开心到喊，定系唔开心到喊。可能甘证明距对我所做嘅一切，并唔系完全无感觉。但又可能证明距其实可能真系一d都无爱过我。距讲宁愿我唔爱距，上次系宁愿我俾一个普通嘅位置俾距。我对距嘅感情，可能对距黎讲，系一种负担。
     但我觉得我已经有能力承受甘样嘅事实，又或者淡然面对甘样嘅现实。对于距甘讲，我已经应该开心。我要嘅可能只系一个最佳位置，好似首歌甘“无论你喜欢谁，请你记住留下给我这位置，时常再内心一隅剩低几寸留给这女子，谁共你好都不碍事，我都会衷心支持，未必所有关系都受得起刺激，但我可以。”如果距能够同样为我留一个最佳位置，甘就足够啦～ 甘距亦都无需内疚啦。我满足架啦～