×

新导航介绍,点击查看

唔该~东门仲有地方可以整头发吗???

发表日期:2007-12-13 摄影器材: 点击数: 投票数:


我由初中开始~

就一直喺美清剪头发~

读咗大学之后~

就会去学校附近嘅发型屋剪~

点知毕业之后~

前排发现:喂!美清冇咗啦!

发生咩事啊?

隔离间死嘢样样衰衰嘅歌莉雅竟然仲喺度!

之后就一直寻觅紧~

究竟边度仲可以剪头发呢?

寻日忍唔住~

终于入咗嗰间同美清一同生存咗好多年嘅歌莉雅~

剪完我真係好嬲好想喊!

一入门嗰阵~

係个大婶带住我去洗头~

我以为个大婶係带人嘅~

点知坐低先知:个大婶係洗头阿婶!

大婶好大力~

唔知点解成日都要撵我条颈度个脊椎~

撵得我鬼咁痛!

我本身諗住:洗头啦~无所谓~大婶同姐姐可能都差不多~而且大婶要养屋K仔女~

所以都冇要求换人~

但係点知个大婶洗到我成面都係水!

耳仔又入水!

洗完头坐返喺度~

大婶叫咗个11号过来帮我剪~

哇~唔该!

嗰位哥哥自己都好唔掂~

我好唔放心喔!

我就要求换人啦~

点知换咗个好in嘅阿叔~

留埋D奇奇怪怪嘅头同须~

我望咗成间房好耐~

发觉确实冇咩发型师了~

就冇出声了~

个大叔喺剪嘅过程中~

粒声唔出~好似对我好不满咁~

剪完之后我真係欲哭无泪!

我一直咁话:好样衰啊!

嗰个发型师竟然喺呢个时候露出咗笑容~

一直话:唔会啊~几好啊~

又一直解释~

讲咗N句多谢~

我埋单嗰阵就走去闹嗰个老细:老细唔该你换过晒D伙计啦!

老细:(笑)剪得唔好啊?

我:唔係唔好!係好唔得!

当时有两个女人做喺度等~

一起up高头好愕然咁望住我~

我闹完就好嬲咁走咗~

讲真我真係好怀念美清咯~

虽然佢唔係剪得话非常靓~

不过我觉得~

如果你知道自己要咩~

个发型师一定会帮你剪到你想要嗰个效果~

甚至你想要嘅长度~

呢样嘢真係好重要咯!

寻日仲去睇过几间其他人哋介绍嘅地方~

咩发源地~剪个头发要68!痴线噶!

其他地方都...望都唔想望...

嗰间歌莉雅~

好似好多人都帮衬过~

都同美清争咗好多年~

我仲以为会OK下~

点知.......................

超无奈~

家下冇面见人了~

太样衰了~

泪奔ing............
关键词:剪发东门

作者:Cola

《唔该~东门仲有地方可以整头发吗???》


下一篇:没有了

最 新:
没有其它新的作品了

更多Cola的POCO作品...

评论