×

新导航介绍,点击查看

十二月二十五日(2)

发表日期:2007-12-27 摄影器材: 松下 其它型号 点击数: 投票数:
      写完寻晚篇野训落床已经零晨三点,今照一训醒已经十点几。Connie姐姐以前系广州公司时认识既泰国同事系今照十点几机到墨尔本,由距自己既朋友接机。Connie姐姐就约左下午三点去距泰国同事朋友的屋企见距。见离下午三点尚早,Connie姐姐提议先入City饮早茶。你地无睇错,系饮早茶。因为系墨尔本,所有既唐人餐馆早茶时间都系由早上十一点到下午三点或者直落。无人傻更更晨早六、七点饮早茶架,因为无任何餐馆会甘早开门。
      换好衫,搭电车去唐人街,我地街口既6号电车就直接去到City既唐人街街口,好方便。今日全日所有交通,电车、火车、巴士,全部免费。(之前讲过,墨尔本既大部分交通工具都系由同一间公司经营,所以一免费,基本就等于所有既交通工具都系免费的)
      同寻晚食完饭出来行街既情况一样,成个City的商店都关晒门。只有几间由印度人经营既Cafe同中国人经营既旅游礼品店继续营业。鬼佬就系甘,话知你放假生意好,放假就系放假。去到唐人街就唔同啦,所有既唐人餐馆都有开门,异常多人同火爆。呢D就系生活习惯既唔同了,我地钟意放假就行街Shopping,饮茶、食饭。鬼佬系圣诞节前夜多数会留系屋企食火鸡,而二十五号今日就依然留系屋企BBQ,饮啤酒,过Family Day。
      由于异常火爆,(放假出来饮茶既人、国内来的旅行团、由于所有餐馆都关门而来唐餐馆食饭的西人),我地足足等左三十分钟先拿到位坐低。十足好似以前去幸福楼饮夜茶甘虚撼。凤爪、排骨当然系唔少得,味道始终都唔够系广州甘好吃。
      饮完茶,一齐火车去Connie姐姐泰国同事既朋友屋企。距朋友屋企系一个普通的本地西方人家庭。我地岩岩去到果阵距地就系系度等紧我地来BBQ。啤酒、威士忌、小吃、蛋糕。。。。。。一家人坐系后花园,倾偈、吹水、饮酒、吃野,阳光、空气。对比我地以前系广州每逢节假日,系间空气异常唔流通既房里面唱K、打麻将通宵,然后第日就训到下午两、三点,分别就系呢度。我甘讲并唔系话外国人既生活就比我地好。我既意思系,放假就系放假,点解仲要搞到自己甘累呢。我地以前放假,都会去番禺D渡假村住返两、三日玩吓,但去到一坐低就系开台打麻将,打到天昏地暗,完全无左放假既意义。就系唔可以静个心落来,坐系度发吓呆,享受吓阳光同空气。总系话闷,想稳D野搞吓。唔通呢D就系城市人既综合症?


开餐啦!


睇吓几多野食 


齐齐食大虾!


烧生蚝,好好食!


Connie姐姐同距既泰国同事


贪玩的小狗,虽然左腿受左伤,但依然甘活泼,成日将个波放系我只手度要我掉出去等它捡回来。

 

关键词:墨尔本圣诞节

作者:孤身走我路

《十二月二十五日(2)》


下一篇:没有了

最 新:
没有其它新的作品了

更多孤身走我路的POCO作品...

评论