×

新导航介绍,点击查看

2008.4.27.16:57

发表日期:2008-04-26 摄影器材: 点击数: 投票数:

辛苦...超辛苦...

明明感冒得好辛苦,

仲要系老母面前扮晒冇事,扮晒好正常咁...

中午食饭嗰阵,我d鼻水死忍系个鼻入面,忍到个脑都唔识郁咁济~

老母话我係咪感冒,我仲要话朝早起身嗰阵打咗个哈气咋嘛~

眼睛入面d水博命流...好似一秒都唔想留系我身入面咁,

突然谂起睇过伊腾润二嘅漫画,

有个女仔,我觉得几型啊,姖话冇嘢愿意留系姖身边,

亲人,朋友,宠物,玩具,总之乜都係,冇嘢爱姖,

有一日,姖割自己条脉嗰阵仲讲咗句:'连我d血都要离开我个身体喇~'

哇..型爆.

其实我谂我发紧烧...

不过我唔打算阻止佢,因为发烧可以长高~

照样着d着咗等于冇着嘅嘢~

食,饮d违禁嘢~

或者咁样就可以卧床不起...个脑烧到乜都唔洗谂.

记得高中有个傻仔,叫朱柯玲,所有人都虾佢,包括我,因为佢真係好傻啊嘛.

其实佢有个高材生老豆同妈妈,都係博士级嘅人,

但点解会有个咁令人叹息嘅细路仔呢???

有人话过,有d细路仔由于细个嗰阵缺乏父母的照顾,

当佢以佢仅有嘅智力发现,原来病咗,爸爸妈妈就会留系我身边照顾我咖喇,嗰阵,

佢哋就会用仅有嘅智力去令到自己嘅智力不再发展...

每个人都有佢哋嘅过去,执着于以前嘅嘢只会令到自己走唔出围墙,

越走唔出去,就越惊,越惊就越走唔出去,

然后自己系墙入面闷闷不乐.

我觉得有时闷闷不乐都係一种好嘢,

人冇可能anytime都咁快乐咖嘛,

开心都要用脑,都要篩精神篩精力咖,

偶尔闷闷不乐下,等个脑放松下,沉浸下系down嘅情绪之中.

开唔开心,幸唔幸福,係比较出来咖.

大家都着Adi有咩咁幸福嗻,

惟有我着3间,你着白饭鱼,我先会感觉到幸福咖嘛.
关键词:日记

作者:癫文

《2008.4.27.16:57》


下一篇:没有了

最 新:
没有其它新的作品了

更多癫文的POCO作品...

评论