×

新导航介绍,点击查看

关于女女嘅性格

发表日期:2008-05-26 摄影器材: 点击数: 投票数:
之前 一直担心 女女性格比较高斗 唔会唔唔合群
而家 可以放心 女女性格属于乐天派 喜欢大笑 喜欢热闹 喜欢同大帮人一齐玩 哈哈

最中意逛街 唔系逛江边 而系逛商业街 可以见到五颜六色嘅商品 可以见到各种各样嘅人 动物 女女就至开心啦
有时可以见到块靓靓嘅招牌就自己开怀大笑 有时见到部车系度后退掉头 都可以笑到咯咯声~

见到哥哥姐姐 会好高兴 想同人地玩 但系通常d哥哥姐姐系唔中意同细过自己嘅bb玩嘅 所以女女成日想同人地玩 成日咿咿呀呀甘想同d哥哥姐姐讲野。。。可惜BB语言 冇人听得明~

呢几日 女女真系开始学讲野啦 我地大人对区讲野 区会好认真甘出一两句声跟住我地讲,有时仲会主动咿咿呀呀甘讲翻比我地听。。。不过 d音都系BB语系 听唔明嘅。。。哈哈

最搞笑系 今日 嬷嬷同女女出完去后回到楼下大堂按密码入门 点知嬷嬷按左三次都失败左,女女坐系车车度冇扭计冇出声 望住嬷嬷系度搞黎搞去,眼神好似讲----嬷嬷 你到底记唔记得密码噶??到底识唔识点开门噶??

搞到嬷嬷几甘於啊。。。。。。。。。。哈哈哈

睇黎女女都系属于大笑姑婆嘅性格嘎啦 区可以好配合我 笑到好奸 好大声~ 好似我真系做左d好好笑嘅野 而事实我净系搞下头发 或者拉拉衫。。。

哈哈 希望女女继续甘乐天~

ps 某日经过楼下幼稚园嘅名牌 下面有行字“ 快乐 健康 自信 创造” 女女发现左区 眼神要我话区知呢块系咩 我米同区讲呢几个字罗 讲到个乐字 我就话系乐霏嘅乐~ 女女好开心甘笑到好大声 好似真系明白甘。。。。晕低

其实好多时 我都觉得其实女女系听得明我地大人讲咩 只不过系区唔知到点样用语言表达出黎 所以啊 而家真系要开始同区讲道理 吾可以甘求其嘎啦~
关键词:宝贝

作者:mil

《关于女女嘅性格》


下一篇:没有了

最 新:
没有其它新的作品了

更多mil的POCO作品...

评论