×

新导航介绍,点击查看

3.Jul.2008 木曜日

发表日期:2008-07-03 摄影器材: 点击数: 投票数:
  
受氣嘅一日~
黐綫噶!我就快顛喇...
今日下晝遇到一件超級荒唐嘅事!!!
哼.................
眞係超級超級荒唐囖.

前幾日收到電話.
叫我今日下晝去海珠區少年宮interview~
哦?!我當時上網見到佢招聘嘅...
佢上邊寫住~
35歲以下.已婚...
我一心抱住試下嘅衝動.髮咗個email過去.
竟然咁lucky叫我去interview喔~
but.去到之後...................
依咦?!點解去interview嘅全部都係阿姨嚟嘅?!
一眼望落去.保守估計28歲+
點解得我一個靚妹嘅?!
唔通我眞係咁lucky?!呵呵...

佢約我3:15去.
點知去到要一個一個入去房度interview.
一個入去要10幾分鍾.................
而且interview順序係按姓名拼音嘅英文排列!
哇!!!!!玩嘢啫.....................
我z咪即係排最尾?!
算數.我等..............

等到咗兩粒幾鍾.成5點幾喇~
我越等越唔耐煩...
於是就問下個文員喇.
so.唔問由自可.一問眞係把幾火...
嗰個嘢問我叫咩名之後~一check.
同我講:'小姐,妳搞錯喇喔.我哋名單嗰度冇妳喔!'
我話:'下?!妳再check清楚吖~妳哋呢度有個後生嘅女打電話嚟叫我面試噶啵!'
佢話:'眞係冇喔!妳有冇聽錯吖?!'
我話:'我聽錯都冇可能咁啱知道妳哋今日面試掛?!'
佢話:'er...可能佢哋搞錯喇!唔好意思~'
我望咗下週圍.好似就得佢一個文員...
而且其他人全部都上咗年紀嘅.
後生嘅女似乎得佢一個咂啵......
一諗就知佢做錯嘢係度賴喇!!!
哼~眞係可笑吖...
仲話少年宮喔~
咁都可以搞錯嘅?!點做人事噶?!
掛乜知要請多個返嚟幫手喇...
算佢好彩.當場冇吖頭係度~
如果唔係眞係當場投訴佢添啵!!
要我係度白白係度等兩粒幾鍾~
唔嬲就假喇!!!
而且水又唔斟盃嚟~
唉!眞係唔知佢點做文員噶...
珮服到佢五體投地喇...
更加珮服嘅係點解啲領導會請啲咁嘅人返嚟噶...
珮服珮服.十分珮服.非常珮服.........................
关键词:小甜

作者:Zoe小甜

《3.Jul.2008 木曜日》


下一篇:没有了

最 新:
没有其它新的作品了

更多Zoe小甜的POCO作品...

评论