×

新导航介绍,点击查看

溝女手冊

发表日期:2008-08-06 摄影器材: 点击数: 投票数:

第一章

上个星期,我发左个冇咩特别,但系又令我不能释怀既梦。梦境唔真实,但感受却系我清醒后一直缠绕住我。
系啊,我感叹,感觉太奇妙,令我不得不叹服人类既大脑分泌系如此神奇,系幻觉结束后仍然发挥住无限既作用。
    梦境系以我高中生活为背景。我同同班一个女仔拍拖,青梅竹马,清纯的感情,简单的感觉,而我却一次偶然的机会碰上左另一学校既女仔,我竟然非常自然甘上去搭讪,好快交换电话,联络,再见面,搭上,and做早熟标志性事情。而系梦既结尾,就系我俾人撞穿脚踏两条船。结果点?咪继续感叹,同时下决心写依篇野出黎咯。
    脚踏两条船,我相信好多人都试过,而距却被主流社会道德所唾弃,且不能容忍。但有冇人统计过最多同时可以踏几条船呢?我既答案系4个女仔。而4个人当中必须有一个女仔知道你除左距之外仲有一个女朋友(我当然唔会俾距知道其实我一共有4个啦)。4个已经系极限了,我动用所有我可以动用既资源,2部手机,多个群体,3间屋。而最后,我其实系唔会觉得享受的。犹如完成任务既拍拖,我只系维持左一个月,就减少到一拖三,而后再减少到一拖二。睇到依到,可能好多人都会话我好贱格,你地会不屑。我理解,因为我都系同你地一样甘不屑自己,但我已经冇回头路走了。当欲望占据左我身体,当我你认为男女之间都系尊崇最古老既丛林法则时,我已经冇办法扭转自己对社会既感观了。冇错,就系好似上左毒瘾一样。

至于点解我会变成甘,就系从一个老土到不得老土既初恋失败开始的。事情好简单,我好爱我初恋女友,兄弟出卖我,女友被抢走,我伤心绝望。对爱情幻想破灭。而我同果个出卖我既兄弟,依家我却当完全不知情甘同距一样玩到好埋,依然当距死党对待。而距却一直以为我并唔知情,带住一丝愧疚甘生活住…… 冇错,我就系要一丝丝甘用笑容谴责距,虽然距感受唔强烈,但系长期心理上处于我下风,我容易控制距,依个系后话了。
而正如罗马唔系一日造成一样,邪恶的萌芽当然唔系一瞬间完成的。

     系我大二时,我遇见我第二任女朋友,琳。距系我师妹,果时岩岩入学。当时大二既我对咩都好奇,精力无限,而我屋企人挂住赚钱,亦无空理会我,经常出差,可以讲我几乎系一个人住。系大一我学习成绩下滑,逃课搞到要见家长之后,我懂得一个道理:要玩,就唔好惹麻烦。所以大二系父母眼中我系一个乖到唔可以再乖既人,成绩唔使担心,学校全勤,当然仲系“正直”既人。只有甘样,父母先会毫无担心甘去出差,我先唔会担心父母半夜三更打电话返屋企监督我。而我,系距地走左既当晚就同D人跑出去蒲吧,坐宵夜档。我果时觉得依D野好威,依家我睇到依D黄毛细路,走翻我当年既路,我只系笑吓,心霖原来我以前都同距地一样甘傻,甘无知。
一晚去蒲,我个F明少介绍左琳俾我认识。我记得果晚琳着住一条超短裙,脚又白又直。睇到我荷尔蒙激素分泌超常。当然,我果时依然系一个普普通通,全无武功既细路。琳系主动过黎同我搭讪既“我见过你打比赛啊,师兄。果场对管理系既比赛我睇晒啊。你好叻啊~”“哦,呵呵,估唔到你都中意睇波哦。”“更系啦,我以前高中篮球队噶~”“高中都有女仔既篮球队既咩?”“有~”……

    之后理所当然交换电话,而系好多时我打篮球既时候我都见到琳同距朋友做系篮球场边倾计。讲真,我好早之前就留意琳了。上天俾我机会认识距,而距,我当时唔知道距有冇中意我。因为我个朵系学校果时……讲真唔系甘正派。我系系入面既文体部长,当然唔系因为我品行多么端正。而系我系果时篮球队既,而篮球队成员只有我一个系学生会做干事,所以咪升左我咯。而我烂蒲就全系都知道。

    我霖翻起果时烂蒲,都系因为觉得威先去蒲,并唔系咩舒缓压力之类。而依D出名烂既男仔,同时具有一个学校既官位“文体部长”系好受女仔欢迎。而我霖琳都系因为甘先会中意我吧。而琳既主动,极大甘提高左我既自信心,我从认识距开始,我慢慢睇到其实我并唔差。我都有人留意啊。琳生得好靓,虽然有D黑,不过正因为甘,更显得距可爱,直率。系我同距几次出黎蒲之后,我地成为地下情人。点解当时冇公开,系因为觉得一黎“地下”感觉比较刺激,二黎我同距都唔想俾其他人问长问短。当然,地下情系一个月内就俾人捅破,并不能地下好耐。

    而果时大家都知道,男女之间仲比较封建。而我虽然精力无限,亦碍于距系Virgin,而不会贸然落手。直到一晚,我地又约定几个F跑出去玩,然后晚黑继续坐士多,睇班pk撩女仔。而我当日约左同另一学校比赛,由于间学校太远,我叫琳同班女仔先去食饭,我到时同篮球队班人打完波之后再碰头。估计肯定晚饭后就到了。点知依场波有人受伤同埋发生一D争执,中间停左一排,打到8点半先结束到。唯有打电话叫班女稳地方坐地先,我地迟D再去。而等到我地换好衫,去到果时已经9点了。场波我地输左,大家心情都唔好。而接落黎我地见到既一幕就更令我地依班冇地方发泄既人稳到一个发泄既地方……

   几个唔知边到既职中学生,系士多出面撩我地班女。真系睇到火都起,你知我地成4个人,仲要个个都系打波既,点会惊班细路。4部山地车,围左上去。

“喂,想死啊。做咩啊你地”

“咩咩啊,家下倾计犯法啊”竟然仲口硬!?

“倾计就唔犯法”我扔地部车,一手甩开我个波袋,一副要打交既架势。“不过要睇对象,你撩我条女就唔得”

人都系奇怪既,当两边形势差唔多既时候,交就一定会打得成。但系只要你依边形势强,并且你表现出你打交既意志时,对方就好快软晒。

“唔撩咪唔撩落,巴*闭咩。有宝啊!?”其中一个仲好嘴硬,依D可能就系俗称既血气方刚呱。

啪一声,另三个F扔左部山地落地。其中一个仲要兜左去距地既退路到。距地一见甘架势,拉住条友就走人了。我地都冇追到,系后面闹几句算数。当然我地都唔想因为打交搞乱晒个party。对于依D人,吓走了事。

“叫你唔好着甘短啦,唔俾人撩就奇啦。”

“咩哦,我成日都甘着嘎啦。”琳明显收到D惊吓,距口系甘讲,我睇到距眼有少少红了。可能我一句责怪,令距觉得受到左委屈。
“好了,甘你有冇事啊!?唔好嘎啦,放心啦,依家冇事了”
琳将我支手臂捁住,好紧好紧。
系士多吹完水之后,我搭左琳去我屋企。果晚,我感受住琳既幼滑既皮肤,嗅遍距身上既香味。我当然唔否认我好中意琳,但我同时亦都慢慢终结出一D道理,原来要真正得到女仔既心,系需要一D必不可少既元素。依晚发生既事,唔知究竟 标示住我同琳既感情更进一步,定系决定左未来我都只能用左脑思考爱情。

之后既日子,我对于我既新发现,更是越难越按耐不住要付诸于行动。沟女逐渐成为一门“学科”,成为一个永不能满足既欲望同埋“问题解决”即等同结束的循环。

系大二下学期,我被强制要求参加学校既校庆舞蹈。我真系一万个唔愿意,但系我却因为依个碰到芳。依个系我脚踏两条船既开始。而完美既开局,没有令我得到脚踏两条船既报应,我开始一发不可收拾了。

作者:苦榮

《溝女手冊》


下一篇:没有了

最 新:
没有其它新的作品了

更多苦榮的POCO作品...

评论