×

新导航介绍,点击查看

今日我换咗个发型

发表日期:2007-07-01 摄影器材: 其它相机 点击数: 投票数:

      今日我去I.O.U. 作出了一生人的伟大尝试。我,终于变咗look。
      以前要番学,所以凡是剪头发都好中意剪“短碎”。我几中意短发噶,因为够短,打理方便,训醒教用水湿几湿就可以出门啦。长头发我唔会抗拒,经常希望自己嘅头发可以长长啲,那么发型就可以多变。但係,一个月、两个月我都冇剪头发,佢嘅长度依然都係咁——冇变化。都唔知点解,我嘅头发长到一定长度就会停止,唔会继续生长落去。
      7月12日就要番学挪高中毕业证,终于可以结束高中生活。所以我决定改变自己嘅look,好让自己嘅image更加perfect。
      去到I.O.U.,又要洗头。唉,最憎就係比人猛“拗”个头,鬼死唔舒服。10分钟终于挨过去啦,终于可以完成洗头咁艰巨嘅任务。坐低后,个barber行咗过嚟,问我:“你想点剪?”我答佢:“你话点剪好?”佢考虑咗一阵,跟住同我讲:“咁咁咁,跟住就咁咁咁,中间长啲,两边短啲,然后又咁样,接着那样……”听佢吹咗一轮,大概都知道个流程同埋个发型係点。今次剪,时间用咗差不多一个钟,平时我顶多都係用半小时咋。睇嚟今次个look应该唔错喔。
      佢一刀一刀咁剪落嚟,我越睇越惊。点知道剪出嚟嘅效果係点噶,会係会成个“捞”仔咁噶?会唔会成个“乡下仔”咁噶……弊,有小小后悔添,早知就剪短碎,唔搞咁多嘢啦。于是我等,我继续等。终于都ok啦,解脱啦。睇下个look,几好啊,几满意。同我心里面所霖几都差不多吧,好睇喔。咁大个仔,第一次剪啲咁嘅发型,有小小睇唔惯。不过我觉得好型啦,够嗮威。
      想知道係咩发型?你地有冇见过张敬轩,同佢近期出show嘅发型差不多啦,唔错。
      掂啊,不过我惊去见工果时比人唔好印象喔~~!!我霖,佢地应该可以接受吧~~I hope so.Aye,i think they won't……

     
      你地觉得我头像嘅发型如何啊?讲比我听! 

关键词:换look

作者:stevenchoi

《今日我换咗个发型》


下一篇:没有了

最 新:
没有其它新的作品了

更多stevenchoi的POCO作品...

评论