×

新导航介绍,点击查看

9.Jul.2007 月曜日

发表日期:2007-07-09 摄影器材: 其它相机 点击数: 投票数:

今日好熱吖~超熱吖...

攰死人喇!!
今朝考完試~嗱嗱臨返屋企瞓教...
點知噠落牀又瞓唔着喔.
so`起身開電腦提下神先!!!
呢幾日都好忙.所以好少開電腦.
今日要補返數喇...

中午食完飯.睡意正濃!
係沙髮一瞓就三粒鍾~
仲瞓到髮惡夢添...
我都唔知眞係髮惡夢定畀鬼紥.
成嗰人意識處於糢糊狀態~
但我好明顯係半清醒嘅.
我聽到有兩個人係我身邊行過.細聲傾偈嘅聲音...
但係我想起身嘅時候又'鬱'唔到.
成嗰人就好似畀人點咗定穴咁~手腳都好痲!!!
我思想一直係度鬥爭.我見到少少天花板.
估計我係反緊白眼.哈哈哈~~~
後來過咗一陣.我係度諗點先可以'鬱'呢??!
於是我想大聲教媽咪救我...
點知我叫唔岀聲喔!!!
眞係超恐怖吖~~~
再過咗陣.我諗住轉身等嗰人唔洗咁攰...
點知一轉就成嗰人都'鬱'到喇!!!

哇~諗返起都覺得好恐怖吖!!!
下晝唔會有鬼噶掛??!唔會咁猛掛??!
其實...我好細膽噶咂~
而且我又冇做過乜嘢虧心事同對唔住其他人嘅事.
唔好嚟搵我吖!一定係搵錯人喇...

頭先我同媽咪講返起...
媽咪話.可能我瞓教嗰陣個風扇開太大喇~
而且我又定住一個pose嚟瞓教.
所以導至我手腳痲痺.所以先'鬱'唔到喔!
至於嗰啲聽到嘅話.可能係我呢排熱氣~
所以先髮惡夢哇....
希望如此喇!!!!好驚好驚好驚吖~~~~~~

关键词:小甜

作者:Zoe

《9.Jul.2007 月曜日》


下一篇:没有了

最 新:
没有其它新的作品了

更多Zoe的POCO作品...

评论